وزیراعظم محمد شہباز شریف کی زیر صدارت پاکستان ریلویز کے حوالے سے اجلاس
اشاعت کی تاریخ: 27th, January 2025 GMT
اسلام آباد(نیوز ڈیسک) وزیراعظم محمد شہباز شریف کی زیر صدارت پاکستان ریلویز کے حوالے سے اہم اجلاس منعقد ہوا جس میں ادارے کی بحالی، ترقی اور تجارتی صلاحیت بڑھانے پر تبادلہ خیال کیا گیا۔ وزیراعظم نے پاکستان ریلویز کی زمین کو نجی شعبے کے تعاون سے کاروباری سرگرمیوں کے لیے استعمال کرنے کی ہدایت دی تاکہ ادارے کو مالی طور پر مستحکم بنایا جا سکے۔
وزیراعظم نے ریلویز کو وسطی ایشیائی ممالک کے ساتھ تجارت بڑھانے کے لیے مؤثر حکمت عملی تشکیل دینے پر زور دیا۔ انہوں نے مسافروں کو بہتر سفری خدمات فراہم کرنے اور ادارے کو مسابقتی بنانے کے لیے پبلک پرائیویٹ پارٹنرشپ کے مواقع بڑھانے کی اہمیت پر زور دیا۔
اجلاس میں وزیراعظم کو ریلویز کے پرانے نظام کو جدید ٹیکنالوجی سے تبدیل کرنے، مال برادری کو منافع بخش بنانے، اور پیشہ ورانہ و باصلاحیت افرادی قوت کے استعمال کے اقدامات سے آگاہ کیا گیا۔
بریفنگ کے دوران بتایا گیا کہ 2022 کے تباہ کن سیلابوں کے باعث پاکستان ریلویز کو 10 ارب روپے کا نقصان ہوا، اور 35 دن تک پٹریاں زیر آب رہیں۔ سیلاب کے بعد مال برداری کے شعبے میں مؤثر حکمت عملی اپنانے سے ابتدائی لاگت کے برابر منافع حاصل کیا جا چکا ہے۔
مزید بتایا گیا کہ مال برداری کی مارکیٹ میں پاکستان ریلویز کا حصہ 8 فیصد ہے جبکہ رائٹ سائزنگ کے عمل کے ذریعے 18 فیصد غیر ضروری عملہ فارغ کیا جا چکا ہے۔ تھر کول کے مواصلاتی منصوبے پر کام تیزی سے جاری ہے۔
اجلاس میں وفاقی وزراء ڈاکٹر احسن اقبال، محمد علیم خان، خواجہ محمد آصف، جام کمال خان، احد خان چیمہ، سردار اویس لغاری اور دیگر اعلیٰ حکام شریک تھے۔ وزیراعظم نے ہدایت کی کہ پاکستان ریلویز کی کارکردگی کو بہتر بنانے کے لیے مزید مؤثر اقدامات کیے جائیں۔
.ذریعہ: Daily Mumtaz
کلیدی لفظ: کے لیے
پڑھیں:
حیدرآباد ،ڈی سی کی زیر صدارت انسداد پولیو مہم کے حوالے سے اجلاس
حیدرآباد (اسٹاف رپورٹر) ڈویژنل کمشنر بلال احمد میمن کی زیر صدارت 3 سے 9 فروری کو آئندہ ہونے والی پولیو مہم کی تیاری اور گزشتہ دسمبر 2024 کی انسداد پولیو (ایس این آئی ڈیز) کا جائزہ اجلاس ان کے دفتر میں منعقد ہوا۔ اجلاس سے خطاب کرتے ہوئے ڈویژنل کمشنر نے کہا کہ دسمبر 2024 کی گزشتہ مہم میں ڈویژن کے تمام ایس ایس پیز کے تعاون اور انسداد پولیو کے عملے کی جانب سے اچھی کارکردگی کا مظاہرہ کیا گیا جس کی وجہ سے حیدرآباد ڈویژن کی کارکردگی فرسٹ نمبر پر رہی، تاہم آئندہ فروری میں ہونے والی انسداد پولیو مہم میں ہمیں مستقل مزاجی سے مزید انتھک محنت کرنا ہو گی تاکہ پولیو کے موذی مرض کا 100 فیصد خاتمہ کیا جا سکے۔ ڈویژنل کمشنر نے کہا کہ لعل شہباز قلندرؒ کا عرس شروع ہو رہا ہے، پولیو سے متعلق عرس سے قبل اور بعد کے ایام میں خصوصی توجہ دینا ہوگی کیونکہ عرس میں شرکت کے لیے مختلف شہروں اور علاقوں سے عقیدت مند آتے ہیں۔ اجلاس میں ڈی آئی جی حیدرآباد طارق رزاق دھاریجو نے کہا کہ انسداد پولیو مہم قومی فریضہ ہے، ماضی کی طرح ہمارے محکمے کا بھرپور تعاون جاری رہے گا، پولیو جیسے موذی مرض کو ختم کرکے ہمیں اپنے مستقبل کے معماروں کو محفوظ کرنا ہے۔ انسداد پولیو مہم سے قبل آنے والے جمعے کی نماز میں ڈویژن کے تمام مساجد کے پیش اماموں پر زور دیا جائے کہ وہ اپنے علاقے کے 5 سال تک کے بچوں کو انسداد پولیو کے قطرے پلانے اور اس موذی مرض کے خاتمے کو یقینی بنانے کے لیے کم سے کم 3 منٹ انسداد پولیو کے قطرے کے افادیت اور اہمیت سے متعلق ضرور بتائیں۔ اجلاس میں ٹائیفائیڈ مرض کی روک تھام اور علاج سے متعلق محکمہ صحت کے آفیسر نے آگاہ کیا۔ اس موقع پر ڈاکٹر جمشید خانزادہ نے دسمبر 2024 کی مہم میں ڈویژن کے تمام اضلاع کی کارکردگی سمیت دیگر اُمور سے متعلق تفصیلی آگاہی دی۔
این ڈی ایم اے پاکستان کی تھائی لینڈ میں آر سی سی فورم میں شرکت