میرا مہینہ
رمل اقبال (شکارپور سندھ)
سال کا کیلنڈر بدلتے دیر ہی نہیں لگتی۔ کبھی ہندسے تو کبھی زندگیاں بدل جاتی ہیں۔ وقت کی تیز رفتار میں ہم ایسے محو ہوئے کہ کبھی وقت ہی نہ ملا یہ سوچ سکیں کہ اس دوڑتے وقت میں کونسا دن، کونسا مہینہ ہمارا ہے۔ زندگی تسلسل سے چل کر رکنے والے ایک ایسے سلسلے کا نام ہے جو چلتا رہا تو آباد رہا، تھم گیا تو سب گیا۔ اس رنگین کائنات میں کبھی کسی کو سب رنگ نہ مل سکے۔ زندگی کی اس تصویر پر جب بھی غوروفکر ہوئی، کسی نہ کسی رنگ کی کمی ضرور باقی تھی۔
وہ جنوری کی تئیسویں شب گرم کافی کا مگ ہاتھ میں تھامے سوچوں میں گم تھی کہ یک لخت اس کی نظر دیوار پر لگے کیلینڈر پر گئی۔ جیسے ہی اس کا دھیان جنوری 2025 کی 24 تاریخ پر گیا۔ اسے یاد آیا کہ کل اس کی سال گرہ ہے۔ اس دنیا میں اس کا ایک اور سال بڑھ جائے گا۔ ہر سال اس کی سال گرہ منائی جاتی تھی، مگر آج اس کی نگاہ پہلی بار اپنی جنم دن کی تاریخ پر پڑی تھی، جس کے بعد گزرے برسوں کے بہت سے نقوش اس کے ذہن میں امڈ آئے تھے۔ وہ چند لمحے وہیں رکی، پھر مگ وہیں میز پر رکھ کر سیدھا اپنے کمرے میں آگئی۔
وہ آج پہلی بار خود کے لیے ایک تحریر لکھنا چاہ رہی تھی، جس کا عنوان اس نے منتخب کیا ’’میرا مہینہ۔‘‘
اس نے تحریر کی ابتدا ان دکھوں سے کی جو اس پر گزرے تھے۔
وہ اپنی تحریر میں کبھی زندگی کو تو کبھی خود کو مخاطب کرتے ہوئے، کبھی گزرے ایام کو یاد کر کے لکھتی گئی۔۔۔’’کتنے سال بیت گئے اے حیات! کتنی باقی ہے نہیں معلوم۔ کتنے سپنے تھے جو ٹوٹ گئے، کتنی دعائیں تھی جو ادھوری رہیں، کیسے کیسے ہاتھ چھوٹ گئے۔ کتنے خیال قرطاس اور کتنے ہی رنگین خواب تھے جو تعبیر نہ پاسکے۔ قسمت کا لکھا کون بدل سکا ہے۔ کچھ کانٹوں نے میرے پھولوں بھرے گلستاں کو خارستان بنا ڈالا۔ کچھ سیاہ دھبوں نے، میرا سفید آنچل داغ دار کردیا۔ کچھ ظالم بھیڑیوں نے مجھ سے میری معصومیت چھین لی، کسی شکاری نے میرا گھونسلا اجاڑ دیا۔ میں دیکھتی رہی جیتی رہی۔ ان گزرے برسوں میں کتنے ہی روپ زندگی کے دیکھے۔ کیسا کیسا کھیل کبھی سپنوں نے میرے ساتھ کھیلا تو کبھی اپنوں نے۔
کم عمری میں ملے کچھ ایسے زخم ہیں، جن کا مرہم فلک سے اتارا جائے تو وہ بھر جائیں گے، ورنہ کبھی نہیں بھرسکیں گے۔ میں نے خود میں بہت سی لڑکیاں دیکھیں۔ کبھی وہ لڑکی جو ریل کی پٹڑی کے عشق میں مبتلا تھی شاید کسی نہ آنے والے مسافر کے لیے۔
تو کبھی انتظار سے تھک کر گھر کی ساری گھڑیاں اٹھا کر توڑ دینے والی لڑکی۔
کبھی وہ لڑکی جو خزاں کے بکھرے پتوں کو اپنی مٹھیوں میں پیار سے بھر کر، پاس درخت میں دفن کردیتی۔ تو کبھی وہ لڑکی جو اتنی سنگ دل ہوجاتی کہ ان ہی پتوں کو پیروں تلے روند کر آگے بڑھ جاتی۔ میں نے اپنی ذات میں موجود مختلف روحوں کو محسوس کیا جو بہت خاص تھیں مگر تذبذب کا شکار۔‘‘
سادہ سادہ لفظوں میں وہ تحریر لکھتی جا رہی تھی کہ کچھ پل کے لیے اس نے قلم روک دیا اور صفحہ پلٹ دیا۔
اس صفحے پر اس نے گزری حیات کے چند نشاط کے لمحے لکھے، وہ لکھتی ہے،’’پچھلے صفحے پر زندگی کا وہ رخ تھا جو بھیانک ٹھہرا۔ یہ دوسرا رخ ہے جہاں مجھ پر قسمت مہرباں رہی، وہ میرے والدین کا سایہ ہے۔ میرے قریبی گنتی کے چند لوگ ہیں، جن کی محبت میرے جیون کا اثاثہ ہے۔ کچھ کام یابیاں ہیں اور بس۔ ان گزرے سالوں میں کبھی میں نے غور ہی نہ کیا کہ میرا مہینہ کون سا ہے؟ آج مجھے احساس ہوا ہے ’’جنوری‘‘ یہ نئے سال کے پہلے مہینے کے ساتھ ’میرا مہینہ‘ بھی ہے، جس میں میری روح کو اس دھرتی پر اتارا گیا۔ مجھے محبت سے گوندھ کر مجھ میں معصومیت اتاری گئی۔ اس مہینے کی ہر ٹھنڈی رات میں سحر ہے، ایک رمز ہے۔ جنوری میرا مہینہ ہے۔
یہ مہینہ ہمیشہ خاموشی سے گزرتا گیا، مگر آج اس نے مجھے اپنے جانب کھینچ کر اپنے ہونے کا احساس دلایا کہ یہ میرا مہینہ ہے۔ جنوری میرا مہینہ ہے۔ میں آج گزرے وقت کو محسوس کرسکی، میں آج اپنی ذات میں جھانک کر اپنے لیے کچھ لکھ سکی۔ مجھے آج اپنے ہونے کا احساس ہوا۔ مجھے اپنے جنوری کو ہر حال میں جینا ہے، چاہے زندگی کی رنگین تصویر میں مجھے سب رنگ ملیں نہ ملیں، مجھے مجھ سے ملنا ہے، ہر سال، ہر جنوری کیوں کہ جس رب نے مجھے اس خوب صورت مہینے میں اتارا، وہ رب میری زندگی کے آنے والے ہر لمحے کو خوب صورت بنادینے پر قادر ہے۔
آخری سطر میرے نام
اے جنوری مجھے تم مبارک
اور تمہیں میں مبارک
مجھے میری سالگرہ مبارک‘‘
تحریر ختم ہوتے ہی وہ ڈائری اٹھا کر بیڈ پر چلی گئی، کب نیند نے اسے اپنی گرم آغوش میں لیا پتا نہ چلا۔
۔۔۔
عروس البلادکراچی کا 30 واںعالمی مشاعرہ2025ء
ریحان محمود خان
E.
mail:[email protected]
ساکنان شہرقائد کا پہلا ’’عالمی مشاعرہ‘‘ 1989ء میں منعقد ہوا، جس کا تسلسل آج تک جاری ہے۔ محمود احمد خان رات دن ایک کرکے مشاعرہ کام یاب بنانے کے لیے کوشاں رہتے ہیں جس کی بدولت 4؍جنوری 2025ء کو بوقت 9:00 بجے شب بہ مقام ایکسپو سینٹر، گلشن اقبال، کراچی میں ساکنان شہرقائد کے تحت30 واں کام یاب عالمی مشاعرہ منعقد ہوا۔
ڈاکٹر پروفیسر پیرزادہ قاسم رضا صدیقی نے عالمی مشاعرے کی تیاریوں کے سلسلے میں کراچی کے شہریوں کے جوش و خروش دیکھ کر پہلے ہی کہہ دیا تھا کہ جس طرح شہر کی مشہورومعروف ادبی و سماجی شخصیات اور تاجر برادری آگے بڑھ کر کام کررہی ہے، چند دن کے نوٹس پر بڑی تعداد میں اجلاسوں میں شرکت کرنا، ہر طرح سے اپنے تعاون کا یقین دلانا ثابت کررہا ہے کہ یہ ایک کام یا ب مشاعرہ ہوگا، ایسا ہی ہوا۔
پھر رات کی جگمگاتی، رونقوں اور دل کشی نے دیکھا کہ جیسے وقت دبے پاؤں گزررہا تھا، پنڈال آہستہ آہستہ، خراماں خراماں فیملیوں سے بھرتا رہا اور ایک وقت ایسا آیا کہ تِل دَھرنے کی جگہ نہ رہی۔ جیسے ہی گھڑیوں نے رات کے 12:00 بجنے کا اعلان کیا، شہریوں کا جوش خروش دیدنی تھا، سب نے ایک ساتھ کھڑے ہوکر اپنے دونوں ہاتھوں میں پاکستان کی جھنڈیاں ہلا ہلاکر قومی ترانہ پڑھا۔ اس سے شہریوں کی وطن پاک پاکستان سے یک جہتی، محبت اور اخوت کا جو لازوال اور خوب صورت سماں پیدا ہوا، اُس سے پاکستان کا عالمی سطح پر مثبت امیج ابھرا۔ مشاعرہ رات 4:30 بجے تک جاری رہا۔
اس عالمی مشاعرے میں بیرون ملک سے شعراء حضرات میں وجے تیواری (بھارت)، عقیل دانش (لندن)، شاہدہ حسن (ٹورنٹو)، حمیرا رحمٰن (نیویارک)، تسنیم عابدی (امریکا)، سمن شاہ (پیرس)، اندرون ملک سے افتخارعاف، محبوب ظفر، عمران عامی، شکیل جاذب (اسلام آباد)، واجد امیر، زاہد فخری، عباس تابش، شعیب بن عزیز، حمیدہ شاہین (لاہور)، ناصر علی سید (پشاور)، محسن شکیل (کوئٹہ)، امر پیرزادو (لاڑکانہ)، ظہیر ظرف (لسبیلہ)، مبشر سعید (ملتان)، کراچی سے پروفیسر سحرانصاری (صدر مشاعرہ)، ڈاکٹر پیر زادہ قاسم رضا صدیقی، انورشعور، صابر ظفر، فراست رضوی، عقیل عباس جعفری،جاوید صباء، اختر سعیدی، ڈاکٹراقبال پیرزادہ، فاضل جمیلی، خالدمعین، ناصرہ زبیری، اقبال خاور، ڈاکٹر رخسانہ صباء، کاشف حسین غائر، نعیم سمیر، عبدالرحمٰن مومن اور نینا عادل شامل ہیں۔ نظامت کے فرائض ڈاکٹر عنبرین حسین عنبر اور وجیہ ثانی نے انجام دیے۔
معروف بھارتی شاعر وجے تیواری جو خصوصی طور پر عالمی مشاعرے میں شرکت کے لیے پاکستان تشریف لائے، انہوں نے کہا کہ اِس عالمی مشاعرے میں شرکت میرے لیے ایک اعزاز سے کم نہیں۔ مشاعرے میں اتنی بڑی تعداد میں لوگوں کی شرکت بتارہی ہے کہ کراچی کے شہری ادب نواز ہیں اور شاعری کو کتنا پسند کرتے ہیں۔ شاعری کے ذریعے لوگوں کو ایک دوسرے کو سمجھنے آسانی ہوتی ہے اور وہ ایک دوسرے کے قریب آتے ہیں جس سے محبت بڑھتی ہے۔ کراچی میں مجھے جتنی اپنائیت ملی اُسے میں زندگی بھر فراموش نہیں کرسکتا۔ میں انڈیا واپس جاکر آپ لوگوں کا پیغام محبت پہنچاؤںگا۔
انہوں نے مزید کہا کہ انڈیا اور پاکستان میں ادبی و ثقافتی لحاظ سے وفود کے تبادلے ہونے چاہییں۔ اس سے دونوں ملکوں کے عوام میں دُوری ختم ہونے میں مدد ملے گی اور خطے میں اَمن کو تقویت ملے گی۔ انہوں نے اپنی شاعری شروع کرنے سے پہلے آتے ہی زوردار آواز میں سلام کیا، شائقین حیران ہوئے، انہوں نے دُوبارہ سلام کیا اور پنڈال میں موجود سب نے مل کر جواب دیا، جس نے شاعرانہ ماحول میں مزید دُوستانہ خوشبوئیں پھیلا دیں۔ مشاعرہ شروع ہونے سے پہلے پنڈال میں موجود شعر پڑھنے کے شوقین حضرات سے گاہے گاہے شاعری سنی گئی، کسی نے مزاحیہ کسی نے سنجیدہ اور کسی نے غم زدہ شاعری سنا کر اپنے دل کا حال سنایا، جس سے لوگ کافی محظوظ ہوئے اور تالی بجا کر حوصلہ افزائی کرتے رہے۔
ساکنان شہرقائد عالمی مشاعرہ کے محمود احمد خان سرپرائز دینے میں کوئی مثال نہیں رکھتے۔ انہوں نے عالمی مشاعرے کے مداحوں کو وجے تیواری کو مدعو کرکے زبردست سرپرائز دیا۔ مشاعرہ شروع ہونے کے بعد تک کسی کو بھی نہیں معلوم تھا کہ بھارت سے بھی کوئی شاعر تشریف لارہے ہیں یا نہیں، اِس موقع پر محمود احمد خان نے کہا کہ بلاشبہہ ساکنان شہرقائد کا یہ 30واں کام یاب عالمی مشاعرہ 2025ء سب سے زیادہ مقبول اور آسمان کی بلندیوں کو چھوتا ہوا مشاعرہ تھا۔
یہ کام یابی حکومت سندھ، گورنر سندھ، الیکٹرانک میڈیا، ضلعی انتظامیہ اور سیکیوریٹی کے اداروں کے تعاون کے بغیر ناممکن تھی۔ میں اُن سب کا شکر گزار ہوں اور شائقین کا تہہ دل سے ممنون ہوں کے انہوں نے میری آواز پر لبیک کہا او رعالمی مشاعرے کو کام یاب بنایا۔
یہاں یہ بھی بتادیں کہ ساکنان شہرقائد کے اِدارے کی ایک شاخ ’’سخنورانِ نوجوانِ ادب‘‘ قائم کردی گئی ہے، جونیا ٹیلنٹ سامنے لارہی ہے اور سنیئر شاعر ججز اور اساتذہ اسٹیج پر بیٹھ کر نوجوان شعراء کی حوصلہ افزائی کرکے اُن کو شاعری کے رموز سے آشنا اور غلطیوں کی نشان دہی کرتے ہیں، جس کی وجہ سے اب یہ اُردو کا ایک متحرک ادارہ بن چکا ہے۔ مشاعرے میں خالدمقبول صدیقی، سینیٹر نسرین جلیل، امین الحق، وقار مہدی، واثق نعیم، سینیٹرنہال ہاشمی، ڈاکٹر فوزیہ حمید، حسن امام صدیقی، ڈاکٹر اوجِ کمال، سید تراب شاہ، مظہر ہانی، فاروق عرشی، وصی قریشی، اطہر جاوید صوفی، ریحان محمود خان، احمد حسن ، عبدالباسط، ندیم ظفر، جمال اظہر، منصور ساحر، صائمہ علوی، فیاض حیدر رضوی، سید عبدالباسط و دیگر علمی و ادبی شخصیات نے کثیر تعداد میں شرکت کی۔
ذریعہ: Express News
کلیدی لفظ: ساکنان شہرقائد عالمی مشاعرے عالمی مشاعرہ میرا مہینہ انہوں نے میں شرکت کر اپنے تو کبھی کام یاب کے لیے مجھے ا
پڑھیں:
میرا بس چلے تو ٹیکس ریٹ 15 فیصد کم کردوں مگر آئی ایم ایف کی وجہ سے مجبور ہوں ،وزیراعظم
اسلام آباد (صباح نیوز/اے پی پی) وزیراعظم نے کہا ہے کہ میرا بس چلے تو ٹیکس ریٹ 15 فیصد کم کردوں مگر آئی ایم ایف کی وجہ سے مجبور ہوں‘ چند ماہ میں بجلی کی قیمت میں نمایاں کمی آئے گی‘ کاروبارمیںآسانی پیدا کرنے کے لیے جلد اقدامات کا اعلان کیا جائے گا‘مذاکرات سے گریز غیر جمہوری رویہ ہے ‘ پاکستان کو تصادم کی نہیں، مفاہمت کی ضرورت ہے۔ تفصیلات کے مطابق وزیراعظم شہباز شریف نے کہا ہے کہ اب کسی کو غیرجمہوری رویوں سے تعمیر و ترقی کے عمل میں رکاوٹ نہیں ڈالنے دیں گے۔ وزیراعظم مسلم لیگ (ن)کے سینئر رہنما اور پی ٹی آئی سے مذاکرات کرنے والی سرکاری کمیٹی کے ترجمان، سینیٹر عرفان صدیقی سے گفتگو کر رہے تھے جنہوں نے وزیراعظم ہائوس میں ان سے ملاقات کی۔ شہباز شریف نے کہا کہ مذاکرات سے گریز غیر جمہوری رویہ ہے جس سے کشیدگی کا ماحول پیدا ہوتا ہے اور قومی یکجہتی کی فضا کو بھی نقصان پہنچتا ہے‘ پاکستان کو ہنگاموں، محاذ آرائی اور تصادم کی نہیں، مفاہمت اور ہم آہنگی کی ضرورت ہے ۔ وزیر اعظم شہباز شریف نے کہا ہے کہ میرا بس چلے تو ٹیکس کی شرح 15 فیصد کم کردوں مگر آئی ایم ایف کی وجہ سے مجبور ہوں، ملک میں مہنگائی بڑھنے کی شرح5 فیصد سے کم ہے‘ بجلی کے نرخ میں کمی کے لیے محنت کر رہے ہیں، اگلے چند ماہ میں بجلی کی قیمتوں میں نمایاں کمی آئے گی۔ انہوں نے اسلام آباد میں نئے ہوٹل کی افتتاحی تقریب سے خطاب کرتے ہوئے کہا کہ کاروبار میں آسانی لانے کی کوششیں کر رہے ہیں، اس حوالے سے چند ہفتے میں اعلان کیا جائے گا۔وزیراعظم نے کہا کہ پی آئی اے کی نجکاری کی نئی کوشش کی جارہی ہے اور اس مرتبہ پاکستان بھر سے سرمایہ کاروں کو دعوت دے رہے ہیں، شفاف طریقے سے بولی کا عمل ہوگا ۔ وزیراعظم نے انسانی اسمگلنگ کے سدباب کے لیے قانونی فریم ورک کو مزید مضبوط بنانے اور فیڈرل پراسیکیوشن ایکٹ2023ء پر عملدرآمد تیز کرنے کی ہدایت کرتے ہوئے کہا ہے کہ انسانی اسمگلروں کی گرفتاری اور استغاثہ کے لیے درکار متعلقہ عملہ کا حصول تیز کیا جائے۔ پیر کو انسانی اسمگلنگ کے سدباب کے لیے تشکیل کردہ ٹاسک فورس کا پہلا اجلاس وزیراعظم کی زیر صدارت ہوا۔ وزیراعظم نے ریلوے کے پرانے نظام کو جدید ٹیکنالوجی پر منتقل کرنے اور ریلوے کی اراضی نجی شعبے کے تعاون سے کاروباری سرگرمیوں کے لیے استعمال کرنے کی ہدایت کرتے ہوئے کہا ہے کہ ریلوے خطے میں خصوصاً وسطی ایشیائی ممالک کے ساتھ تجارت بڑھانے کے لیے حکمت عملی ترتیب دے۔ پیر کو وزیراعظم نے یہ ہدایت پاکستان ریلوے کے حوالے سے اجلاس کی صدارت کرتے ہوئے کی۔ وزیراعظم شہباز شریف نے وفاقی کابینہ کا اجلاس آج طلب کرلیا ہے۔ذرائع کے مطابق وفاقی کابینہ کے اجلاس میں ملک کی سیاسی و معاشی صورتحال پر غور ہوگا۔وفاقی کابینہ کے اجلاس کا 13 نکاتی ایجنڈا بھی جاری کردیا گیا ہے۔ قومی ائر لائن پی آئی اے کے پائلٹس کے جعلی لائسنس کے بیان کی وجوہات جاننے کے لیے قانونی کارروائی بھی ایجنڈے میں شامل ہے۔مڈل ایسٹ گرین منصوبے کی توثیق، ٹیرف اینڈ ٹریڈ ایگریمنٹ سے متعلق وزارت کامرس کی سمری، ایکس سروس مین کے لیے وزیر اعظم کے پیکج کے تحت عدم ادائیگیوں کا ایجنڈا بھی کابینہ اجلاس میں پیش ہوگا۔
اسلام آباد: وزیراعظم شہبازشتریف کی زیرصدارت پاکستان ریلوے سے متعلق اجلاس ہورہا ہے
پی ٹی آئی کےاہم رکن پبلک اکاؤنٹس کمیٹی کے بلامقابلہ چیئرمین منتخب