یونائیٹڈ مائنگ کارپوریشن کا حادثہ اور ریسکیو آپریشن
اشاعت کی تاریخ: 27th, January 2025 GMT
عمر حیات
یونائیٹڈ مائنگ کارپوریشن (UMC) میں گزشتہ دنوں 16جنوری بروز جمعرات کو شام 5بجے کے قریب ایک مائن میں میتھین گیس کی وجہ سے دھماکہ ہوا۔ دھماکہ اس قدر شدید اور زور دار تھا کہ اس کی گونج سات آٹھ کلو میٹر دور تک سنی گئی اور اس کے اثرات بھی محسوس کیے گئے۔دھماکہ کی اطلاع ملتے ہی نیشنل لیبر فیڈریشن کے جنرل سیکرٹری عمرحیات کی قیادت میں این ایل ایف کی ایک ٹیم جس میں خدادائیدخان ،عبدالستار،محمد اسحاق ،محمد رحیم ،محمدریاض،شبیر زمان ودیگر ذمہ داران شامل تھے جائے واقع پر پہنچ گئے۔ جہاں اپنی مدد آپ کے تحت این ایل ایف نے ریسکیو آپریشن شروع کردیا۔حادثہ والی کان کا منہ پچاس سے ستر فٹ تک مکمل طور پر بیٹھ چکا تھا۔ پروفیشنل ڈیزاز سٹرمینجمنٹ اتھارٹی کا عملہ مائنز انسپکٹر رشید ابڑوکے ہمراہ جائے واقع پر پہنچ چکا تھا۔چونکہ حادثہ شدید تھا اور جدید مشینری کی فوری ضرورت تھی اس لیے فوری طور پر این ایل ایف بلوچستان کے جنرل سیکرٹری عمر حیات نیوفاقی سیکرٹری ایچ آر ڈی ڈاکٹر ارشد محمود ، 12کور،چیف سیکرٹری بلوچستان، کمشنر کوئٹہ اور کو کمانڈر کو حادثے کی اطلاع دی۔ جس کے بعد رات تقریباً 11بجے پی ڈی ایم ڈی کے رضا کار بھی جائے واقع پر پہنچ گئے اور دو ایکسویٹر مشین اور ایک بلڈوزر بھی کوئٹہ سے منگوائی گئی۔ ہیوی مشین ہونے کی وجہ 55کلو میٹر کا سفر طے کر کے رات 4بجے کے قریب جائے واقع پر پہنچی جس کے بعد ریسکیو آپریشن اور زیادہ تیزی کے ساتھ شروع ہوااور صبح 9بجے تک کان کا منہ کھول دیا گیا۔ اس کے بعد اس کان کے ساتھ والی کان میں ریسکیو کرنے کے لیے لوگ اتر گئے۔جنہوں نے سخت محنت اور مشقت کے بعد 24 فٹ نیچے 4 شہید مزدوروں تک رسائی حاصل کی اور جمعہ کو دن
12بجے پہلی ڈیڈ باڈی نکالی۔ اس کے بعد 3بجے تک مزید 3 لاشیں نکال لی گئی۔ کان کی گہرائی بہت زیادہ تھی لہٰذا ریسکیو آپریشن دن رات جاری رکھا گیا اور اتوار کے دن 7مزدوروں کی ڈیڈباڈیز کو ریسکیو کیا گیا جو کہ آخری ڈیڈ باڈی تھی۔ان میں ایک ڈرائیور امان اللہ ساکن شانگلہ کی ڈیڈ باڈی تھی، یہ باڈی منگل کے روز صبح 9بجے شانگلہ روانہ کی گئی۔اس آپریشن میں محکمہ پی ڈی ایم اے محکمہ ایئر سیکرٹریٹ آف مائنز، کمشنر کوئٹہ، ڈیگاری کول کمپنی، پی ایم ڈی سی کے انجینئر، سیورینج، حبیب اللہ کول کمپنی، گیلانی کول کمپنی، میر قادر بخش کول کمپنی اور این ایل ایف بلوچستان کے جنرل سیکرٹری عمرحیات اپنے ذمہ داران کے ہمراہ آخری وقت تک موقع پر موجود رہے اور ریسکیو آپریشن میں بڑھ چڑھ کرحصہ لیا۔جس کی بدولت مزدوروں کی سیکورٹی اور ریسکیو آپریشن میں تیزی اور آسانی پیدا ہوئی۔ این ایل ایف کی جانب سے محنت کشوں کے لیے کھانے اور چائے کا انتظام کیا گیا تھا اور آخری دن تک این ایل ایف کی جانب سے متاثرین کی خدمت کی گئی۔ جس کو مقامی لوگوں اور محنت کشوں نے بڑی تحسین پیش کی۔ اس طرح کے بڑھتے ہوئے حادثات کے پیش نظر ضرورت اس امر کی ہے کہ مائنز کے متعلقہ محکمے کو جدید ترین آلات سے لیس کیا جائے اور ریسکیو آپریشن میں حصہ لینے والے مزدوروں کو ان کے جائز حقوق، معاوضے ادا کیے جائیں اور سیفٹی آلات مہیا کیے جائیں۔ مائنز میں ہونے والے حادثات کے پیش نظر مائنز کارکنان کی انشورنس کی جائے اور ہلاک وزخمی ہونے والے محنت کشوں کو مناسب معاوضہ بھی ادا کیا جائے۔
ذریعہ: Jasarat News
کلیدی لفظ: اور ریسکیو ا پریشن جائے واقع پر ایل ایف کول کمپنی کے بعد
پڑھیں:
لیبیا میں کشتی حادثہ؛ 11 تارکین وطن جاں بحق، 4 پاکستانیوں کی تصدیق
اسلام آباد: لیبیا کے مشرقی شہر سرت کے ساحل حراوہ کے قریب تارکین وطن کی کشتی کو پیش آنے والے حادثے میں کم از کم 11 افراد جاں بحق ہوگئے ہیں جن میں سے 4 پاکستانی شہریوں کی شناخت ہوچکی ہے۔
ترجمان دفتر خارجہ کے مطابق طرابلس میں قائم پاکستانی مشن نے کشتی ڈوبنے کی تصدیق کرتے ہوئے بتایا ہے کہ پاکستانی سفارتخانے کی ٹیم نے سرت شہر کا دورہ بھی کیا ہے۔دفتر خارجہ نے بتایا ہے کہ سرت میں پاکستانی سفارتخانے نے 11 تارکین وطن کی لاشیں وصول کی ہیں جن میں سے چار افراد کی شناخت قومی دستاویزات کے ذریعے پاکستانی شہریوں کے طور پر کی گئی ہے۔ دو لاشوں کی شناخت تاحال ممکن نہیں ہوسکی۔ترجمان دفتر خارجہ نے مزید بتایا کہ جاں بحق پاکستانی شہریوں کی شناخت زاہد محمود ولد لیاقت علی، تعلق گوجرانوالہ اور سمیر علی ولد راجہ عبدالغفار، تعلق منڈی بہاؤالدین سے ہوئی ہے۔ترجمان کے مطابق سید علی حسین ولد شفقت الحسین، تعلق منڈی بہاؤالدین اور آصف علی ولد نذرمحمد، تعلق منڈی بہاؤالدین بھی جاں بحق ہونے والوں میں شامل ہیں۔دفتر خارجہ کا کہنا ہے کہ وزارت خارجہ کا کرائسز مینجمنٹ یونٹ صورتِ حال کی مسلسل نگرانی کررہا ہے اور متاثرہ خاندانوں سے رابطے میں ہے جب کہ مزید شناخت اور لاشوں کی منتقلی کے لیے ضروری اقدامات کیے جارہے ہیں۔ترجمان نے اس افسوسناک واقعے پر گہرے دکھ اور افسوس کا اظہار کرتے ہوئے یقین دہانی کرائی کہ حکومت متاثرہ خاندانوں کی ہر ممکن معاونت کرے گی۔
یو اے ای کا ایک لاکھ پاکستانیوں کو پانچ سال کیلئے ویزہ دینے کا اعلان