UrduPoint:
2025-04-13@15:13:08 GMT
حکومت نےنوجوانوں کی ترقی کیلئے انقلابی منصوبے شروع کئے ہیں، دولت مشترکہ ایشیا یوتھ الائنس وزارتی سمٹ میں مختلف ممالک کے درمیان تعاون اور تبادلوں پر تبادلہ خیال کیا جائے گا، رانا مشہود احمد خان
اشاعت کی تاریخ: 27th, January 2025 GMT
اسلام آباد (اُردو پوائنٹ اخبارتازہ ترین - اے پی پی۔ 27 جنوری2025ء) چیئرمین وزیراعظم یوتھ پروگرام رانا مشہود احمد خان نے کہا ہے کہ نوجوانوں کی ترقی کیلئے حکومت نے انقلابی منصوبے شروع کئے ہیں، پاکستان میں ہونے والے دولت مشترکہ ایشیا یوتھ الائنس وزارتی سمٹ میں مختلف ممالک کے درمیان تعاون اور تبادلوں پر تبادلہ خیال کیا جائے گا، ڈیجیٹل یوتھ ہب پورٹل پر نوجوانوں کیلئے ملک اور بیرون ملک ملازمتوں، سکالر شپس کے مواقع کے بارے میں آگاہی ہو گی۔
ان خیالات کا اظہار انہوں نے پیر کو میڈیا سے گفتگو کرتے ہوئے کیا۔ رانا مشہود احمد خان نے کہا کہ معیشت، سیاست سمیت ہر شعبے میں ہر آنے والا دن ملک میں نئی خوشخبریاں لا رہا ہے، ملکی ترقی کیلئے معاشی و سیاسی استحکام ناگزیر ہے، آج پاکستان کے بارے میں پوری دنیا کی رائے مثبت ہے، دنیا پاکستان کے ساتھ شراکت داری کی خواہاں ہے، پاکستان میں کامیابی کے ساتھ ایس سی او سمٹ کا انعقاد کیا گیا ،مختلف ممالک پاکستان میں سرمایہ کاری کر رہے ہیں، وزیراعظم شہباز شریف نے کشکول توڑ دیا ہے اور ملک کو برابری کی بنیاد پر دنیا سے جوڑ دیا ہے، آج دنیا پاکستان میں اربوں ڈالر کی سرمایہ کاری کرنے آ رہی ہے، ترک صدر جلد پاکستان کا دورہ کر رہے ہیں۔(جاری ہے)
انہوں نے کہا کہ موجودہ حکومت اور قیادت نوجوانوں کو بااختیار بنانے کیلئے پرعزم ہے۔ انہوں نے کہا کہ شہباز شریف نے نوجوانوں کو لیپ ٹاپ اور سکالرشپس دیئے، کھیلوں کے میدان میں نوجوانوں کے مواقع دیئے، موجودہ حکومت نوجوانوں کو ہر سطح پر مواقع فراہم کر رہی ہے۔ انہوں نے کہا کہ سابق وزیراعظم نواز شریف نے 2013ء میں یوتھ پروگرام کا آغاز کیا، مریم نواز اس کی پہلی چیئرپرسن بنیں، نوجوانوں کو بااختیار بنانے کیلئے جس سفر کا آغاز کیا گیا وہ خواب اب شرمندہ تعبیر ہو رہا ہے۔ انہوں نے کہا کہ نیشنل یوتھ کونسل کے ملک سے 100 ممبران اور دنیا بھر سے 13 رکن میرٹ پر منتخب کئے گئے، وزیراعظم شہباز شریف (کل ) منگل کو ان سے حلف لیں گے، یہ ملک کی ترقی و خوشحالی کا حلف ہو گا اور یہ نوجوان یوتھ ایڈوائزری کونسل میں شامل ہوں گے، یہ کونسل نوجوانوں کو بااختیار بنانے کیلئے پالیسی سازی اور فیصلہ سازی میں اپنا کردار ادا کرے گی، یہ ملک کے نوجوانوں کا ہراول دستہ ہیں، یہ نوجوانوں کیلئے تعلیم، فنی تعلیم، کھیل، ماحولیات اور آئی ٹی سمیت دیگر شعبوں میں اقدامات کے حوالے سے اپنا کردار ادا کریں گے۔ انہوں نے کہا کہ پاکستان کی پہلی نیشنل یوتھ ایمپلائمنٹ پالیسی لا رہے ہیں جس سے یوتھ کے روزگار کے مسائل حل ہوں گے، نیشنل یوتھ پالیسی کا اجرا کر رہے ہیں۔ انہوں نے کہا کہ دولت مشترکہ ایشیا یوتھ الائنس کا اجلاس پاکستان میں ہو رہا ہے، پاکستان اس وزارتی کونسل کا چیئرمین ہے اور اس کا سیکرٹریٹ پاکستان میں قائم کیا گیا ہے، ازبکستان، آذربائیجان، ترکمانستان اور بحرین سمیت 12 ممالک کے وفود بھی اس میں شرکت کریں گے، دولت مشترکہ ایشیا یوتھ الائنس کے وفود ملک میں پہنچنا شروع ہو گئے ہیں، وزارتی سمٹ میں مختلف شعبوں میں تعاون اور تبادلوں پر تبادلہ خیال کیا جائے گا۔ انہوں نے کہا کہ ملک ترقی کی راہ پر گامزن ہو چکا، سازشیں کرنے والے ناکام ہو گئے، ترقیاتی عمل آگے بڑھنے سے منفی عناصر کو تکلیف ہے۔ انہوں نے کہا کہ ڈیجیٹل یوتھ ہب پورٹل پر ملک اور بیرون ملک ملازمتوں، سکالرشپس کے مواقع کے بارے میں آگاہی ہو گی، نوجوانوں کو میرٹ پر مواقع فراہم کئے جائیں گے۔ واضح رہے کہ دولت مشترکہ ایشیا یوتھ الائنس(کایا) کا وزارتی یوتھ سمٹ (آج) منگل سے شروع ہو گا۔اس سمٹ میں دولت مشترکہ ایشیا یوتھ الائنس کا سیکرٹریٹ باقاعدہ کام کا آغاز کرے گا،یہ سیکرٹریٹ پاکستان میں قائم کیا گیا ہےاور پاکستان اس کا چیئرمین ہے۔اس موقع پر سپارک میگزین کا بھی اجرا کیا جائے گا ۔ کایا یوتھ سمٹ 2025 خطے بھر سے نوجوان رہنماؤں، پالیسی سازوں اور دیگر شراکت داروں کو جمع کرے گا تاکہ عالمی چیلنجز جیسے ماحولیاتی مسائل ، ڈیجیٹل تبدیلی اور سماجی و اقتصادی شمولیت کے لئے جدت پسندانہ حل تلاش کیے جا سکیں۔ یہ سمٹ نوجوانوں کو ایک پائیدار اور خوشحال مستقبل کے لئے بااختیار بنانے کے مشترکہ عزم کو مزید آگے بڑھائے گا۔.ذریعہ: UrduPoint
کلیدی لفظ: تلاش کیجئے انہوں نے کہا کہ بااختیار بنانے نوجوانوں کو نوجوانوں کی پاکستان میں کیا جائے گا ترقی کی رہے ہیں کیا گیا کی ترقی
پڑھیں:
وزیراعظم شہبازشریف اور بیلاروس کے صدرالیگزینڈر لوکاشینکو کی دونوں ممالک کے مابین معاہدوں، مفاہمت کی یادداشتوں کے تبادلے کے بعد مشترکہ پریس کانفرنس، دوطرفہ تجارت، اقتصادی تعاون کے مواقع سے حقیقی معنوں میں استفادہ کرنے کے عزم کا اظہار
منسک (اُردو پوائنٹ اخبارتازہ ترین - اے پی پی۔ 11 اپریل2025ء) وزیراعظم محمد شہباز شریف اور بیلاروس کے صدر الیگزینڈر لوکاشینکو نے دونوں ملکوں کے درمیان مختلف شعبوں میں تعاون کے فروغ کے وسیع مواقع کو اجاگر کرتے ہوئے دوطرفہ تجارت اور اقتصادی تعاون کے مواقع سے حقیقی معنوں میں استفادہ کرنے کے عزم کا اظہار کیا ہے۔ جمعہ کو وزیراعظم محمد شہباز شریف اور صدر الیگزینڈر لوکاشینکو نے دونوں ممالک کے مابین معاہدوں اور مفاہمت کی یادداشتوں کے تبادلے کے بعد مشترکہ پریس کانفرنس سے خطاب کیا۔ اس موقع پر نائب وزیراعظم و وزیر خارجہ سینیٹر اسحاق ڈار، وفاقی وزیر تجارت جام کمال خان، وفاقی وزیر اطلاعات و نشریات عطاء اﷲتارڑ، وفاقی وزیر مواصلات عبدالعلیم خان، وزیراعظم کے معاون خصوصی طارق فاطمی سمیت دونوں ممالک کے وزرا اور اعلیٰ حکام موجود تھے۔(جاری ہے)
وزیراعظم محمد شہباز شریف نے کہا کہ بیلاروس کی کمپنیوں کو پاکستان میں سرمایہ کاری کے مواقع اور سازگار ماحول سے فائدہ اٹھانا چاہئے۔
وزیراعظم نے پرتپاک استقبال اور بہترین میزبانی پر بیلاروس کی قیادت کا شکریہ کیا۔ وزیراعظم نے بیلاروس کے دارالحکومت منسک کی خوبصورتی کو سراہتے ہوئے کہا کہ اس شہر کی جتنی تعریف کی جائے کم ہے۔ انہوں نے کہا کہ بیلاروس کے صدر نے پاکستانی وفد کو اپنے فارم ہائوس پر مدعو کیا اور ان کی دعوت ایک فیملی ری یونین کی طرح تھی۔ وزیراعظم نے کہا کہ سابق وزیراعظم محمد نواز شریف اور بیلاروس کے صدر لوکا شینکو نے مل کر پاکستان اور بیلاروس کی دوستی کو پروان چڑھایا اور صدر الیگزینڈر لوکاشینکو کے 2015 کے دورہ پاکستان نے اس دوستی کو مضبوط بنانے میں اہم کردار ادا کیا۔ وزیراعظم نے کہا کہ دوطرفہ تعلقات کے حوالے سے ہماری مفید بات چیت ہوئی ہے، دونوں ملکوں کے مابین مختلف شعبوں میں تعاون کے لئے مفاہمتی یادداشتوں کا تبادلہ ہوا، مفاہمتی یادداشتوں کو معاہدوں میں بدلنے کی ضرورت ہے۔ انہوں نے صدر الیگزینڈر لوکاشینکو کی بصیرانہ قیادت کو سراہتے ہوئے کہا کہ ان کی قیادت میں بیلاروس نے نمایاں ترقی کی ہے۔ وزیراعظم نے کہا کہ دونوں ممالک کے مابین مختلف شعبوں میں سرمایہ کاری کے بے پناہ مواقع موجود ہیں، بیلاروس کی کمپنیوں کو پاکستان میں سرمایہ کاری کے مواقع اور سازگار ماحول سے فائدہ اٹھانا چاہئے۔ وزیراعظم نے کہا کہ پاکستان ایک زرعی ملک ہے جس کی 65 فیصد آبادی دیہات میں مقیم اور زراعت سے وابستہ ہے، پاکستان اور بیلاروس کو زرعی اور صنعتی شعبوں میں ایک دوسرے کے تجربات سے استفادہ کرنا چاہئے۔ انہوں نے کہا کہ بیلاروس کی زرعی آلات اور مشینری میں بھی بڑی مہارت ہے، زرعی پیداوار بڑھانے کیلئے بیلاروس کے تعاون کے خواہاں ہیں اور ان کے تجربات سے استفادہ کریں گے۔ وزیراعظم نے کہا کہ پاکستان میں کھربوں ڈالر کے معدنی ذخائر موجود ہیں اس حوالہ سے بھی پاکستان اور بیلاروس تعاون اور شراکت داری کر سکتے ہیںِ۔ وزیراعظم نے پاکستان کی ڈیڑھ لاکھ ہنرمند افرادی قوت کی بیلاروس میں کھپت کیلئے صدر لوکاشینکو کی دعوت کا شکریہ ادا کرتے ہوئے کہا کہ بیلاروس میں مقیم پاکستانی اس کی تعمیر و ترقی میں اہم کردار ادا کریں گے اور غیر ملکی ترسیلات زر میں اضافہ ہو گا۔ وزیراعظم نے کہا کہ دونوں ممالک کے درمیان ٹیکسٹائل کے شعبہ میں بی ٹو بی تعاون بڑھایا جائے گا۔ انہوں نے کہا کہ پبلک ٹرانسپورٹ کے شعبہ میں بھی پاکستان بیلاروس سے استفادہ کرے گا۔ انہوں نے کہا کہ تعلقات کے فروغ کے حوالے سے مثبت پیشرفت باعث اطمینان ہے۔ قبل ازیں بیلاروس کے صدر الیگزینڈرلو کاشینکو نے وزیراعظم شہباز شریف کے دورہ بیلاروس کا خیرمقدم کرتے ہوئے کہا کہ بیلاروس پاکستان کے ساتھ اپنے تعلقات کو بے حد اہمیت دیتا ہے، دونوں ملکوں کے مابین مختلف شعبوں میں تعاون کے فروغ کے وسیع مواقع موجود ہیں، وزیراعظم شہباز شریف کے اس دورے سے دوطرفہ تعلقات کو نئی جہت ملے گی۔ انہوں نے پاکستان، بیلاروس بزنس فورم کے انعقاد کو تجارت کے فروغ کیلئے بہت اہمیت کا حامل قرار دیتے ہوئے کہا کہ دوطرفہ تجارت اور اقتصادی تعاون کے مواقع سے حقیقی معنوں میں استفادہ کرنا ہے۔\932
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ