سی پیک کی کامیابی کیلیے ڈاکوئوں سے نجات ضروری ہے، فیصل ندیم
اشاعت کی تاریخ: 28th, January 2025 GMT
ٹنڈوجام (نمائندہ جسارت) مرکزی مسلم لیگ سندھ کے صدر فیصل ندیم نے کہا ہے کہ سی پیک منصوبے کی کامیابی کے لیے ڈاکوئوں سے نجات ضروری ہے، ڈاکوؤں کی سرپرستی کون کر رہا ہے؟ سب جانتے ہیں، عوام پر ٹیکسوں کا بوجھ ڈال کر قومی اور صوبائی اسمبلی کی اراکین کی تنخواہوں میں اضافہ غریب عوام کے زخموں پر نمک چھڑکنے کے مترادف ہے۔ یہ بات انہوں نے حقوق سندھ ریلی سے خطاب کرتے ہوئے کہی۔ انہوں نے کہا کہ سندھ کی عوام کے حقوقِ پر کسی اور نے نہیں بلکہ حکمرانوں نے ڈاکا ڈالا ہے، دریائے سندھ سے عوام کو اور کاشتکاروں کو پانی نہیں مل رہا اور اب اس سے نہریں نکالنے کی بات کی جا رہی ہے، اگر یہ منصوبہ منسوخ نہ کیا گیا تو سندھ کی زمین بنجر اور کاشتکار مالی بحران سے دو چار ہو جائیں گے۔ انہوں نے کہا کہ سی پیک کی کامیابی کے لیے شاہراہوں کا پرامن ہونا ضروری ہے، کچے کے ڈاکو بغیر کسی کی سرپرستی کوئی کارروائی نہیں کر سکتے اور جب تک حکمران ٹولہ ان کی سرپرستی بند نہیں کرے گا تو عوام کو جان و مال کا تحفظ نہیں ہو گا۔ انہوں نے کہا قومی اور صوبائی اسمبلی کے اراکین نے اپنی تنخواہوں اور مراعاتوں میں اضافہ کر کے غریب عوام کے زخموں پر نمک چھڑکا ہے۔
.ذریعہ: Jasarat News
پڑھیں:
پی ٹی آئی کے ورکرزبہت جلد یوم نجات منائیں گے،کنڈی
گورنر خیبر پختونخوا فیصل کریم کنڈی کا کہنا ہے کہ گومل کی بنیاد 1974 میں ذوالفقار علی بھٹو نے رکھی تھی،ہماری توجہ خیبر پختونخوا میں امن وامان پر ہے۔
میڈیا سے گفتگو کرتے ہوئے انہوں نے کہا کہ سیاسی جماعتوں کا مشکور ہوں جنہوں نے کرم معاملے پر ساتھ دیا،خیبر پختونخواکے امن کیلئے وزیراعلیٰ ہاؤس گیا۔
انہوں نے کہاکہ
میں کسی کے ریموٹ کنٹرول پر نہیں چلتا،سنا ہے کہ وزیراعلیٰ پاؤں پڑ رہا تھا ،اصلی پی ٹی آئی جشن منا رہی ہے،پی ٹی آئی کے ورکرزبہت جلد یوم نجات منائیں گے۔
انہوں نے کہاکہ افغانستان کی زمین اگر پاکستان کیلئے استعمال ہوگی تو اسکا جواب ملے گا۔
پاکستان کے کونسے 9 شہروں کے افراد کے بیرون ملک جانے پر کڑی نظر رکھی جائے گی؟