کراچی میں بچوں کو یونیفارم دلوانے کیلیے نکلنے والا تاجر دن دہاڑے قتل
اشاعت کی تاریخ: 27th, January 2025 GMT
کراچی:
شہر قائد کے علاقے موسمیات کے قریب نامعلوم موٹرسائیکل سواروں نے مچھلی کے بڑے تاجر کو دن دہاڑے قتل کردیا۔
تفصیلات کے مطابق سچل کے علاقے موسمیات نبی ویو اپارٹمنٹ کے قریب مین روڈ پر ڈبل کیبن گاڑی سے اترنے والے شخص کو نامعلوم ملزم نے فائرنگ کر کے قتل کر دیا اور ساتھی کے ہمراہ موٹر سائیکل پر بیٹھ کر موقع سے فرار ہوگیا۔
اس واقعہ کی سی سی ٹی وی فوٹیج بھی منظر عام پر آگئی جس میں فائرنگ کرنے والے ملزم کو مقتول کے ساتھ گتھم گتھا دیکھا جا سکتا ہے۔
واقعے کے بعد مقتول کی لاش قریبی نجی اسپتال منتقل کیا گیا۔ اس حوالے سے ایس ایچ او سچل انسپکٹر اورنگ زیب خٹک نے بتایا کہ مقتول کی شناخت 45 سالہ فرحان قاسم کھتری ولد نسیم قاسم کھتری کے نام سے ہوئی جو اسکیم 33 کیپٹیل سوسائٹی کا رہائشی اور 3 بچوں کا باپ تھا جس میں 2 بیٹے اور ایک بیٹی شامل ہے۔
پولیس کے مطابق مقتول مچھلی کا تاجر تھا جس کا فشری میں مچھلی کا بڑا کاروبار ہے، جس وقت واقعہ پیش آیا مقتول اپنے بچوں کے اسکول کا یونیفارم لینے کے لیے آیا تھا اور سڑک کے کنارے اپنی گاڑی روک کر باہر نکلا تھا۔
پولیس نے سی سی ٹی وی فوٹیج حاصل کرلی جسے دیکھ کر لگتا ہے کہ مقتول فرحان قاسم ملزم کو جانتا تھا اور جیسے ہی اسے دیکھا تو اسے لپک کر پکڑنے کی کوشش کی اور اس دوران ملزم نے فائرنگ کردی جبکہ ابتدائی تحقیقات میں واقعہ ذاتی رنجش کا شاخسانہ معلوم ہوتا ہے تاہم پولیس تمام پہلوؤں پر مزید تحقیقات کر رہی ہے اور جلد واردات میں ملوث ملزمان کو گرفتار کرلیا جائیگا۔
.ذریعہ: Express News
پڑھیں:
سکول اور مدرسوں کیلئے نیا ہدایت نامہ جاری
کراچی(نیوز ڈیسک) کراچی میں حالیہ دنوں میں بچوں کے اغوا کے واقعات سامنے آنے کے بعد اسکول اور مدرسہ انتظامیہ کیلئے ہدایت نامہ جاری کیا گیا ہے۔
بچوں کو اغوا سے بچانے اور اجنبیوں سے محفوظ رکھنے کے سلسلے میں کراچی پولیس کی جانب سے نیا ہدایت نامہ جاری کیا گیا ہے، پولیس نے ہدایت نامہ میں کہا ہے کہ بچے کو والدین کےعلاوہ کسی کے ساتھ نہ جانے دیں۔
سکول اور مدرسوں کی انتظامیہ کے لیے جاری ہدایت نامے میں کہا گیا ہے کہ والدین بچوں کو اسکول اور مدرسے اکیلے نہ بھیجیں۔
پولیس نے شہریوں میں آگاہی کے لیے ہر تھانے کی سطح پر بینرز آویزاں کردیے ہیں، پولیس حکام کے مطابق بتایا کہ بچوں کے لیے بینرز لگوائے ہیں، اشتہارات لگوائے ہیں، سوشل میڈیا کو استعمال کررہے ہیں اور ہم نے اس پر انعام بھی رکھا ہے۔
مزیدپڑھیں:رمضان پیکیج حاصل کرنے کیلئے اپلائی کرنے کا طریقہ جانیے
پارلیمنٹ کا مشترکہ اجلاس طلب