ریلوے ورکشاپ پریم یونین کے زونل سیکرٹری کی ریٹائرمنٹ پر تقریب
اشاعت کی تاریخ: 27th, January 2025 GMT
پاکستان ریلوے ویگن اینڈ کیرج ورکشاپ حیدرآباد پریم یونین کے سیکرٹری شاہد خان کی ریٹائرمنٹ کے موقع پر نیشنل لیبر فیڈریشن سندھ کی جانب سے الوداعی تقریب کا انعقاد کیا گیا۔ یہ تقریب نیشنل لیبر فیڈریشن سندھ کے دفتر میں منعقد کی گئی۔ جس میں نیشنل لیبر فیڈریشن سندھ کے صدر شکیل احمد شیخ، حیدرآباد زون کے سینئرنائب صدر مبین احمد راجپوت، سیکرٹری اعجاز حسین، انفارمیشن سیکرٹری محمد احسن شیخ، پریم یونین ورکشاپ کے زونل صدر قاضی عقیل سابق صدر نصیر الدین ناصر، عبد المالک اور دیگر بھی موجود تھے۔ اس موقع پر شاہد خان کو پھولوں کے ہار پہنائے گئے اور ان کی ورکشاپ اور پریم یونین کے لیے خدمات کا اعتراف کرتے ہوئے ان کے جذبہ کو خراج تحسین پیش کیا گیا۔ تقریب سے خطاب کرتے ہوئے نیشنل لیبر فیڈریشن سندھ کے صدر شکیل احمد شیخ نے کہا کہ یہ دن ہمارے لیے مسرت اور دکھ کا امتزاج ہے کہ آپ کی محنت اور جدو جہد سے ورکشاپ میں بے پناہ کام ہوا اور پریم یونین ورکشاپ کو بہتر کرنے اور کام کرنے میں آپ نے جو دن رات ایک کیا یہ موجودہ ذمہ داران کے لیے ایک روشن مثال ہے۔ ریلوے ورکشاپ میں پریم یونین نے عہدیداران کا جس طرح ریٹائرمنٹ کا پروگرام منعقد کیا و ہ بھی قابل تحسین ہیں، یہ پریم یونین کا خاصہ ہے کہ وہ اپنے ذمہ داران کو ہمیشہ قدر کی نگاہ سے دیکھتی ہے کیونکہ ان کی عمر کا ایک حصہ محکمہ اور یونین کے امور انجام دینے میں صرف ہوتا ہے۔ اس موقع پر شکیل احمد شیخ نے شاہد خان سے گزارش کی کہ وہ ریلوے ورکشاپ پریم یونین کی خدمات کو جاری رکھیں اور اس کے لیے نیشنل لیبر فیڈریشن کا دفتر موجود ہے اس کے علاوہ دیگر قائدین اور پریم یونین کے عہدیداران ٹریڈ یونین کی سرگرمیوں کے لیے اور ملازمین کے مسائل کے حل کے سلسلے میں فیڈریشن کے دفتر میں اپنے امور انجام دے سکتے ہیں۔ اس کے علاوہ تقریب سے ریلوے ورکشاپ یونین کے زونل عہدیداران اور NLF حیدر آباد زون کے ذمہ داران نے بھی اظہار خیال کیا اور شاہد خان کی خدمات کو زبر دست خراج تحسین پیش کیا ۔
.ذریعہ: Jasarat News
کلیدی لفظ: نیشنل لیبر فیڈریشن سندھ پریم یونین کے شاہد خان کے لیے
پڑھیں:
ایران نے نیشنل آرٹیفیشل انٹیلیجنس پارک کی تعمیر کا اعلان کر دیا
ایرانی صدر کے معاون برائے سائنس و ٹیکنالوجی مجتبی علی زادہ نے تہران میں اے آئی ٹیکنالوجی سے لیس قومی پارک کے آغاز کا اعلان کرتے ہوئے کہا کہ ہمیں امید ہے کہ یہ منصوبہ آئندہ دو سالوں میں مکمل طور پر فعال ہو جائے گا۔ اسلام ٹائمز اسلامی جمہوریہ ایران نے تیز رفتار انفراسٹرکچر سے لیس نیشنل آرٹیفیشل انٹیلیجنس پارک کی تعمیر کا اعلان کیا ہے۔ ایرانی صدر کے معاون برائے سائنس و ٹیکنالوجی مجتبی علی زادہ نے تہران میں اے آئی ٹیکنالوجی سے لیس قومی پارک کے آغاز کا اعلان کرتے ہوئے کہا کہ ہمیں امید ہے کہ یہ منصوبہ آئندہ دو سالوں میں مکمل طور پر فعال ہو جائے گا۔ مہر خبررساں ادارے کو انٹرویو دیتے ہوئے ایرانی صدر کے معاون برائے سائنس و ٹیکنالوجی مجتبی علی زادہ نے تہران میں اعلی مصنوعی ذہانت سے آراستہ قومی پارک کے آغاز کا اعلان کیا۔ انہوں نے کہا کہ تہران کے علاقے عباس آباد میں "قومی مصنوعی ذہانت پارک" کے قیام کے لئے مفاہمت طے پائی ہے، یہ منصوبہ ایک جامع انفراسٹریکچر کے ساتھ قلیل مدت میں یایہ تکمیل کو پہنچے گا۔ علی زادہ نے مزید کہا کہ نیشنل آرٹیفیشل انٹیلی جنس پارک کے آغاز کا مقصد ایران کے مستقبل کی تکنیکی صلاحیتوں کو ظاہر کرنا اور عوام کو اے آئی سمارٹ ٹیکنالوجی کی خدمات فراہم کرنا ہے۔ انہوں نے کہا کہ ان خدمات میں مختلف شعبوں جیسے انٹرنیٹ آف تھنگز (IoT) اور ڈیمو ورژن شامل ہیں۔ انہوں نے مصنوعی ذہانت کے شعبے میں کام کرنے والی تمام کمپنیوں کو اس نیشنل پارک میں حصہ لینے کی دعوت دیتے ہوئے کہا کہ اس کام کی شرط دنیا میں مصنوعی ذہانت کے پارکوں کا تقابلی مطالعہ کرنا ہے جسے ہم اس وقت مکمل کر رہے ہیں۔ علی زادہ نے کہا کہ ہمیں امید ہے کہ یہ منصوبہ اگلے دو سالوں میں مکمل طور پر فعال ہو جائے گا اور اس سے نہ صرف عباس آباد کی تاریخی سیاحت میں اضافہ ہو گا بلکہ یہ ہماری عصری تاریخ میں بھی غیر معمولی اہمیت کا حامل ہو گا۔
لاہور: طالبہ سے مبینہ اجتماعی زیادتی و ویڈیو بنانے کا مرکزی ملزم گرفتار