پی ٹی آئی گلگت بلتستان کے فاورڈ بلاک کے تمام ممبران کو فارغ کرنے کا فیصلہ
اشاعت کی تاریخ: 27th, January 2025 GMT
ذرائع کے مطابق عمران خان نے پی ٹی آئی کی صوبائی قیادت سے سابق گورنر راجہ جلال حسین مقپون کے بارے میں پوچھا کہ ان کا پارٹی کیلئے کیا کردار ہے؟ تو جواباً عمران خان کو بتایا گیا کہ جب سے گورنر شپ سے ہٹے ہیں راجہ جلال مقپون منظر عام سے غائب ہیں۔ اسلام ٹائمز۔ پی ٹی آئی گلگت بلتستان کے فارورڈ بلاک میں شامل تمام ارکان اسمبلی کو پارٹی سے فارغ کرنے کا فیصلہ کر لیا گیا ہے تاہم حکومت کو چھوڑ کر واپس آنے والے ارکان اسمبلی سید سہیل عباس شاہ اور کرنل عبیداللہ کا فیصلہ بانی پی ٹی آئی عمران خان کریں گے۔ سابق گورنر راجہ جلال حسین مقپون کو بھی پی ٹی آئی کی مرکزی قیادت نوٹس بھیجے گی اور ان سے پوچھا جائے گا کہ اب تک خاموش کیوں ہیں؟ برے وقت میں پارٹی کا ساتھ کیوں نہیں دیا؟ اپنی بلڈنگ میں موجود پارٹی کے دفتر کو ختم کیوں کیا؟ رپورٹ کے مطابق پی ٹی آئی کی مرکزی قیادت کو صوبائی قیادت کی جانب سے بتایا گیا ہے کہ فارورڈ بلاک کے اراکین نے پارٹی ڈسپلن کی سنگین خلاف ورزی کی اور پارٹی کی پیٹھ میں چھرا گھونپا، لہذا انہیں پارٹی سے فارغ کیا جائے۔ پی ٹی آئی کی مرکزی قیادت نے صوبائی قیادت کی سفارش پر فارورڈ بلاک کے تمام ارکان اسمبلی کو پارٹی سے فارغ کرنے کا حتمی فیصلہ کر لیا ہے، عنقریب ان تمام ارکان کو فارغ کرنے کا نوٹیفکیشن جاری کر دیا جائے گا۔
ذرائع نے بتایا ہے کہ پی ٹی آئی کی قیادت کی جانب سے فاروڈ بلاک میں شامل ارکان اسمبلی کو پیغام بھیجا گیا ہے کہ وہ پارٹی کے ساتھ ہمدردی جتانے کی کوشش نہ کریں، برے وقت میں تو ان لوگوں نے پارٹی کا شیرازہ بکھیر دیا ہے۔ ذرائع نے بتایا ہے کہ پی ٹی آئی کی قیادت نے فارورڈ بلاک میں شامل ارکان اسمبلی کو پیغام بھیجا ہے کہ اگر پارٹی میں واپسی چاہتے ہیں تو زبانی ہوائی باتیں کرنے یا ہمدردی جتانے کے بجائے وزارتوں سے استعفے دیکر آئیں ورنہ بعد میں ان کی کوئی معافی تلافی قبول نہیں ہو گی۔ ذرائع نے بتایا کہ بانی پی ٹی آئی نے پی ٹی آئی گلگت بلتستان کی قیادت کو اختیار دیا ہے کہ وہ جس طرح کا فیصلہ کرے گی وہ انہیں قبول ہو گا۔ ذرائع کے مطابق عمران خان نے پی ٹی آئی کی صوبائی قیادت سے سابق گورنر راجہ جلال حسین مقپون کے بارے میں پوچھا کہ ان کا پارٹی کیلئے کیا کردار ہے؟ تو جواباً عمران خان کو بتایا گیا کہ جب سے گورنر شپ سے ہٹے ہیں راجہ جلال مقپون منظر عام سے غائب ہیں، ان کا پارٹی کی ترقی اور فعالیت کیلئے کوئی کردار نہیں ہے۔ جواب ملنے کے بعد عمران خان نے راجہ جلال حسین مقپون کو نوٹس بھیجنے اور تسلی بخش جواب نہ ملنے پر پارٹی سے فارغ کرنے کی ہدایات جاری کر دی ہیں۔
ذریعہ: Islam Times
کلیدی لفظ: راجہ جلال حسین مقپون ارکان اسمبلی کو پارٹی سے فارغ صوبائی قیادت فارغ کرنے کا پی ٹی آئی کی پارٹی کی کا فیصلہ
پڑھیں:
پی ٹی آئی خیبر پختونخوا اور پنجاب کی قیادت تبدیل، عمران خان کی نئی حکمت عملی کیا ہے؟
سابق وزیراعظم عمران خان نے پارٹی سے متعلق اہم فیصلے کرتے ہوئے خیبر پختونخوا اور پنجاب کی پارٹی قیادت کو تبدیل کردیا ہے۔ خیبر پختونخوا کی صدارت وزیراعلیٰ علی امین سے لے کر رکن قومی اسمبلی جنید اکبر کو دی گئی ہے جبکہ پنجاب میں پارٹی کو متحرک کرنے کے لیے عالیہ حمزہ کو ذمہ داریاں سونپی گئی ہیں۔
پارٹی قیادت میں تبدیلیاں کیوں؟پارٹی ذرائع کے مطابق سابق وزیراعظم عمران خان وزیراعلیٰ علی امین گنڈاپور کی کارکردگی سے مطمئن نہیں، یہی وجہ ہے کہ پارٹی کی صدارت کا عہدہ ان سے لے کر ان کے مخالف گروپ سے تعلق رکھنے والے جنید اکبر کو سونپا گیا ہے۔
یہ بھی پڑھیں: عالیہ حمزہ پاکستان تحریک انصاف پنجاب کی چیف آرگنائزر مقرر
ذرائع کے مطابق عمران خان علی امین گنڈاپور کی احتجاجی حکمت عملی سے مطمئن نہ تھے اور 24 نومبر کو ہونے والے لانگ مارچ کے بعد بشریٰ بی بی نے بھی عدم اطمینان کا اظہار کیا تھا۔ دوسری جانب عمران خان پی ٹی آئی پنجاب کے صدر حماد اظہر کی کارکردگی سے بھی مطمئن نہ تھے۔
ذرائع نے بتایا کہ عمران خان کے متعدد مرتبہ پیغامات بھجوانے کے باوجود پنجاب کی قیادت روپوش رہی جس کی وجہ سے پارٹی غیر متحرک ہوکر رہ گئی، عمران خان نے پنجاب کا جمود توڑنے کے لیے عالیہ حمزہ کو چیف آرگنائزر کی ذمہ داریاں دی ہیں۔
عمران خان کی نئی حکمت عملی کیا ہے؟ذرائع کے مطابق عمران خان نے ایک بار پھر سڑکوں پر آنے کا فیصلہ کر لیا ہے۔ اس حوالے سے پارٹی کو ہدایات جاری کی جاچکی ہیں جس میں سب سے پہلا ٹاسک 8 فروری کا احتجاج ہوگا۔
مزید پڑھیں: چیئرمین پبلک اکاؤنٹس کمیٹی کا انتخاب، تحریک انصاف کی قیادت متحرک
ذرائع کا کہنا ہے کہ سابق وزیراعظم عمران خان ماہ رمضان کے بعد ایک بار پھر اسلام آباد مارچ کی کال دے سکتے ہیں، اس سے قبل ماہ رمضان میں بھی احتجاج کے حوالے سے حکمت عملی تیار کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی پنجاب تحریک انصاف خیبرپختونخوا سابق وزیر اعظم عمران خان وزیراعلی
شاہ رخ خان اور الو ارجن ایک ساتھ، مداحوں کیلئے اہم خبر آ گئی