محسن نقوی کی امریکی کانگریس مین الیگزینڈر گرین سے ملاقات
اشاعت کی تاریخ: 27th, January 2025 GMT
فوٹو بشکریہ سوشل میڈیا
وزیرِ داخلہ محسن نقوی نے امریکی کانگریس کی فنانس کمیٹی کے رکن الیگزینڈر گرین سے ملاقات کی ہے۔
ملاقات میں پاک امریکا تعلقات کے فروغ سے متعلق تبادلۂ خیال کیا۔
محسن نقوی نے الیگزینڈر گرین کو افغانستان سے ہونے والی دہشت گردی اور دراندازی سے آگاہ کیا۔
اُنہوں نے پاکستان میں زلزلہ اور سیلاب متاثرین کی مدد پر الیگزینڈر گرین کا شکریہ ادا کیا۔
وفاقی وزیرِ داخلہ محسن نقوی کا کہنا ہے کہ امریکی ایوان نمائندگان کو پاکستان کے خلاف اکسایا جارہا ہے۔
وزیرِداخلہ نے امریکی کانگریس مین الیگزینڈر گرین کے مسئلہ فلسطین پر اصولی مؤقف کو سراہا۔
اُنہوں نے کہا کہ الیگزینڈر گرین کا فلسطین کے لیے توانا آواز بلند کرنا قابل ستائش ہے۔
محسن نقوی نے کہا کہ کانگریس مین الیگزینڈر گرین کے فلسطین پر اصولی مؤقف کو بہت پزیرائی ملی ہے۔
اُنہوں نے مزید کہا کہ پاکستان اور امریکا کے درمیان تعلقات میں گرم جوشی آ رہی ہے، آنے والے دنوں میں پاک امریکا تعلقات مزید مستحکم ہوں گے۔
کانگریس مین الیگزینڈر گرین نے کہا کہ میں جلد پاکستان کا دوبارہ دورہ کروں گا، اس سے پہلے بھی زلزلے اور سیلاب میں عوام سے یک جہتی اور مدد کے لیے 4 بار پاکستان گیا تھا۔
.ذریعہ: Jang News
کلیدی لفظ: کانگریس مین الیگزینڈر گرین امریکی کانگریس محسن نقوی کہا کہ
پڑھیں:
پاکستان دہشتگردی اور دنیا کے درمیان دیوار ہے، عالمی برادری بھرپور تعاون کرے، محسن نقوی
وفاقی وزیر داخلہ محسن نقوی سے امریکی کانگریس کے وفد نے ملاقات کی، کانگریس مینز جیک برگمین، ٹام سوزی اور جوناتھن جیکسن شامل تھے، اس موقع پر امن و امان، انسداد دہشتگردی اور بارڈر سیکیورٹی سے متعلق تبادلہ خیال کیا گیا۔
نجی ٹی وی کے مطابق محسن نقوی نے واضح کیا کہ دہشتگردی عالمی چیلنج ہے، جس سے نمٹنے کے لیے عالمی برادری کو پاکستان کے ساتھ بھرپور تعاون کرنا ہوگا، امریکی وفد نے دہشتگردی کیخلاف پاکستان کے کردار کو خوب سراہا۔
ملاقات میں وزیرمملکت برائے داخلہ طلال چوہدری، قائم مقام امریکی سفیر اور وفاقی سیکریٹری داخلہ بھی موجود تھے۔
وفاقی وزیر داخلہ محسن نقوی نے واضح کیا ہے کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں، پاکستان دہشتگردی اور دنیا کے درمیان دیوار کی حیثیت رکھتا ہے، دہشتگردی عالمی چیلنج ہے، عالمی برادری کوپاکستان کےساتھ بھرپور تعاون کی اشد ضرورت ہے۔
محسن نقوی نے کہا کہ انسداد دہشت گردی کےشعبے میں انٹیلی جنس اور ٹیکنالوجی شیئرنگ انتہائی اہم ہے، دہشت گردی کےخلاف پاکستان کی بے پایاں قربانیوں کی اقوام عالم میں نظیر نہیں ملتی۔
انہوں نے امید ظاہر کی کہ کانگریس مینز کا دورہ دہشتگردی کےخلاف پاکستان کے بے مثال کردار کو اجاگر کرنے میں اہم ثابت ہوگا۔
کانگریس مینز کا کہنا تھا کہ دہشتگردی کے خلاف جنگ میں پاکستان کےکردار کو بھرپور اجاگرکرنے کی ضرورت ہے، امریکا میں مقیم پاکستانی کمیونٹی باصلاحیت اور قابل ہے۔
محسن نقوی نے کہا کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں۔
ملاقات میں دوطرفہ تعلقات اور باہمی دلچسپی کے امور پر بھی تفصیلی تبادلہ خیال کیا گیا، معیشت، تجارت، سرمایہ کاری کے شعبوں میں تعاون آگے بڑھانے پر بھی گفتگو کی گئی، اس دوران سیکیورٹی، انسداد دہشت گردی اور بارڈر سیکیورٹی کے شعبوں پر بات چیت ہوئی۔
محسن نقوی نے کہا کہ امریکا میں 30 اپریل کو پاکستان کاکس کا انعقاد خوش آئند ہے، کانگریس مینز کا دورہ دہشتگردی کے خلاف پاکستان کے بے مثال کردار کو اجاگر کرنے کے لیے اہم ثابت ہوگا۔
انہوں نے کہا کہ امریکی وفد کی حالیہ منرلز انویسٹمنٹ فورم 2025 میں شرکت خوش آئند ہے، حکومت کی جانب سےسرمایہ کاروں کو ہرممکن سہولت، سرمایہ کاری کو مکمل تحفظ فراہم کیا جائے گا۔
وزیر مملکت برائے داخلہ طلال چوہدری نے کہا کہ اسلام آباد میں جون میں ہونے والا مشترکہ کاؤنٹر ٹیررازم ڈائیلاگ، انسدادِ دہشتگردی کے حوالے سے باہمی تعاون کو مزید فروغ دینے میں کلیدی کردار ادا کرے گا۔
Post Views: 1
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار