لاہور: پراسیکیوشن الزامات ثابت کرنے میں ناکام، ملزم بارودی مواد برآمدگی کیس سے بری
اشاعت کی تاریخ: 27th, January 2025 GMT
انسداد دہشت گردی عدالت لاہور نے بارودی مواد برآمدگی کیس میں ملزم فیصل شہزاد کو بری کردیا۔
انسداد دہشت گردی عدالت کے جج ارشد جاوید نے فیصلہ سنایا، عدالت نے کہا کہ پراسیکیوشن ملزم کے خلاف الزامات کو ثابت کرنے میں ناکام رہی۔
سی ٹی ڈی نے الزام لگایا کہ ملزم فیصل شہزاد سے دھماکہ خیز مواد برآمد ہوا، وکیل ملزم نے مؤقف اپنایا کہ ملزم بے گناہ ہے مقدمے سے بری کیا جائے،
ملزم فیصل کے خلاف تھانہ ی ٹی ڈی لاہور میں مقدمہ درج تھا۔
.ذریعہ: Express News
پڑھیں:
لاہور؛ حلیہ تبدیل کرکے ساتھیوں کے ہمراہ وارداتیں کرنے والا ملزم گرفتار
لاہور:حلیہ تبدیل کر کے لاہور کے مختلف علاقوں میں اپنے ساتھیوں کے ہمراہ وارداتیں کرنے والا ملزم گرفتار کر لیا گیا۔
پولیس کے مطابق چند روز قبل داتا دربار کے ایریا میں ملزمان تاجر کے ڈسٹری بیوشن آفس میں چینج لینے کے بہانے گھسے اور عملے کو یرغمال بنا کر 20 لاکھ کی رقم لیکر فرار ہوگئے۔
ملزمان نے 20 جنوری کو گجر پورہ کے علاقے میں گھر میں ڈکیتی کی جس میں ملزمان 10 لاکھ کے پرائز بانڈ اور طلائی زیور لیکر رفو چکر ہوگئے۔ یکے بعد دیگر ملزمان نے لاہور میں وارداتوں کا سلسلہ جاری رکھا جبکہ ملزمان نے گجر پورہ سے ہی ایک ہنڈا 125 موٹر سائیکل چھینی۔
ملزمان کی تلاش کے لیے ایس ایچ او داتا دربار عثمان یونس اور ٹیم کو ٹاسک دیا گیا۔
ترجمان پولیس کےمطابق ایس پی سٹی کی ہدایت پر ڈی ایس پی حافظ عبیداللہ کی سربراہی میں ٹیموں نے ملزمان کی گرفتاری کے لیے ورکنگ شروع کی، دوران واردات ملزمان اپنا حلیہ تبدیل کرکے سر پر وِگ اور گرم موسمی ٹوپیوں کا استعمال کرتے۔
ایس ایچ او داتا دربار عثمان یونس اور انچارج انویسٹی گیش ثقلین نے ملزمان کی گرفتاری کے لیے سیف سٹی کے کیمروں اور لوکل کیمروں سے مدد حاصل کی۔
ڈی ایس پی حافظ عبیداللہ نے بتایا کہ 28 کلو میٹر کے روٹ ٹریک سے سرغنہ ملزم ڈیورڈ رائے عرف آفتاب کو گرفتار کیا گیا جبکہ ملزم کے دیگر ساتھی شان اور خرم کی گرفتاری کے لیے ریڈ کیے جا رہے ہیں۔ ملزم کے قبضے سے 19 لاکھ نقد رقم، پرائز بانڈ، طلائی زیورات، دو پسٹل اور موٹر سائیکل برآمد کی گئی۔
ایس پی سٹی کی جانب سے ایس ایچ او داتا دربار عثمان یونس، انچارج انویسٹی گیشن ثقلین اور ٹیم کو شاباش اور تعریفی سرٹیفکیٹ کا اعلان کیا گیا۔ ڈی ایس پی اسلام پورہ سرکل کا کہنا تھا کہ اسٹریٹ کریمنلز کے خلاف کریک ڈاؤن جاری رکھیں گے، عوام الناس کے جان و مال کی حفاظت اولین ذمہ داری ہے۔
شاہ رخ خان اور الو ارجن ایک ساتھ، مداحوں کیلئے اہم خبر آ گئی