کراچی؛ گھر میں گھس کر فائرنگ، ڈی آئی خان سے آیا ایک بھائی جاں بحق، دوسرا زخمی
اشاعت کی تاریخ: 27th, January 2025 GMT
کراچی:
محمودآباد کے علاقے میں گھرمیں گھس کر نامعلوم مسلح ملزم نے فائرنگ کردی جس کے نتیجے میں ایک بھائی جاں بحق اوردوسرا شدید زخمی ہو گیا۔ پولیس نے ابتدائی تفتیش میں واقعے کو ذاتی دشمنی کا شاخسانہ قرار دیگر تفتیش شروع کردی ہے۔
پیرکی صبح محمود آباد تھانے کے علاقے اعظم ٹاؤن گلی نمبر 9 کے ایک گھر میں فائرنگ سے نوجوان جاں بحق اوردوسرا زخمی ہوگیا، جنہیں فوری طور جناح اسپتال منتقل کیا گیا، جہاں مقتول کی شناخت 26 سالہ مسقط اللہ اورزخمی کی ذبیح اللہ کے نام سے کی گئی۔
فائرنگ کے واقعے میں جاں بحق و زخمی آپس میں سگے بھائی ہیں۔ ان کے کزن سلیم نے بتایا کہ چند روز قبل ہمارے چھوٹے بھائی نعمان کی شادی ہوئی ہے۔ اور ڈیرہ اسماعیل خان گلوٹی سے شادی کی تقریب میں شرکت کرنے کے لیے آئےہوئے تھے۔
انہوں نے مزید بتایاکہ صبح گھرمیں تمام افراد سو رہے تھے اور بجلی بھی گئی ہوئی تھی۔ اچانک فائرنگ کی آوازسے ہم سب اٹھ گئے، ہم نے سب سے پہلے بجلی چیک کی تو وہ بحال تھی۔ اسی اثنا میں دیکھا تومعلوم ہوا کہ ہمارا کزن ہلاک ہوچکا تھا اوردوسرے کو بازو پر گولی لگی ہوئی تھی۔ دونوں ڈیرہ اسماعیل خان گلوٹی میں اپنا ہوٹل چلاتے ہیں۔
مقتول کے کزن نے بتایا کہ بظاہر واقعہ ذاتی دشمنی کا لگ رہا ہے کیونکہ گھر کا کوئی سامان نہیں گیا۔ ایک ہی ملزم نے گھرمیں گھس کر فائرنگ کی ہے۔ پوری معلومات کرنے کے بعد ملزم نے گھر میں گھس کر فائرنگ کی تھی۔
ایس ایچ او محمود آباد اعجاز پٹھان کے مطابق گھر میں گھس کر فائرنگ کرنے والے ملزم نے اپنی شناخت چھپانے کے لیےچہرے پر ماسک لگایا ہوا تھا۔ فائرنگ کے واقعے کے بعد ملزم موقع پر سے فرار ہو گیا۔
پولیس کو جائے وقوع سے 30 بور پستول کے 5 خول ملے ہیں، جنہیں پولیس نے اپنے قبضے میں لے لیا ہے۔ بظاہر فائرنگ کا واقعہ ذاتی دشمنی کا شاخسانہ لگتا ہے۔ پولیس واقعے کی سی سی ٹی وی فوٹیج حاصل کرنے کی کوشش کر رہی ہے تاکہ واقعے میں ملوث ملزم کا سراغ لگایا جا سکے ۔
.ذریعہ: Express News
کلیدی لفظ: میں گھس کر فائرنگ گھر میں
پڑھیں:
اسلام آباد میں پولیس مقابلہ، سنگین وارداتوں میں ملوث ڈاکو ہلاک
اسلام آباد پولیس کے مطابق نے ڈکیتی کر کے فرار ہونے والے ڈاکوؤں کو ناکے پر روکنے کی کوشش کی تو ڈاکوؤں نے پولیس پر شدید فائرنگ شروع کردی۔
اسلام آباد پولیس کی دلیرانہ کارروائی ۔
سنیچنگ کرکے بھاگنے والے ڈکیتوں کو ناکے پر روک لیا گیا۔ خطرناک ڈکیتوں نے پولیس پر شدید فائرنگ شروع کردی ۔
اپنے ساتھی کی فائرنگ سے ایک ڈکیت زخمی ہوگیا ۔ زخمی ڈکیت کو فوری گرفتار کرکے ہسپتال منتقل کیا جارہا تھا کہ راستے میں دم توڑ گیا۔…
— Islamabad Police (@ICT_Police) April 13, 2025
پولیس کے مطابق دوطرفہ فائرنگ کے دوران ایک ڈاکو اپنے ہی ساتھی کی فائرنگ سے زخمی ہوگیا، جسے فوری طور پر اسپتال منتقل کیا جا رہا تھا کہ وہ راستے میں دم توڑ گیا۔
پولیس کے مطابق علاقہ تھانہ نون مارے جانے والے ڈاکو کی لاش کو گزشتہ روز ورثا نے شناخت کر لیا۔ ملزم 40 سے زائد سنگین وارداتوں میں ملوث اور پولیس کو مطلوب تھا۔
اسلام آباد پولیس شہریوں کی جان و مال اور عزت و آبرو کی حفاظت کےلیے ہر وقت تیار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس پولیس مقابلہ تھانہ نون ڈاکو ہلاک
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان