سانگھڑ: جونیجو برادری کا جھگڑا، 3 افراد قتل، 19زخمی، مقدمہ درج نہ ہو سکا
اشاعت کی تاریخ: 27th, January 2025 GMT
---فائل فوٹو
صوبۂ سندھ کے شہر سانگھڑ میں جونیجو برادری کے جھگڑے میں 3 افراد کے قتل و 19 افراد زخمی ہونے کے واقعے کا مقدمہ تاحال درج نہ ہو سکا۔
سانگھڑ میں دو برادریوں کے درمیان پیش آنے والے واقعے کے خلاف ورثاء نے رات بھر لاشیں سڑک پر رکھ کر احتجاج کیا۔
مظاہرین کا کہنا ہے کہ 24 گھنٹوں بعد بھی انتظامیہ نے کسی قسم کے مذاکرات نہیں کیے۔
مظاہرین کے مطابق ایس ایس پی سانگھڑ مقدمے کا اندارج نہيں کر رہے۔
واضح رہے کہ سانگھڑ کے نزدیک چوٹیاری تھانے کی حدود میں واقع جانی جونیجو گاؤں میں کھیتوں میں مویشیوں کے گھس جانے کے تنازع پر جونیجو قبیلے کے 2 گروہوں کے مابین تصادم کے نتیجے میں 3افراد گولیاں لگنے سے جاں بحق جبکہ 3 خواتین سمیت 19 سے زائد زخمی ہو گئے۔
یہ بھی پڑھیے سانگھڑ میں تین افراد کا قتل وزیر داخلہ سندھ نے نوٹس لے لیا سانگھڑ، لواحقین اور سیکڑوں افراد و خواتین کا بچوں سمیت میتوں کو روڈ پر رکھ کر دھرنا سانگھڑ، جونیجو قبیلے کے دو گروہوں میں تصادم، اندھا دھند فائرنگ، 3 افراد جاں بحق، 3 خواتین سمیت 19 سے زائد افراد زخمیواقعے میں اسلحے سے لیس ایک گروپ نے دوسرے غیر مسلح گروہ پر اندھا دھند فائرنگ کی جس کے نتیجے میں 3 افراد علی بخش جونیجو، مشتاق علی اور عبدالرسول جونیجو جاں بحق جبک 3 خواتین سمیت 19سے زائد افراد زخمی ہو گئے جن میں سیف اللّٰ جونیجو، عبداللّٰہ، قادر جونیجو، نواز علی، عاشق حسین، لال بخش، عبدالسلام، اسد، امام الدین، عباس، اویس، ضامن، ارباب، قدیر، غلام رسول، نوید علی، زبیدہ، ساجدہ اور عظمیٰ شامل ہیں۔
اطلاع ملنے پر پولیس کی بھاری نفری جائے وقوع پر پہنچ گئی جس نے تینوں لاشوں سمیت تمام زخمیوں کو سول اسپتال سانگھڑ منتقل کر دیا۔
مذکورہ واقعے کے نتیجے میں صورتِ حال قابو سے باہر ہو گئی، پورے علاقے میں خوف و ہراس پھیل گیا، نامعلوم مسلح افراد نے ٹائر جلا کر سانگھڑ میرپور خاص، سانگھڑ نواب شاہ اور سانگھڑ حیدر آباد روڈز بلاک کر دیے جس کے نتیجے میں ٹریفک مکمل طور پر جام ہو گیا اور گاڑیوں کی لمبی قطاریں لگ گئیں۔
مسلح افراد کی ہوائی فائرنگ سے شہر کے مختلف کاروباری مراکز بھی بند ہو گئے۔
ادھر پولیس دعویٰ کر رہی ہے کہ اس نے مذکورہ واقعے میں ملوٹ 3 مرکزی ملزمان کو گرفتار کر لیا ہے۔
.ذریعہ: Jang News
کلیدی لفظ: کے نتیجے میں
پڑھیں:
ہالا،مختلف حادثات و واقعات میں خاتون سمیت 6 افراد جاں بحق
ہالا(نمائندہ جسارت)مٹیاری کے گردونواح میں حادثات میں معصوم بچہ اور2 خاتون سمیت 6 افراد جاں بحق ، اطلاع پر ورثا میں کہرام ۔ نیو سعید آباد نیشنل ہائی وے پر تیزرفتارٹرک کا چنگ چی رکشہ سے خوفناک ٹکر ہونے سے رکشہ سوار بھیل برادری کی 65 سالہ خاتون شریمتی اور5 سالہ معصوم بچہ مصری شدید زخمی ہوکر دم توڑگئے جبکہ مصری، مولو، مکیش، نندنی،بھورو سمیت 6 افراد شدید زخمی ہوگئے جنہیں فرسٹ ایڈ دے کرحیدرآباد اسپتال منتقل کیاگیا، جہاں ایک خاتون سمیت دو افراد دم توڑگئے جبکہ ٹرک ڈرائیور حادثہ کے بعد موقعے سے فرار ہوگیا دوسری طرف بھٹ شاہ روڈ پر موٹر سائیکل سلپ ہونے سے نوجوان فرحان تھہیم دم توڑ گیا جبکہ گزشتہ روز حادثہ میں شدید زخمی ہونے والا عباس خاصخیلی نامی شخص بھی دم توڑگیا۔
شاہ رخ خان اور الو ارجن ایک ساتھ، مداحوں کیلئے اہم خبر آ گئی