60 برس کا ہونے والا ہوں مگر 30 کا لگتا ہوں، شاہ رُخ خان کی دبئی میں مداحوں سے ملاقات
اشاعت کی تاریخ: 27th, January 2025 GMT
دبئی کے گلوبل ولیج میں حالیہ تقریب کے دوران بالی ووڈ سپر اسٹار شاہ رخ خان نے مداحوں سے ملاقات کی جس کی ویڈیوز اور تصاویر سوشل میڈیا پیجز پر وائرل ہو رہی ہیں۔
ایک ویڈیو میں شاہ رخ خان نے مزاحیہ انداز میں کہا ’میں اس سال 60 کا ہونے جا رہا ہوں، لیکن لگتا 30 کا ہوں۔‘ ان کے اس تبصرے پر حاضرین نے پرجوش ردعمل دیا۔
View this post on InstagramA post shared by Global Village القرية العالمية (@globalvillageuae)
شاہ رخ خان اس وقت سدھارتھ آنند کی فلم ’کنگ‘ کی شوٹنگ کر رہے ہیں، جس میں ان کے ساتھ ان کی بیٹی سہانا خان اور ابھیشیک بچن بھی شامل ہیں۔ تقریب کے دوران، شاہ رخ خان نے فلم کے بارے میں زیادہ تفصیلات بتانے سے گریز کیا لیکن یہ یقین دلایا کہ یہ فلم شائقین کو محظوظ کرے گی۔
شاہ رخ خان نے تقریب میں اپنی مشہور فلموں ’جوان، دل والے دلہنیا لے جائیں گے، ڈان اور جب تک ہے جاں کے ڈائیلاگز مداحوں کو سنائے اور اپنے مشہور گانوں پر رقص بھی کیا۔
View this post on InstagramA post shared by D'YAVOL X (@dyavol.
یاد رہے کہ شاہ رخ خان نے 2023 میں تین کامیاب فلموں سے پردے پر 4 سال کے بریک کے بعد شاندار واپسی کی تھی جبکہ 2024 میں ان کی کوئی ریلیز نہیں تھی۔
ذریعہ: Express News
کلیدی لفظ: شاہ رخ خان نے
پڑھیں:
دل کی تکلیف یا کچھ اور؟ ویرات کوہلی کی حالت نے مداحوں کو پریشان کردیا
جے پور: آئی پی ایل میچ کے دوران ویرات کوہلی کے دل کی دھڑکن چیک کروانے پر مداح تشویش میں مبتلا ہوگئے۔
بھارتی اسٹار بیٹر ویرات کوہلی نے آئی پی ایل 2025 میں راجستھان رائلز کے خلاف میچ میں 62 رنز کی ناقابلِ شکست شاندار اننگز کھیل کر رائل چیلنجرز بینگلورو کو 9 وکٹوں سے فتح دلوا دی۔ یہ میچ جے پور کے ساوائی مان سنگھ اسٹیڈیم میں کھیلا گیا۔
راجت پٹیدار کی قیادت میں آر سی بی نے ٹاس جیت کر پہلے فیلڈنگ کا فیصلہ کیا، راجستھان نے پہلے کھیلتے ہوئے 4 وکٹوں کے نقصان پر 173 رنز بنائے۔ یشسوی جیسوال نے 75 رنز کی عمدہ اننگز کھیلی۔
جواب میں آر سی بی نے فل سالٹ کے جارحانہ 65 رنز (33 گیندوں) اور ویرات کوہلی کے 62 رنز (45 گیندوں) کی بدولت ہدف 18ویں اوور میں ہی حاصل کرلیا۔
البتہ شدید گرمی نے ویرات کوہلی کو بھی متاثر کیا۔ 15ویں اوور میں دو رنز لینے کے بعد وہ سانس پھولنے کے باعث کچھ دیر کے لیے رک گئے جس کے بعد انہوں نے راجستھان کے کپتان سنجو سیمسن سے کہا کہ ان کی دل کی دھڑکن چیک کریں۔ سنجو نے چیک کرنے کے بعد کہا کہ سب ٹھیک لگ رہا ہے۔
دوپہر کے وقت کھیلے گئے اس میچ میں سخت گرمی اور دوڑ بھاگ نے ویرات کوہلی پر بھی اثر ڈالا جس پر مداحوں نے سوشل میڈیا پر اپنی تشویش کا اظہار کیا۔
سوشل میڈیا پر ایک صارف نے لکھ کہ ویرات کی سانس پھولتی دیکھ کر دل ٹوٹ گیا جبکہ ایک صارف کا کہنا تھا کہ ویرات کوہلی کا ہارٹ بیٹ چیک ہو رہا ہے اور ہارٹ اٹیک مجھے ہو رہا ہے۔
مداحوں کو اگرچہ ویرات کی فٹنس پر تشویش ہوئی لیکن خوشی کی بات یہ رہی کہ وہ بغیر کسی رکاوٹ کے مکمل اننگز کھیل کر ٹیم کو فتح دلا گئے۔
واضح رہے کہ اس اننگز کے دوران ویرات کوہلی نے ایک اور اہم اعزاز اپنے نام کیا، وہ ٹی 20 کرکٹ کی تاریخ میں 100 نصف سنچریاں بنانے والے دوسرے بیٹر بن گئے ہیں، ان سے آگے صرف ڈیوڈ وارنر ہیں جن کے نام 108 ففٹیز ہیں۔
پاکستان کان کنی کے عالمی مرکز کے طور پر ابھرنے کیلئے اسٹریٹجک طور پر تیار ہے، اسحٰق ڈار