علی امین گنڈاپور کو صوبے کی پارٹی قیادت سے ہٹائے جانے کی اندورنی کہانی سامنے آگئی
اشاعت کی تاریخ: 27th, January 2025 GMT
وزیر اعلیٰ خیبر پختونخوا علی امین گنڈاپور کو صوبے کی پارٹی قیادت سے ہٹائے جانے کی اندورنی کہانی سامنے آگئی۔
ذرائع کے مطابق علی امین گنڈاپورکےخلاف ماضی میں متحرک ہم خیال گروپ نے بانی پی ٹی آئی عمران خان کو شکایات لگائیں، گروپ میں شامل افراد نےبانی پی ٹی آئی سے جیل اورمقدمات میں پیشی کے دوران شکایات کےانبارلگائے۔
ذرائع کا کہنا ہے کہ عاطف خان،شکیل خان، جنید اکبراور مشال یوسفزئی شکایت لگانےوالوں میں شامل ہیں، شکایت پی ٹی آئی میں اثرورسوخ رکھنے والی خاتون بھی وزیراعلیٰ کےخلاف شکایت لگائیں۔
ان کے علاوہ قاضی انورایڈووکیٹ اور دیگر وکلاء بھی شکایت لگانےوالوں میں شامل ہیں۔
ذرائع کا کہنا تھا کہ مخالف دھڑے نےبانی پی ٹی آئی کو صوبےمیں بیڈگورننس اور کرپشن سےآگاہ کیا تھا۔
شیخ وقاص اکرم نے کہا کہ پی ٹی آئی میں کوئی دھڑے بندی نہیں ہے، علی امین گنڈاپور نے بانی پی ٹی آئی کا فیصلہ قبول کیا۔
ان کا کہنا تھا کہ علی امین گنڈاپور نے جنید اکبر کو مبارک باد بھی دی ہے، علی امین گنڈاپور پر دو عہدوں کا بوجھ تھا، علی امین گنڈاپور بحیثیت وزیراعلیٰ صوبے اور پارٹی کی خدمت جاری رکھیں گے۔
صوبائی صدر انصاف لائرز فورم قاضی انور ایڈووکیٹ نے کہا کہ انی پی ٹی آئی کو صرف اتنا کہا تھا کہ احتساب کاکوئی طریقہ کار ہونا چاہیے، میرے کہنے پر احتساب کمیٹی قائم کی گئی تھی۔
ان کا کہنا تھا کہ بانی پی ٹی آئی کو وزیراعلیٰ کے خلاف کوئی شکایات نہیں کی تھی، احتساب کمیٹی پی ٹی آئی پر لوگوں کےاعتماد کو برقرار رکھنے کیلئےبنائی، وزیراعلیٰ کےخلاف انصاف لائرز فورم کےوکلاء نے شکایات نہیں کی۔
قاضی انور ایڈووکیٹ نے کہا کہ آئی ایل ایف کےعلاوہ دیگر وکلاء بھی موجود ہیں، آئی ایل ایف کا وزیراعلیٰ پر اعتماد ہے، ہم نےکسی کےخلاف شکایت نہیں، جیند اکبر کو مبارکباد کیلئے کال کی تھی۔
یاد رہے کہ 2 روز قبل خیبرپختونخوا کے وزیراعلیٰ علی امین گنڈا پور کو پاکستان تحریک انصاف( پی ٹی آئی) کے پی کی صدارت سے ہٹا دیا گیا تھا۔
.ذریعہ: Express News
کلیدی لفظ: علی امین گنڈاپور پی ٹی آئی کا کہنا تھا کہ
پڑھیں:
فضائی سفر میں ناقابلِ یقین واقعہ: دورانِ پرواز مسافر نے دوسرے مسافر پر پیشاب کر دیا
ممبئی(انٹرنیشنل ڈیسک) ایک بین الاقوامی پرواز کے دوران ایک انتہائی غیر معمولی اور افسوسناک واقعہ پیش آیا جب مہمان نشست 2D پر موجود مسافر، مسٹر تشار نے، مبینہ طور پر نشے کی حالت میں، مہذب اور پرسکون مہمان 1D پر بیٹھے مسٹر ہیروشی پر پیشاب کر دیا۔
واقعے کے فوراً بعد، متاثرہ مسافر مسٹر ہیروشی نے فوری طور پر عملے کو اطلاع دی، جس پر سینئر کیبن کریو (SCC) سنپریت سنگھ اور عملے کی رکن رشیکا ماترے نے فوری کارروائی کرتے ہوئے متاثرہ مہمان کو گیلے تولیے فراہم کیے تاکہ وہ خود کو صاف کر سکیں۔ اس دوران مسٹر تشار کو اس جگہ سے ہٹا دیا گیا۔
عملے نے مسٹر ہیروشی کو واش روم لے جا کر کپڑے بدلنے میں مدد فراہم کی اور کپتان کو واقعے کی اطلاع دی۔ پرواز میں موجود 1F نشست پر بیٹھے مہمان مسٹر میتھیو نے بھی مسٹر تشار کے رویے پر شدید برہمی کا اظہار کرتے ہوئے انہیں بزنس کلاس کیبن سے ہٹانے کا مطالبہ کیا۔
بعد ازاں، جب مسٹر ہیروشی واش روم سے باہر آئے تو مسٹر تشار نے ان سے متعدد بار معذرت کی۔ مسٹر ہیروشی نے اس وقت کسی باضابطہ شکایت سے گریز کیا اور کہا کہ وہ لینڈنگ کے بعد مزید وقت ضائع نہیں کرنا چاہتے۔
SCC سنپریت سنگھ نے تمام مسافروں کو صورتحال کے بارے میں آگاہ کیا اور متاثرہ سیٹ 1D کی گہرائی سے صفائی کروا کر مسٹر ہیروشی کو متبادل نشست 2D فراہم کی۔ مسٹر میتھیو نے مسٹر تشار کے ساتھ بیٹھنے سے انکار کیا، جس کے بعد مسٹر تشار کو عملے کی مدد سے سیٹ 14C منتقل کر دیا گیا۔
عملے نے لینڈنگ کے بعد کمرشل ٹیم کو بھی واقعے سے آگاہ کیا، تاہم محترمہ تاننیا نے واضح کیا کہ چونکہ کسی مہمان نے باضابطہ شکایت درج نہیں کرائی، اس لیے کارروائی کا امکان محدود ہے۔
ایئرلائن کے مطابق تمام فرسٹ کلاس مہمانوں سے شکایت کے بارے میں دریافت کیا گیا، مگر کسی نے شکایت درج نہیں کرائی۔ پرواز معمول کے مطابق مکمل ہوئی، اور تمام مسافر بحفاظت اپنی منزل پر روانہ ہو گئے۔
سی ڈی ایل بی رپورٹ کے مطابق متاثرہ سیٹوں کی مکمل صفائی عمل میں لائی گئی۔
مزیدپڑھیں:تعلیمی ادارے 5 دن کے لئے بند رکھنے کا اعلان
اوورسیز پاکستانیوں نے ڈالرز بھیج کر ملک کو دیوالیہ نہیں ہونے دیا، احسن اقبال