پاکستان مرکزی مسلم لیگ کا حقوق سندھ مارچ بدین پہنچ گیا
اشاعت کی تاریخ: 27th, January 2025 GMT
بدین (نمائندہ جسارت)پاکستان مرکزی مسلم لیگ کا حقوق سندھ مارچ کے شرکا ایک بہت بڑے جلوس کی صورت میں مرکزی مسلم لیگ کے صدر خالد مسعود سندھو ، صوبائی صدر فیصل ندیم اور کراچی کے صدر احمد ندیم کی قیادت میں ٹھٹھہ ، سجاول اور گولارچی سے ہوتا ہوا بدین پہنچا ، مارچ کے شرکا کا بدین پہنچنے پر بدین کے صدر عاطف گجر شعیب سندھی ، راشد آرائیں ، حافظ محمد انور ، عقیل لغاری اور دیگر کی قیادت میں کارکنوں نے شاندار استقبال کیا۔ اس موقع پر رات گئے شاہ نواز چوک بدین پر ایک بڑے عوامی اجتماع سے پاکستان مرکزی مسلم لیگ کے صدر خالد مسعود سندھو ، صوبائی صدر فیصل ندیم اور کراچی کے صدر احمد ندیم اعوان بدین ضلع کے صدر عاطف گجر حیدرآباد ڈویژن کے صدر عقیل احمد ، خالد سیف اور دیگر نے کہا کہ کراچی سے بدین تک عوام نے اپنے حقوق کیلئے نکل کر اپنے روشن کل کی خاطر سندھ پر قابض فارم 47 کے چور حکمرانوں کے خلاف فیصلہ دے دیا ہے ، انہوں نے کہا کہ حقوق سندھ مارچ سندھ کی عوام کو کچے اورپکے کے ڈاکوئوں سے نجات دلانے کا ایک عزم اور تحریک ہے، سندھ کے شہریوں کو کچے اور پکے کے ڈاکووں سے نجات دلا کر دم لیں گے انہوں نے کہا کہ سندھ پر مسلط اور قابض ٹولے نے سندھ کو نیلام گھر بنا کر زمین معدنیات دریا پھاڑ وسائل سب کی بولی لگا رکھی ہے ، انہوں نے کہا کہ سندھ کے حکمرانوں نے ہر ادارے کو تباہ کر دیا ہے عوام کو صحت تعل?م پانی جیسی بنیادی سہولیات بھی دستیاب نہیں کرپٹ حکمرانوں نے سندھ کی تعلیم اور تعلیمی اداروں کو بھی نہیں بخشا۔ ان کا کہنا تھا کہ حقوق سندھ مارچ کیلئے عوام کا جوش وخروش دیکھ کر وسائل پر قابض مافیا اپنی شکست کا خوف محسوس کرنے لگا ہے اور بوکھلاہٹ کا شکار ہو گئے ہیں، حقوق سندھ مارچ صرف لوگوں کے بنیادی حقوق کی جنگ نہیں بلکہ ان افراد سے نجات حاصل کرنے کا عزم ہے جو عوام کی فلاح کے بجائے صرف اپنے ذاتی مفادات کے لیے سرگرم ہیں۔ مرکزی مسلم لیگ عوامی حقوق پر ڈاکہ ڈالنے والوں کے خلاف اور عوام کے حقوق کے حصول تک اپنی جدوجہد کو جاری رکھے گی، مقررین نے شرکا سے سوال کیا کہ پیپلز پارٹی نے 1970ء سے اب تک عوام کو روٹی، کپڑا اور مکان دیا جبکہ پیپلز پارٹی کے امیدواروں نے انتخابی مہم میں بلند دعوے کرنے والوں نے عوام کو دھوکہ دیا بجلی مفت دینے والے دعوے بے وقوف بنایا انہوں نے کہا کہ عوام اپنے ووٹ کا سوچ سمجھ کر فیصلہ کریں ہم سندھ کے عوام کے حقوق کے لیے عوام کے ساتھ کھڑے ہیں اور سندھ پر قابض مافیا کو اقتدار سے نکال باہر کریں گے۔ حقوق سندھ مارچ کے شرکا گزشتہ روز ماتلی سے ڈگری سے ہوتے ہوئے میرپورخاص کیلیے روانہ ہوگئے۔
.ذریعہ: Jasarat News
کلیدی لفظ: انہوں نے کہا کہ مرکزی مسلم لیگ عوام کو کے صدر
پڑھیں:
اسرائیل کے حق میں بولنے والوں کو عوام عبرت کا نشان بنا دینگے، حافظ نعیم الرحمان
اسرائیل کے حق میں بولنے والوں کو عوام عبرت کا نشان بنا دینگے، حافظ نعیم الرحمان WhatsAppFacebookTwitter 0 11 April, 2025 سب نیوز
لاہور(سب نیوز)مال روڈ پر جماعت اسلامی کی طرف سے غزہ مارچ کا انعقاد کیا گیا، غزہ مارچ امیر جماعت اسلامی کی کال پر رکھا گیا۔ مارچ کا مقصد غزہ کے مظلومین کے ساتھ اظہار یکجہتی کرنا ہے، غزہ مارچ میں قافلوں کی صورت میں شہریوں نے شرکت کی۔اس موقع پر خطاب کرتے ہوئے امیر جماعت اسلامی حافظ نعیم الرحمان نے کہا کہ اسرائیل ہمارے بچوں کو قتل کر رہا ہے، نیتن یاہو سن لو ایک، ایک بچے کے خون کا حساب لیں گے، اسرائیل نہتے فلسطینیوں پر ظلم کر رہا ہے، اسرائیل کو طاقت امریکا سے ملی ہوئی ہے۔
حافظ نعیم الرحمان نے کہا کہ پاکستان کے حکمران، اپوزیشن والے امریکا کی مذمت کیوں نہیں کر رہے، سب لائن لگا کر کھڑے ہیں کہ ٹرمپ آشیرباد دے، حکمرانوں اور نام نہاد لیڈرو تم انجمن غلامان امریکا بنے ہوئے ہو۔امیر جماعت اسلامی نے کہا کہ اسرائیل کی تاریخ ہے یہ انبیا کے قاتل ہیں، حکمرانو ہوش کے ناخن لو،زبانی جمع خرچ سے آگے بڑھو، اسرائیل کو واضح پیغام دو۔انہوں نے کہا کہ پرسوں شاہراہ فیصل کراچی میں بڑا غزہ مارچ ہوگا، کون تھے وہ غدار صحافی جو اسرائیل گئے تھے، اسرائیل جانے والے صحافیوں کو بے نقاب کیا جائے، کبھی اسرائیل کے حق میں بولنے کا سوچنا بھی ناں، اسرائیل کے حق میں بولنے والوں کو عوام عبرت کا نشان بنا دیں گے۔حافظ نعیم الرحمان نے کہا کہ ہم کبھی بھی اسرائیل کو تسلیم نہیں کریں گے، ایک ہی ریاست فلسطین کی ریاست ہے، مسجد اقصی ہمارا عقیدہ اور روح ہے، غزہ کے شہریوں کا پانی بند اور اوپر سے بمباری ہو رہی ہے، کہاں ہیں انسانی حقوق کے چیمپئن؟۔
امیر جماعت اسلامی کا کہنا تھا کہ پورے پاکستان میں ہڑتال کی کال دیں گے، تاجر برادری سے مشاورت کریں گے، ہم دنیا کو بتائیں گے کہ ہم دہشت گرد امریکا، اسرائیل کے ساتھ نہیں، ہم فلسطینیوں کے ساتھ ہیں۔انہوں نے کہا کہ مصر، اردن، سعودی عرب سے کہنا چاہتا ہوں فلسطینیوں کے ساتھ کھڑے ہوجائیں، پوری دنیا میں ہر پیدا ہونے والا مسلمان بچہ حماس بنے گا، حماس ظلم کے خلاف جدوجہد کا استعارہ ہے، حماس کو تسلیم کیا جائے اور اس کا پاکستان میں دفتر کھولا جائے۔حافظ نعیم الرحمان نے کہا کہ غداروں پر بھی نظر رکھنا ہوگی، چچا، بھتیجی مل کر بھی اتنا بڑا جلسہ نہیں کر سکتے، پرسوں شاہراہ فیصل پر انسانوں کا سمندر ہوگا۔واضح رہے کہ جماعت اسلامی کی جانب سے کراچی میں 14 اور شہر اقتدار اسلام آباد میں 20 اپریل کو غزہ مارچ کی کال دی گئی ہے، مارچ میں خواتین، بچوں سمیت ہر عمر سے تعلق رکھنے والے شہریوں کی کثیر تعداد شریک ہو گی۔
جڑانوالہ میں بس کی رکشہ کو ٹکر، 8 افراد جاں بحق