مخالفین کی تمام تر سازشیں ناکام ہو چکیں ‘ رانا مشہود
اشاعت کی تاریخ: 27th, January 2025 GMT
لاہور: چیئرمین وزیراعظم یوتھ پروگرام رانا مشہوداحمد خان میڈیا سے گفتگو کررہے ہیں
لاہور(صباح نیوز) چیئرمین وزیر اعظم یوتھ پروگرام رانا مشہود احمد خان نے کہا ہے کہ ملک ترقی کی راہ پر گامزن ہو چکا ہے،مخالفین کی ترقی کا سفر روکنے کی تمام تر سازشیں ناکام ہو چکی ہیں ،معاشی ترقی کے لیے کوششوں کے ثمرات سامنے آ رہے ہیں،ترکیہ کے صدر جلدپاکستان کا دورہ کریں گے،آئندہ بجٹ میں عوام کو مزید خوشخبریاں دیں گے۔ان خیالات کا اظہار
انہوں نے اتوار کے روز گلشن راوی میں تقریب سے خطاب کرتے ہوئے کیا۔ انہوں نے کہاکہ وزیر اعظم محمد شہباز شریف کی مدبررانہ قیادت اور حکومت کی مثبت پالیسیوں کی بدولت ملک ترقی کی راہ پر گامزن ہو چکا ہے،پاکستان میں بیرونی سرمایہ کاری آرہی ہے اور تمام تر معاشی اشارئیے مثبت ،سٹاک مارکیٹ نے نئے ریکارڈ قائم کئے ہیں ،اڑان پاکستان پروگرام ملکی ترقی میں کلیدی کردار ادا کرے گا۔ وزیر اعظم ملک کو بحرانوں سے نکالنے کے لیے دن رات کوشاں ہیں ۔ انہوں نے کہا کہ حکومت معاشی استحکام کے ساتھ ساتھ عوام کو بنیادی سہولیات کی فراہمی کے لیے بھی تمام وسائل بروئے کا ر لارہی ہے جس سے عام آدمی کا معیار زندگی بلند ہو رہا ہے۔رانا مشہود احمد خان نے کہا کہ مسلم لیگ (ن)نے ہمیشہ ملک کو بحرانوں سے نکال کر ترقی اور خوشحالی کے راستے پر گامزن کرنے میں کامیاب ہوئی ہے اور اب بھی مہنگائی پر قابو پانے کے لیے کوششیں جاری ہیں ،جس کے اثرات عام آدمی تک پہنچنا شروع ہو چکے ہیں ،مسلم لیگ (ن)جب بھی اقتدار میں آتی ہے ،ملک بھر میں ترقیاتی منصوبے شروع ہو جاتے ہیں جو پارٹی قیادت کی عوام دوستی اور ملکی تعمیر و ترقی کی ضامن ہونے کا واضح ثبوت ہے۔ انہوں نے کہا کہ سابق دور حکومت میں ایک ٹولے نے پاکستان کی نظریاتی اساس پر حملے کئے ، پاکستان کو شام ایران بنانے ،قومی اداروں کو مفلوج کرنے ،امریکہ میں پاکستان کے خلاف قرار دادیں پاس کروانے کی کوشش کی،آئی ایم ایف سے ڈیل کو ناکام کرنے کی کوشش کی،آئی ایم ایف کے باہر احتجاج کیا گیا،سول نافرمانی اور ملک میں دنگا فساد کروانے کی کوشش کی گئی،ملک کو ناقابل تلافی نقصان پہنچایا اور ملکی معیشت کا جنازہ نکال کر رکھ دیا،دوست ممالک ناراض ہو گئے ،بیرون سرمایہ کاری رک گئی ،ملک دیوالہ ہونے کے قریب چلا گیا ،ہم نے اپنی سیاست کی پروا کئے بغیر ملک کو دیوالیہ ہونے سے بچایا اوران کی تمام سازشیں ناکام ہو گئیں ۔انہوں نے کہاکہ حکومت تجارت اور سرمایہ کاری میں اضافے کی پالیسیوں پر عمل پیرا ہے ،عالمی سطح پر پاکستان کے وقار میں اضافہ ہوا،جلد ترکی کے صدر پاکستان کا دورہ کریں گے، حکومت ماضی کی طرح قرض نہیں لے رہی بلکہ سرمایہ کاری کو ترجیح دے رہی ہے۔ پبلک اور پرائیویٹ سیکٹر بیرونی ممالک سرمایہ کاری کر رہے ہیں جس سے ملک میں مزید سرمایہ اور خوشحالی آئے گی۔ چیئرمین وزیر اعظم یوتھ پروگرام نے کہا کہ قائد محمد نواز شریف کے ویژن کے مطابق وزیر اعظم دن رات محنت کر کے پاکستان کی مخالف قوتوں کو ایک ہی جواب دے رہے ہیں کہ پاکستان کی ترقی کو اب کوئی نہیں روک سکتا۔،پاکستان کے خلاف سازش کرنے والوں کا اب کوئی والی وارث نہیں ہے۔انہوں نے کہا کہ ہمارا ہدف اس ملک کو اور عوام کو خوشحال بنانا ہے ،آئندہ بجٹ میں عوام کو مزید سہولیات فراہم کی جائیں گی۔سزائوں کے حوالے سے پوچھے گئے ایک سوال کے جواب میں انہوں نے کہا کہ عدالتیں میرٹ اور آئین کی بنیاد پر فیصلے دے رہی ہیں،اپوزیشن کو اگر کسی فیصلے پر اعتراض ہے تو عدالت سے رجوع کرنا چاہیے ۔ رانا مشہود نے دکھی انسانیت کی خدمت کے حوالے سے ریسکیو1122کے کردار کو خراج تحسین پیش کرتے ہوئے کہا کہ وزیر اعلی پنجاب کی رہنمائی میں ڈی جی ریسکیو ڈاکٹر رضوان نصیر نے کیپسٹی بلڈنگ کر کے اس ادارے کوعالمی معیار کا ادارا ہ بنا دیا ہے جو دنیا بھر میں اپنی خدمات سر انجام دے رہا ہے۔
ذریعہ: Jasarat News
کلیدی لفظ: انہوں نے کہا کہ سرمایہ کاری رانا مشہود عوام کو کے لیے ملک کو
پڑھیں:
محسن نقوی کی امریکی کمپنیوں کو ملک میں سرمایہ کاری کی دعوت
وفاقی وزیر داخلہ محسن نقوی نے امریکی سرمایہ کاروں کو پاکستان میں سرمایہ کاری کی دعوت دیتے ہوئے کہا ہے کہ پاکستان امریکی کمپنیوں کو سرمایہ کاری کے پرکشش مواقع فراہم کرتا ہے۔
یہ بات انہوں نے امریکا میں یو ایس چیمبر آف کامرس کے دورے کے دوران امریکن پاکستان بزنس کونسل کے ایک اعلیٰ سطح کے وفد سے ملاقات کے دوران کہی۔
یہ بھی پڑھیں: ڈونلڈ ٹرمپ کا خطاب حوصلہ افزا، پاک امریکا تعلقات کو نئی جہت ملے گی، محسن نقوی
وزیر داخلہ محسن نقوی نے وفد کے ساتھ پاکستان میں کان کنی اور انفارمیشن ٹیکنالوجی کے شعبوں میں بڑھتی ہوئی سرمایہ کاری اور تعاون پر تفصیلی گفتگو کی۔ انہوں نے امریکی سرمایہ کاروں کو بھی پاکستان کی کان کنی اور آئی ٹی شعبوں میں سرمایہ کاری کی دعوت دی۔
ملاقات کے دوران، وزیر داخلہ محسن نقوی کو پاکستان میں کام کرنے والی امریکی کمپنیوں کو درپیش مسائل کے بارے میں آگاہ کیا گیا۔ محسن نقوی نے کمپنیوں کے نمائندوں کو یقین دلایا کہ ان کے خدشات ترجیحی بنیادوں پر حل کیے جائیں گے۔
یہ بھی پڑھیں: پاکستانی معیشت کی بحالی دیکھ کر خوشی ہوئی، چینی سفیر جیانگ ژی ڈونگ
انہوں نے مزید کہا کہ امریکن پاکستان بزنس کونسل پاکستان میں دستیاب سرمایہ کاری کے بے پناہ مواقع سے فائدہ اٹھا سکتی ہے۔ انہوں نے اس بات پر زور دیا کہ پاکستان معاشی استحکام کی طرف گامزن ہے، تمام معاشی اشاریوں میں بہتری آئی ہے اور معیشت بلندی کی طرف گامزن ہے۔
انہوں نے پاکستان میں سرمایہ کاری کے لیے امریکی پاکستان بزنس کونسل کو بھی ایک دعوت نامہ پیش کیا اور کہا کہ پاکستان امریکی کمپنیوں کو پرکشش سرمایہ کاری کے مواقع پیش کرتا ہے۔ انہوں نے بتایا کہ حکومت نے سرمایہ کاری کے لیے ضروری این او سیز کے اجرا کو ہموار کیا ہے۔ انہوں نے امریکن بزنس کونسل کو ترجیحی بنیادوں پر خصوصی سہولیات فراہم کرنے کا بھی یقین دلایا۔
یہ بھی پڑھیں: ملکی معیشت کا پہیہ جام کرنے کا نعرہ لگانے والوں کے دعوے دھرے رہ گئے، وزیراعظم شہباز شریف
اس وفد میں امریکی چیمبر آف کامرس کے سینئر نائب صدر چارلس فری مین، یو ایس پاکستان بزنس کونسل کی ایگزیکٹو ڈائریکٹر اور صدر ایسپرانزا جیلالیان، کے صدر، سینٹر فار گلوبل ریگولیٹری کوآپریشن کے ایگزیکٹو ڈائریکٹر ایبل ٹوآر اور یو ایس پاکستان بزنس کونسل کی مینیجر منیشا ویپا شامل تھے۔ ملاقات کے موقع پر امریکا میں پاکستان کے سفیر رضوان سعید شیخ، پاکستانی تجارتی اتاشی اور دیگر عہدیدار بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا بزنس کونسل پاک امریکا پاکستان دعوت دورہ سرمایہ کاری معیشت ملاقات مواقع وزیر داخلہ محسن نقوی
سی ایم جی کی جانب سے اسپرنگ فیسٹیول گالا پروموشنل ویڈیو پاکستان میں کئی جگہوں پر ڈیبیو