مودی کس منہ سے بھارت کا یوم جمہوریہ منارہے ہیں‘سردار عتیق احمد خان
اشاعت کی تاریخ: 27th, January 2025 GMT
مظفرآباد(صباح نیوز)آل جموں وکشمیرمسلم کانفرنس کے صدر وسابق وزیراعظم سردار عتیق احمدخان نے کہا کہ
کشمیریوں کے حق خورادایت چھیننے والے بھارت کو یوم جمہوریہ منانے کی کوئی ضرورت نہیں۔بھارت ایک غاصب،جابر اور قاتل سٹیٹ ہے جس میں مسلمانوں ،سکھوں،عیسائیوں اور دیگرمذاہب سمیت نچلی ذات کے کروڑوں عوام پر زندگی تنگ کررکھی ہے۔مودی کوشرم آنی چاہیے کہ وہ کس منہ سے آج بھارت کا یوم جمہوریہ منارہے ہیں۔ان خیالات کااظہارانہوں نے سیکرٹری جنرل پاکستان مسلم لیگ (ن) آزادکشمیر چوہدری طارق فاروق ،مرزا محمد جاوید، سردارامتیاز عباسی،راجہ طارق،عباس عباسی، شان عباسی ،سردار تجمل عباسی، سردار ناظم عباسی، ڈاکٹر مسعود انور، سردار سجاد سلیم، سردار احسان، سردار محمود، عبدالغفار عباسی اور دیگر سے گفتگو کرتے ہوئے کیا۔انہوں نے کہا کہ آزادکشمیر کامیڈیا بھارت کے مظالم کو بے نقاب کررہا ہے۔قومی اور بین الاقوامی میڈیا پر بھی اس کی آواز پہنچی چاہیے تاکہ دنیا کو پتا چلے کہ اس بھارت میں دنیا کی سب سے بڑی جمہوریت اور سیکیولر ازم کاجھنڈا تھام رکھا ہے اس کے جھنڈے تلے خون ہی خون ہے اور یہ خون ناحق ہے ۔بھارت نے1947سے لے کراب تک ساڑھے 6لاکھ کشمیریوں کوشہید کیا۔صرف یہی نہیں گجرات،احمد آباد،آسام سمیت ان تمام ریاستوں مین جہاں پر ہندئوں ،سکھوں ،مسلمانوں،دلتوں اور دیگر ذاتی اور قوموں کے افراد نے اپنے حقوق کی بات کی تو انہیں قتل عام کیا۔مسلمانوں کی عظیم تاریخی عبادت گاہ بابری مسجد شہیدکرکے رام مندر تعمیرکیا۔سکھوں کے گولڈن ٹیمپل پرحملے کر سکھوں کو بے دردی سے قتل کیا۔صرف یہی نہیں بلکہ کینڈا میں بھی سکھوں کو قتل کیاجارہا ہے ۔دنیا کے ہرملک میں بھارت دہشت گردی کررہا ہے۔ پاکستان میں دہشت گردی کاذمہ بھارت ہے اور ہمسایہ ملکوں کو اس میں ملوث کرکے پاکستان اور ایران ،افغانستان کے ساتھ تعلقات خراب کروانا چاہتا ہے تاہم اس کی یہ سازش کامیاب نہیں ہوگی۔
سردار عتیق احمد خان
ذریعہ: Jasarat News
پڑھیں:
سندھ کے پانی کے پر ڈاکا ڈالنے نہیں دیں گے،لوگ اپنے حق کیلئے نکلیں، آفاق احمد
کراچی:مہاجر قومی موومنٹ کے چیئرمین آفاق احمد نے کہاہے کہ گزشتہ رات نارتھ کراچی میں واقعہ رونما ہوا، 12 اپریل کو لوگوں کو درخواست کی ہے کہ اپنے حق کے لیے نکلیں، میں نے نا انصافیوں کےخلاف شہریوں کو اپیل کی تھی۔
پریس کانفرنس کرتے ہوئے آفاق احمدنے کہا کہ میں نے سیاسی و مذہبی جماعتوں کو احتجاج کی دعوت دی، حکومت کی نااہلی کی وجہ سے پرامن احتجاج کر رہے ہیں۔
انہوں نے کہا کہ صرف ٹریفک حادثات ہی نہیں بلکہ اور بھی نا انصافیاں ہوئی ہیں، تعلیم کے معیار کو بھیانک بنا دیا گیا۔ یہاں پورا سینٹر تبدیل کردیا جاتا ہے، نتائج بدل دیئے جاتے ہیں، یہاں کا طالب علم کس اذیت سے گزر رہا ہے اس کا جوابدہ کون ہے۔
مہاجر قومی موومنٹ کے چیئرمین نے کہا کہ ہمارا جو احتجاج ہے یہ بد عنوانیوں کے خلاف ہے، ہم حکومت کی زیادتیوں کے خلاف احتجاج کر رہے ہیں، پرامن طریقے سے 12 اپریل کو سفید پرچم لے کرنکلیں، میں دوبارہ کہہ رہا ہوں یہ احتجاج پر امن ہے، کسی کو شر انگیزی پھیلانے کی اجازت نہیں ہوگی۔
انھوں نے کہ کراچی میں ہر رنگ و نسل کے لوگ موجود ہیں، کراچی کے لوگوں کے ساتھ ناانصافی کی جا رہی ہے، ہیوی ٹریفک کیلئے آواز اٹھائی تو مجھ پرالزامات لگائے گئے، میرے اوپر الزام لگایا مہاجر اور پختونوں کو لڑوا رہا ہے۔
آفاق احمد کا مزید کہنا تھا کہ ہم صوبے کے پانی کے پر ڈاکا ڈالنے نہیں دیں گے، میں نے تمام لوگوں کو جمع کرنے کی کوشش کی تو مجھے مجرم قرار دے دیا گیا۔
ترجمان سندھ حکومت کا مریم اورنگزیب کے بیان پر ردعمل