پاکستان اکارڈ پر عمل درآمد سے حادثات سے بچا جاسکتا ہے، ناصر منصور
اشاعت کی تاریخ: 27th, January 2025 GMT
نیشنل ٹریڈ یونین فیڈریشن (NTUF) اور ہوم بیسڈ وومن ورکرز فیڈریشن (HBWWF) کے اشتراک سے گزشتہ دنوں مقامی ہوٹل میں ٹیکسٹائل گارمنٹس ورکرز کانفرنس منعقدکی گئی جس کا مقصد گارمنٹ انڈسٹری سے وابستہ محنت کشوں میں پاکستان اکارڈ سمیت دیگر قوانین سے آگاہی فراہم کرنا تھا جن سے انکے حقوق کا تحفظ ممکن ہوسکتا ہے۔
کانفرنس کی صدارت پاکستان ٹیکسٹائل ورکرز فیڈریشن کے جنرل سیکرٹری سید سجاد حسین گردیزی نے کی۔ دیگر مہمان گرامی میں ILUCIP کے نیاز خان، APFUTU سے ثمینہ عرفان، INDUSTRIALL سے سلطان محمد، ماینز ورکر یونین سے سرزمین افغانی ، واپڈا ورکرز یونین سے نوشیر خان اور OGDC ورکرز یونین کے سید اعجاز شاہ بخاری شریک تھے جبکہ کراچی کی مختلف گارمنٹس فیکٹریوں میں کام کرنے والے محنت کشوں کی بڑی تعداد شریک تھی۔
افتتاحی خطاب میں NTUF کے جنرل سیکرٹری ناصر منصور نے پاکستان اکارڈ (PA) کی اہمیت اور گارمنٹس سیکٹر کے محنت کشوں پر اس کے مثبت اثرات پر روشنی ڈالی جس پر عمل کے نتیجے میں علی انٹرپرائز اور رعنا پلازہ جیسے سانحات سے محنت کشوں کو تحفظ فراہم کیا جاسکتا ہے۔ انہوں نے مزید کہا کہ پاکستان میں ہر وہ فیکٹری جو بین الاقوامی برانڈ کی گارمنٹ مصنوعات تیار کر رہی ہے وہ PA میں موجود نکات پر عمل کرنے کی پابند ہے۔
کانفرنس کے لیے انڈسٹریل آل کے ساؤتھ ایشیا کے ریجنل سیکرٹری اساتوش بھٹ اچاریا اور اسپین سے انڈسٹریل آل گلوبل کے کوچیرپرسن وکٹر نے اپنے خطاب کی خصوصی وڈیوز بھیجیں جبکہ امریکہ سے US’s United Workers کی تھریسا نے ویڈیو لنک کے ذریعے براہ راست خطاب کیا اور شرکا کے سوالات کے جوابات بھی دیے۔
پاکستان اکارڈ کے کنٹری منیجر ذوالفقار شاہ نے کہا کہ PA کے تحت 500 گارمنٹس فیکٹریز کے صحت و حفاظت کے حوالے سے معائنے کے پروگرام پر بات کی جس میں سے 150 فیکٹری کا معائنہ مکمل ہوچکا ہے۔ انہوں نے یہ بھی بتایا کہ فی الوقت یہ اکارڈ صحت و تحفظ کے حوالے سے ہے مگر دسمبر 2025 کے بعد کی تجدید میں اس میں محنت کشوں کی بہتری کے نئے نکات بھی شامل کیے جائیں گے۔
ناصر منصور نے کانفرنس کے پلیٹ فارم سے حکومت سے مطالبہ کیا کہ محنت کشوں کو کم از کم اجرت کی جگہ لیونگ ویج دی جائے، بین الاقوامی برانڈز پاکستان میں اپنی مصنوعات تیار کرنے والی فیکٹریوں میں قوانین پر عملدرآمد کو یقینی بنائیں، ہر گارمنٹ فیکٹری محنت کش کو کم از کم اجرت ادا کرے، حکومت پاکستان اپنی مزدور دشمن روش تبدیل کرے سندھ حکومت فوری طور پر سندھ لیبر کوڈ جیسے ظالمانہ منصوبے کو ترک کرے، جس کی شرکا نے بھر پور تائید کی۔
ہوم بیسڈ وومن ورکرز فیڈریشن کی جنرل سیکرٹری اور انڈسٹریل آل کی کو چیئر پرسن زہرا خان نے اپنے خطاب میں SCDDL جو کہ 2023 سے نافذ ہے بتایا کہ گارمنٹ سیکٹر کے محنت کش اس کے ثمرات سے تاحال بہت حد تک محروم ہیں۔
کانفرنس کے اختتامی خطاب میں NTUF مرکزی رہنما رفیق بلوچ نے شرکاء کانفرنس اور خصوصی طور پر دیگر صوبوں سے شرکت کرنے والے افراد کا شکریہ ادا کیا۔
یہاں یہ بات قابل ذکر ہے کہ بلدیہ ٹاؤن سانحہ جس میں علی انٹرپرائز کے 260 محنت کش جل کر شہید ہوگئے تھے ان کے پسماندگان کو حقوق دلانے کے لیے NTUF کے ناصر منصور اور ان کے رفقاء نے جرمنی جا کر اس برانڈ پر مقدمہ کیا جو علی انٹرپرائز میں تیار ہوتا تھا جس کے نتیجے میں اس برانڈ نے 6.
Due Diligence Directives
بھی جاری کیں جن کے تحت جرمنی کا ہر گارمنٹ برانڈ پابند ہے کہ اگر دنیا میں کہیں بھی اس کی مصنوعات تیار کرنے والی فیکٹری میں کوئی حادثہ ہوتا ہے تو اس برانڈ پر جرمنی کی عدالت میں مقدمہ کیا جاسکتا ہے۔ اسی کوشش کے نتیجے میں یورپی یونین اور دیگر ممالک نے بھی قانون سازی کی ہے۔ اس وقت تک دنیا بھر کے 129 برانڈ پاکستان اکارڈ پر دستخط کر چکے ہیں جو علی انٹرپرائز کے شہدا کی قربانی اور NTUF کی مسلسل کاوشوں کا ثمر ہے۔
ذریعہ: Jasarat News
کلیدی لفظ: پاکستان اکارڈ علی انٹرپرائز کے نتیجے میں
پڑھیں:
عوام کو پیٹرول میں ریلیف نہ دینے کا فیصلہ، کیا معاملہ عدالت تک جاسکتا ہے؟ سوشل میڈیا پر نئی بحث چھڑ گئی
گزشتہ روز وزیراعظم شہباز شریف کی زیر صدارت وفاقی کابینہ کا اہم اجلاس منعقد ہوا جس میں کئی اہم قومی فیصلے کیے گئے۔ جس میں سے ایک فیصلہ یہ تھا کہ عالمی منڈی میں پیٹرولیم مصنوعات کی قیمتوں میں کمی سے حاصل ہونے والی بچت کو صارفین تک منتقل نہیں کیا جائے گا بلکہ یہ رقم بلوچستان میں ترقیاتی منصوبوں پر خرچ کی جائے گی۔
اس خبر پر سوشل میڈیا صارفین کی جانب سے مختلف ردعمل سامنے آیا۔ تجزیہ کار شہباز رانا کا کہنا ہے کہ وزیرِاعظم شہباز شریف نے پیٹرول اور ڈیزل پر فی لیٹر اضافی ٹیکس عائد کرنے کی منظوری دے دی ہے، جو کہ غریب اور امیر سب پر یکساں لاگو ہوگا۔ اس ٹیکس کا مقصد بلوچستان میں ایک سڑک کی تعمیر اور نہر کی تکمیل ہے، جس کے نتیجے میں پیٹرولیم لیوی میں اضافہ ہوگا۔ یہ فیصلہ ایک کمزور پالیسی اقدام ہے اور اسے منی بجٹ کے مترادف قرار دیا جا سکتا ہے۔
یہ بھی پڑھیں: فیکٹ چیک: پٹرولیم مصنوعات کی قیمت میں اضافہ، حقیقت کیا؟
ان کا کہنا تھا کہ بلوچستان مالی طور پر خودکفیل صوبہ ہے، جس کے پاس دسمبر 2024 تک 91.4 ارب روپے کا بجٹ موجود تھا، جب کہ وفاقی پی ایس ڈی پی کے تحت 1100 ارب روپے کی خطیر رقم بھی دستیاب ہے۔
ایسے حالات میں حکومت کو پیٹرولیم مصنوعات پر دیے جانے والے عوامی ریلیف کو روکنے سے گریز کرنا چاہیے۔ ہم بلوچستان کی ترقی کے حامی ہیں، لیکن اس کے لیے وزیرِاعظم کو چاہیے کہ وہ پارلیمنٹرینز کے صوابدیدی فنڈز اور دیگر موجودہ وسائل بروئے کار لائیں۔
شہباز رانا کا کہنا تھا کہ عوام پہلے ہی بھاری ٹیکسوں کے بوجھ تلے دبے ہوئے ہیں اور ان کے ساتھ مزید زیادتی نہ کی جائے۔ عوام کم از کم 8 روپے فی لیٹر قیمت میں کمی کے حق دار ہیں۔
Prime Minister Shehbaz Sharif has approved to impose additional tax on every liter of petrol and diesel consumed by poor to rich people to build a road and complete a canal in Balochistan by increasing petroleum levy rates. It’s a bad policy decision and tantamount to…
— Shahbaz Rana (@81ShahbazRana) April 15, 2025
سابق وزیراطلاعات فواد حسین کا کہنا تھا کہ روایتی طور پر بلوچستان میں بڑے منصوبے صرف کرپشن کے لیے بنائے جاتے ہیں، بہت ہی قابل مذمت ہے کہ پنجاب، سندھ اور خیبر پختونخواہ کے لوگوں پر خصوصی ٹیکس لگایا جائے کہ بلوچستان میں ایک اور بے کار سڑک کا منصوبہ مکمل کرنا ہے۔
ان کا کہنا تھا کہ اس ٹیکس کو سپریم کورٹ میں چیلنج کرنا ہو گا، صوبے اپنے ترقیاتی منصوبے اپنے وسائل سے مکمل کریں۔
روائتی طور پر بلوچستان میں بڑے منصوبے صرف کرپشن کیلئے بنائے جا تے ہیں، بہت ہی قابل مذمت ہے کہ پنجاب، سندہ اور خیبر پختونخواہ کے لوگوں پر خصوصی ٹیکس لگایا جائے کہ بلوچستان میں ایک اور بے کار سڑک کا منصوبہ مکمل کرنا ہے، اس ٹیکس کو سپریم کورٹ میں چیلنج کرنا ہو گا، صوبے اپنے ترقیاتی… https://t.co/FrDgSK4jaP
— Ch Fawad Hussain (@fawadchaudhry) April 15, 2025
وفاقی وزیر اطلاعات عطا تارڑ نے کہا کہ ’ٹیکس‘ کا لفظ استعمال کرنا نہ صرف گمراہ کن ہے بلکہ یہ اس بات کا عکاس بھی ہے کہ آپ کی سوچ زمینی حقائق سے کس قدر دور ہے۔ یہ مؤقف سراسر غلط اور بے بنیاد ہے۔
ان کا کہنا تھا کہ حکومت بین الاقوامی سطح پر تیل کی قیمتوں میں کمی سے حاصل شدہ بچت کو بلوچستان کی ترقی پر صرف کر رہی ہے۔ جو کہ ملک کے سب سے نظرانداز کیے گئے اور محروم علاقوں میں شامل ہے۔
عطا تارڑ نے مزید کہا کہ یہ کوئی مالی بوجھ نہیں، بلکہ ایک دیر سے پورا ہونے والا وعدہ ہے۔ پیٹرول کی وقتی کمی وقتی ریلیف دیتی ہے، لیکن حقیقی تبدیلی وہ ترقیاتی منصوبے لاتے ہیں جو سڑکوں، اسکولوں اور روزگار کے مواقع کی شکل میں عوام کی زندگیوں کو بہتر بناتے ہیں۔
انہوں نے شہباز رانا کو مخاطب کرتے ہوئے کہا کہ بدقسمتی سے اس قسم کی سوچ اور فیصلوں کو سمجھنے کے لیے دور اندیشی اور احساس درکار ہوتا ہے جو آپ کے مؤقف میں بظاہر موجود نہیں۔ اس طرح غلط معلومات پھیلائی جاتی ہیں۔
Calling this a “tax” isn’t just misleading- it’s a reflection of how disconnected and uncaring your thinking is. Totally false and untrue.
The govt is using savings from global oil prices to uplift Balochistan – one of the most deprived regions of the country. That’s not a… https://t.co/kMXcsptUsK
— Attaullah Tarar (@TararAttaullah) April 15, 2025
خیبرپختونخوا کے مشیر خزانہ مزمل اسلم نے کہا کہ ابتدائی تاثر یہ ہے کہ یہ فیصلہ مکمل طور پر جانبداری پر مبنی ہے۔ خیبر پختونخوا بھی بدامنی اور امن و امان کی خراب صورتحال سے بری طرح متاثر ہے، مگر حکومت اس کی مشکلات کو یکسر نظرانداز کر رہی ہے۔ ضم شدہ قبائلی اضلاع (سابق فاٹا) کی محرومیوں کا بھی کوئی ازالہ نہیں کیا جا رہا، اور نہ ہی نئے این ایف سی ایوارڈ پر پیش رفت ہو رہی ہے۔
انہوں نے مزید کہا کہ اسی طرح، 1990 کی دہائی میں شروع کیے گئے سی آر بی سی لفٹ کینال فیز 1 منصوبے کو بھی نظر انداز کیا جا رہا ہے، حالانکہ یہ منصوبہ خیبر پختونخوا اور ملک کی غذائی خودکفالت کے لیے انتہائی اہمیت رکھتا ہے۔
ایسے فیصلے صرف کابینہ کے دائرہ اختیار میں نہیں آتے، بلکہ انہیں نیشنل اکنامک کونسل (NEC) جیسے فورمز پر زیر غور لایا جانا چاہیے، جہاں تمام وفاقی اکائیوں کی مکمل نمائندگی موجود ہوتی ہے۔
Initial impression:
Complete discrimination. Khyber Pakhtunkhwa is equally affected due to law & order situation. Govt is completely ignoring the woes of merged area (Ex FATA). Avoiding new NFC. Similarly, govt is not taking up 1990s phase 1 of CRBC lift Canal phase 1. It will… https://t.co/a6sm8PvldK
— Muzzammil Aslam (@MuzzammilAslam3) April 15, 2025
شکیل احمد نے لکھا کہ اگلے بجٹ میں مزید ٹیکسز لگائے جائیں گے۔
In next budget more taxes. https://t.co/hoHGZeThrq
— Shakil Ahmed. (@shakilahmed2000) April 16, 2025
کریم خواجہ لکھتے ہیں کہ یہ حکومت کی جانب سے اچھا فیصلہ کیا گیا ہے۔
Good decision by govt
Finally a sense prevails https://t.co/xtDwoprzO3
— Karim khowaja (@khowajakarim) April 15, 2025
ایک صارف نے لکھا کہ یہ ن لیگ کی ہائبرڈ حکومت کا ایک اور عوام دشمن قدم ہے کہ پیٹرول کی قیمت کم کرنے کے بجائے مزید ٹیکس لگانے کا اعلان کیا ہے۔ وزیراعظم نے ہائبرڈ رجیم سے مشاورت کے بعد عوام کو سستا پیٹرول دینے سے انکار کردیا اور بلوچستان میں ترقی کے نام کا بہانہ بنا لیا۔
ن لیگ اکی ہائبرڈ حکومت کا ایک اور عوام دشمن قدم
پیٹرول کی قیمت کم کرنے کے بجائے مزید ٹیکس لگانے کا اعلان
وزیراعظم نے ہائبرڈ رجیم سے مشاورت کے بعد عوام کو سستا پیٹرول دینے سے انکار کردیا ۔عوام پر مہنگے تیل کا ظالم کوڑا برستا رہے گا۔۔۔ بلوچستان میں ترقی کے نام کا بہانہ بنا لیا… https://t.co/LC5g6b0Qfc
— Farhan Reza (@farhanreza) April 15, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف بلوچستان پیٹرولیم مصنوعات شہباز شریف
خیبرپور میں نامعلوم ملزمان نے صحافی کو قتل کردیا