منشیات کیس: ملزم سے برآمد کی گئی چرس کھجور میں تبدیل ہوگئی
اشاعت کی تاریخ: 27th, January 2025 GMT
پاکستان کی عدالتوں کے حوالے سے جہاں بہت سے قصے مشہور میں وہیں یہ بات بھی کسی سے ڈھکی چھپی نہیں کہ طاقتور لوگوں کی شراب شہد چرس کسی اور حلال شے میں تبدیل ہوجاتی ہے۔ اس کے علاوہ لوگوں کو دنیا سے جانے کے بعد انصاف ملنے کی بھی کئی مثالیں موجود ہیں۔
ایسا ہی ایک نیا واقعہ کراچی میں سامنے آیا ہے جہاں عدالت میں منشیات کیس کی سماعت کے دوران ملزم کی برآمد کی گئی چرس کھجور میں تبدیل ہوگئی۔
ایڈیشنل ڈسٹرکٹ اینڈ سیشن عدالت کراچی میں منشیات کے ملزم کے خلاف کیس کی سماعت ہوئی، جس سے مبینہ طور پر چرس برآمد ہوئی تھی، تاہم سماعت کے دوران معلوم ہوا کہ وہ چرس نہیں بلکہ کھجور اور کرسٹل مصالحہ تھا۔
پولیس کے مطابق مئی 2023 میں کلاکوٹ پولیس نے ملزم غلام مصطفیٰ کے قبضے سے منشیات برآمد کی تھی، ملزم سے 3 کلو چرس اور کرسٹل برآمد کی گئی تھی، کیمیکل ایگزامنر نے جانچ کے بعد چرس اور کرسٹل کی تصدیق بھی کی تھی۔
استغاثہ کے گواہان کی جرح کے دوران سیل شدہ کیس پراپرٹی کھولی گئی۔ وکیل صفائی نے دعویٰ کیاکہ مذکورہ اشیا چرس نہیں کھجور ہے۔
وکیل صفائی کے اعتراض پر عدالت نے کیس پراپرٹی کا معائنہ کیا اور ریمارکس دیے کہ کیس پراپرٹی سے کھجور جیسی خوشبو آرہی ہے۔ عدالت نے تفتیشی آفیسر سے معاملے کے بابت وضاحت طلب کرلی اور ریمارکس کو کیس کے ریکارڈ کا حصہ بنا دیا۔ تفتیشی آفیسر نے کیس پراپرٹی مئی 2023 میں مال خانے میں جمع کروائی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولیس تبدیل چرس برآمدگی کراچی کرسٹل کھجور ملزم منشیات کیس وکیل صفائی وی نیوز.ذریعہ: WE News
کلیدی لفظ: پولیس تبدیل چرس برا مدگی کراچی کرسٹل کھجور منشیات کیس وکیل صفائی وی نیوز کیس پراپرٹی
پڑھیں:
بلوچستان میں کوسٹ گارڈز کی کارروائی، ایک ہزار کلو سے زائد اعلٰی کوالٹی چرس برآمد
پاکستان کوسٹ گارڈزنے بلوچستان میں کارروائی کرتے ہوئے اعلیٰ کوالٹی چرس برآمد کر لی۔
ترجمان پاکستان کوسٹ گارڈز کے مطابق بلوچستان کے علاقے جیوانی میں انٹلیجنس ذرائع کی بنیاد پر منشیات اسمگلنگ کے خلاف کارروائی کی گئی۔ کوسٹ گارڈز کی جانب سے کارروائی جیوانی کے شمال کی جانب انتہائی دشوار گزار علاقے میں کی گئی۔
انتھک کوششوں سے پہاڑوں میں چھپائی گئی 40 عدد پلاسٹک کے کینوں میں چھپائی گئی1832کلوگوام اعلی کوالٹی کی چرس برآمدکر لی گئی۔ خدشہ ہے کہ یہ منشیات اندرون اور بیرون ملک اسمگل ہو نا تھی۔ پکڑی جانے والی منشیات کی عالمی مارکیٹ میں مالیت 30.57 ملین ڈالر کے لگ بھگ ہے۔ ڈائریکٹر جنرل پاکستان کوسٹ گارڈز نے ٹیم میں شامل افیسرز اور جوانوں کی کارکردگی کو بے حد سراہا۔
ترجمان کا مزید کہنا تھا کہ پاکستان کوسٹ گارڈز منشیات اور ہرطرح کی اسمگلنگ کی روک تھام اور ملک کی معیشت کو مستحکم کرنے میں اپنا کردار ادا کرتی رہے گی۔
پارلیمنٹ کا مشترکہ اجلاس طلب