کراچی: محمد شاہ قبرستان کے قریب گھر سے خاتون کی پھندا لگی لاش برآمد
اشاعت کی تاریخ: 27th, January 2025 GMT
نارتھ کراچی محمد شاہ قبرستان کے قریب گھر سے خاتون کی گلے میں پھندا لگی تعفن زدہ لاش ملی ہے۔
نارتھ کراچی محمد شاہ قبرستان کے قریب گھر سے خاتون کی گلے میں پھندا لگی تعفن زدہ لاش ملی۔مقتولہ کے شوہر نے کچھ روز قبل مذکورہ مکان کرایے پر لیا تھا جبکہ شوہر منظرعام سے غائب ہے۔پولیس نے مقتولہ کی لاش ضابطے کی کارروائی کے لیے عباسی شہید اسپتال منتقل کر دیا۔
اس حوالے سے ڈی ایس پی سلمان وحید اور ایس ایچ او سرسید فرخ ہاشمی نے بتایا کہ مقتولہ کی شناخت 28 سالہ ثمینہ کے نام سے کی گئی جبکہ فوری طور پر کرائم سین یونٹ کو طلب کر کے جائے وقوعہ سے دستیاب شواہد حاصل کیے گئے ہیں۔
مقتولہ کی لاش تقریباً 5 دن پرانی ہونے کی وجہ تعفن زدہ ہوگئی تھی جس کی وجہ سے لوگوں نے پولیس کو بتایا اور جب پولیس مکان میں گئی تو خاتون کی لاش پڑی ملی۔
انہوں نے بتایا کہ ابتدائی معلومات کے مطابق مقتولہ کے پہلے شوہر ایاز کا انتقال ہوگیا تھا جس کے بعد مقتولہ نے طارق نامی شخص سے دوسری شادی کی تھی۔نارتھ کراچی بلال کالونی سکیٹر سیون اے میں جس مکان سے مقتولہ کی لاش ملی ہے وہ کچھ روز قبل ہی اس کے شوہر نے کرایے پر لیا تھا جبکہ واقعے کے بعد شوہر منظرعام سے غائب ہے اور اس کے سامنے آنے کے بعد ہی صورتحال واضح ہو سکے گی۔
پولیس کا مقتولہ کے بھائی سے رابطہ ہوا ہے جس نے بتایا ہے کہ ان کا آبائی تعلق رحیم یار خان سے ہے مقتولہ ثمینہ نے 2 ماہ قبل طارق نامی شخص سے گاؤں میں شادی کی تھی جس کا انہیں بھی علم نہیں تھا۔
پولیس کا کہنا ہے کہ مکان مالک سے بھی پولیس اس حوالے سے معلومات حاصل کر رہی ہے جبکہ مقتولہ کے شوہر کا موبائل فون بھی مسلسل بند جا رہا ہے۔
مقتولہ کے ملنے والے شناخت کارڈ پر اس کا موجودہ اور مستقل پتہ نارتھ کراچی سیکٹر الیون اے کا درج ہے اور پولیس اس حوالے سے بھی معلومات حاصل کر رہی ہے۔
پولیس نے عباسی شہید اسپتال میں مقتولہ کا پوسٹ مارٹم کرایا جس کی رپورٹ آنے کے بعد ہی وجہ موت کا تعین ہو سکے گا تاہم پولیس واقعہ کی مزید تحقیقات کر رہی ہے۔
.ذریعہ: Express News
کلیدی لفظ: نارتھ کراچی مقتولہ کے مقتولہ کی خاتون کی کی لاش کے بعد
پڑھیں:
امریکی خاتون پاکستانی نوجوان سے شادی کرنے کراچی پہنچ گئی
امریکی خاتون کو شادی کا بول کر کراچی بلانے کا انکشاف ، امریکی خاتون20سالہ نوجوان سے شادی کے غرض سے کراچی آگئی۔ پولیس حکام کا کہنا ہے کہ لڑکے نے امریکی خاتون کو پاکستان بلا کےشادی سے انکار کردیا، خاتون کا ویزہ بھی ایکسپائر ہو چکا ہے، ویزہ ایکسپائر ہونے کی وجہ سے خاتون کراچی میں پھنس گئی۔پولیس کے مطابق خاتون کی سیکورٹی داروں نے مدد کی ہے، خاتون کو مزید 15دن کا ویزہ ملا ہے، آج امر یکہ روانہ کردیا جائے گا،لڑکے کی فیملی نہیں مانی جس پر خاتون ائیرپورٹ پر موجود رہی۔گورنرسندھ کامران ٹیسوری کا کہنا ہےکہ وہ ائیرپورٹ گئے تو خاتون کے بارے میں انہیں معلومات ملیں، خاتون کو پاکستان کا ویزا دلوایا، واپسی کے ٹکٹ کابھی بندوبست کر دیا ہے۔
غزہ میں بے گھر 19 لاکھ فلسطینیوں کو فوری امداد کی ضرورت ہے، انروا