باپ کو لوٹنے کی کوشش ناکام؛ بیٹے نے لاکھوں روپے کہاں چھپائے؟ وڈیو دیکھیں
اشاعت کی تاریخ: 27th, January 2025 GMT
لاہور:
بیتے کی اپنے باپ کو لوٹنے کی کوشش ناکام ہو گئی۔ ایسی جگہ سے رقم برآمد ہوئی، جہاں کوئی سوچ بھی نہیں سکتا تھا۔
شفیق آباد کے علاقے میں باپ کی محنت سے کمائی رقم اڑانے کا پلان چوپٹ ہوگیا۔ پولیس نے کارروائی کرتے ہوئے 15 پر ڈکیتی کی جھوٹی کال کرنے والے ملزم کو گرفتار کرلیا۔
کال کرنے والے صداقت نامی شخص نے پولیس کو بتایا کہ 2ڈاکو گن پوائنٹ پر ڈھائی لاکھ کی رقم چھین کر فرار ہو گئے، جس پر پولیس نے فوری ایکشن لیا، تاہم تفتیش کے دوران ملزم زیادہ دیر تک پولیس کو دھوکے میں نہ رکھ سکا۔
ملزم نے اپنے باپ کے پیسوں کو موٹر سائیکل کے اندرونی حصے میں چھپا کر جھوٹی کال کی، تاہم پولیس کی پوچھ گچھ نے ملزم صداقت کی صداقت کا بھانڈا پھوڑ دیا۔
.
ذریعہ: Express News
پڑھیں:
سرگودھا: ملزم نے 30 ہزار روپے ادھار واپس کرنے کے بجائے دوست کو قتل کردیا
فوٹو: فائلسرگودھا میں چند روز قبل طالب علم کی لاش ملنے کے کیس میں پیشرفت ہوئی ہے، ملزم نے 30 ہزار روپے ادھار واپس کرنے کے بجائے دوست کو قتل کردیا۔
اسسٹنٹ سپرنٹنڈنٹ آف پولیس (اے ایس پی) سٹی انعم شیر نے طالب علم صائم کے قتل کیس سے متعلق پریس کانفرنس کرتے ہوئے بتایا کہ طالب علم صائم کو قتل کرنے والا ملزم گرفتار کر لیا گیا ہے۔
اے ایس پی سٹی انعم شیر کا کہنا ہے کہ ملزم نے 30 ہزار روپے ادھار کی رقم پر طالب علم صائم کو قتل کیا، گرفتار ملزم صائم کا دوست تھا، 23 جنوری کی رات گھر سے ساتھ لے کر گیا تھا۔
انعم شیر کا کہنا ہے کہ گرفتار ملزم کالج کا طالب علم ہے، صائم سے 30 ہزار روپے ادھار لیے تھے، ملزم نے 30 ہزار روپے واپس کرنے کے بجائےخنجر کے وار سے دوست کو قتل کر دیا۔
پولیس کا کہنا ہے کہ گرفتار ملزم سے موبائل فون تحویل میں لے کر مزید تحقیقات کر رہے ہیں، 5 روز قبل قینچی موڑ کے قریب سے صائم کی لاش ملی تھی۔
شاہ رخ خان اور الو ارجن ایک ساتھ، مداحوں کیلئے اہم خبر آ گئی