چاہت فتح علی خان کی جانب سے ویڈیو نہ ہٹانے پر متھیرا آگ بگولہ ہو گئیں۔
اشاعت کی تاریخ: 27th, January 2025 GMT
گزشتہ دنوں معروف ماڈل،ہوسٹ اور اداکارہ متھیرا نے اپنے پروگرام میں سوشل میڈیا اسٹار چاہت فتح علی خان کے ساتھ ایک پروگرام کیا تھا جس کے چرچے سوشل میڈیا پر خوب ہو رہے ہیں اسی پرگرام کے دوران چاہت فتح علی خان نے ایک ویڈیو اداکارہ متھیرا کی اجازت کے بغیر بنا کر سوشل میڈیا پر شیئر کردی۔ جس کے رد عمل میں متھیرا نے چاہت فتح علی خان پر سخت تنقید کی ہے۔متھیرا کا کہنا ہے کہ ان کی بے باکی کو غلط انداز میں لینا یا ان کی ذاتی حدوں کو پار کرنا ناقابل قبول ہے۔متھیرا نے وضاحت کی کہ یہ وائرل ویڈیو ان کے شو کے کیمروں سے نہیں بلکہ چاہت فتح علی خان کی جانب سے عجیب اینگل سے بنائی گئی ہے۔ان کا کہنا تھا کہ وہ مہمانوں کو ہمیشہ عزت دیتی ہیں لیکن چاہت نے ان کے اعتماد کو ٹھیس پہنچائی۔انہوں نے کہا، بولڈ ہونے کا مطلب یہ نہیں کہ کوئی بھی مجھے گلے لگائے یا پشت پر ہاتھ رکھے۔ یہ سب حد سے تجاوز ہے، اور ایک باشعور انسان ایسی حرکت نہیں کرے گا۔اداکارہ نے بتایا کہ چاہت فتح علی خان نے ویڈیو ہٹانے کی یقین دہانی کرائی تھی لیکن ابھی تک نہ ویڈیو ہٹائی گئی ہے اور نہ معافی مانگی گئی۔متھیرا نے اپنی مایوسی کا اظہار کرتے ہوئے کہا کہ لوگ شہرت کے لیے ایسی حرکات کرتے ہیں، جو کہ بہت افسوسناک ہے۔انہوں نے اپنے مداحوں کو متنبہ کیا کہ وہ انہیں نہ گلے لگانے کی کوشش کریں اور نہ ہی ہاتھ ملانے کی، کیونکہ ان کی ذاتی حدود ہیں جن کا احترام ضروری ہے۔
.ذریعہ: Nawaiwaqt
کلیدی لفظ: چاہت فتح علی خان متھیرا نے
پڑھیں:
دانیہ شاہ کے شوہر حکیم شہزاد نے نجی راز افشا کردیے، سوشل میڈیا پر ہنگامہ
مشہور ٹک ٹاکر اور مرحوم عامر لیاقت کی سابق اہلیہ دانیہ شاہ ایک بار پھر خبروں کی زینت بن گئیں، مگر اس بار وجہ ان کے شوہر حکیم شہزاد کی جانب سے ایک پوڈکاسٹ میں کیے گئے حیران کن انکشافات بنے، جنہوں نے سوشل میڈیا پر بحث اور تنقید کا طوفان برپا کر دیا ہے۔
ایک حالیہ پوڈکاسٹ میں گفتگو کرتے ہوئے حکیم شہزاد نے انکشاف کیا کہ ان کی دانیہ شاہ سے شادی کسی جذباتی تعلق یا محبت کا نتیجہ نہیں تھی۔بقول ان کے، ”میں نے دانیہ سے کبھی محبت نہیں کی۔ وہ اور اس کی ماں میرے پاس قانونی مدد کے لیے آئیں، وہ خوبصورت ضرور تھی مگر دل سے کبھی تعلق نہیں جوڑا۔“
انہوں نے کہا کہ وہ ایک مددگار طبیعت کے مالک ہیں، اور انہیں ڈر تھا کہ اگر وہ دانیہ کے کیسز میں یوں ہی مدد کرتے رہے تو لوگ باتیں بنائیں گے۔ اسی خدشے کے تحت انہوں نے دانیہ سے شادی کرلی، محض معاشرتی دباؤ اور ”لوگ کیا کہیں گے“ کے خوف سے۔
حکیم شہزاد کے ان الفاظ پر سوشل میڈیا صارفین شدید غصے کا اظہار کر رہے ہیں۔ لوگوں نے ان کی باتوں کو ”بے رحم، توہین آمیز اور غیر ذمہ دارانہ“ قرار دیا، اور کہا کہ کسی بھی مرد کو اپنی بیوی کے بارے میں یوں کھلے عام تذلیل آمیز گفتگو نہیں کرنی چاہیے۔
ایک صارف نے تبصرہ کیا، ”آج جو تھوڑی بہت شہرت ملی ہے، وہ دانیہ کی وجہ سے ہے۔ اور بدلے میں یہ سلوک؟“
ایک اور نے لکھا، ”اگر وہ واقعی کسی باعزت گھرانے سے ہوتا، تو اس طرح بیوی کو نیچا نہ دکھاتا۔“
جب کہ کچھ صارفین نے دونوں پر تنقید کرتے ہوئے کہا،”تم دونوں ایک دوسرے کے لائق ہو!“
دانیہ شاہ کا نام سب سے پہلے اُس وقت خبروں میں آیا جب انہوں نے معروف ٹی وی اینکر عامر لیاقت حسین سے کم عمری میں شادی کی۔
بعد ازاں علیحدگی، پھر عامر لیاقت کی وفات، اور قانونی جھگڑوں نے انہیں متنازع بنا دیا۔ ان تمام مراحل کے بعد حکیم شہزاد کے ساتھ ان کا نیا باب شروع ہوا، جنہوں نے پہلے دانیہ کے وکیل کے طور پر ساتھ دیا، پھر شوہر بنے، اور اب دونوں کا ایک بیٹا بھی ہے۔
بظاہر ان کی ازدواجی زندگی خوشگوار دکھائی دیتی تھی، مگر پوڈکاسٹ میں سامنے آنے والے بیانات نے اس تاثر کو بری طرح مجروح کر دیا ہے۔