منڈی میں 2 روپے کلو قیمت لگنے پر 50 من گوبھی مفت تقسیم
اشاعت کی تاریخ: 27th, January 2025 GMT
NAROWAL:
نارووال کی سبزی منڈی میں آڑھتی کی جانب سے گوبھی کی قیمت دو روپے سے 5روپے فی کلو لگانے پر کسان نے 50 من گوبھی مفت میں تقسیم کردی۔
نارووال کے نواحی موضع صادق آباد میں کسان نے 50 من کے قریب پھول گوبھی لے کر سبزی منڈی پہنچا تو کئی آڑھتوں کے چکر کاٹنے پر بھی اسے 2 روپے فی کلو سے 5 روپے فی کلو سے زیادہ بولی نہ لگی۔
کسان نے دلبرداشتہ ہوکر منڈی میں گوبھی مفت تقسیم کردی، سبزی منڈی آئے شہری تھیلے بھر کر مفت میں گوبھی لے گئے ۔
کسان نے کہا کہ 40 ہزار روپے فی ایکڑ ہمارا خرچہ آتا ہے ، دو روپے فی کلو سے ہمارا منڈی تک آنے کا خرچہ نہیں نکلتا ، ہم بچوں کی فیس ادا نہیں کر پا رہے ۔
.ذریعہ: Express News
کلیدی لفظ: روپے فی کلو
پڑھیں:
بجلی کی قیمت میں 7 روپے 41 پیسے کمی کا اطلاق کب سے ہوگا؟ بڑی خبر آ گئی
اسلام آباد(نیوز ڈیسک)وزیراعظم شہباز شریف کی جانب سے بجلی کی قیمت میں فی یونٹ 7 روپے 41 پیسے کمی کے اعلان پر اطلاق کب سے ہوگا؟ بڑی خبر سامنے آ گئی ہے۔
نجی ٹی وی کے مطابق وزیر توانائی اویس لغاری نے وزیر ریلوے حنیف عباسی کے ہمراہ ڈیرہ غازی خان میں موسیٰ پاک ایکسپریس شٹل ٹرین کا افتتاح کیا۔ اس موقع پر وزیر توانائی نے میڈیا سے بھی گفتگو کی۔
وزیر توانائی اویس لغاری نے عوام کو خوشخبری سنائی کہ وزیراعظم نے گزشتہ دنوں بجلی کی قیمت میں 7 روپے 41 پیسے کمی کا اعلان کیا تھا۔ اس کا اطلاق اپریل سے ہوگا اور بجلی کی قیمت میں صارفین کو یہ ریلیف ملے گا۔ جب کہ جلد ہی عوام کو مزید اچھی خبریں بھی سنائیں گے۔
اویس لغاری نے بتایا کہ ایک سال میں جواچیومنٹ کیں وہ پہلےکبھی نہیں کی گئیں۔ پاکستان کے سیٹھوں سے 3400 ارب وصول کیے۔ رشتہ داری، جان پہچان کی پروا کیے بغیر عوام کے فائدے کیلیے میرٹ پر فیصلے کیے اور بجلی کے کارخانوں میں منافع کمانے والوں کو راہ راست پر لے کر آئے۔
ان کا کہنا تھا کہ جب حکومت میں آئے تو معاشی حالات بہتر نہیں تھے۔ ہمارے اخراجات آمدن سے زیادہ تھے، بجلی کی قیمتیں زیادہ تھیں۔ مہنگائی 38 فیصد پر تھی اور پاکستانی شہری مہگائی کی وجہ سے بہت پریشان تھے۔
وزیر توانائی نے کہا معاشی مسائل سے نمٹنے کیلیے مشکل فیصلےکیے۔ ہم وقت کے ساتھ ساتھ معاشی بہتری لائے اور ایک سال کے اندر حکومت نے اپنے گھر کو صحیح کیا۔ رائٹ سائزنگ پالیسی پر عملدرآمد سے زائد اخراجات کو کم کر رہے ہیں۔
اویس لغاری نے ٹرین کی بحالی پر وزیر ریلوے حنیف عباسی کا شکریہ ادا کرتے ہوئے کہا کہ پہلے یہ ریلوے اسٹیشن قبرستان کا منظر پیش کر رہا تھا۔ عوام کی سہولت کے لیے اس شٹل کو شروع کیا ہے۔
مزیدپڑھیں:فی لیٹر پیٹرول پر کتنے ٹیکسز عائد ہیں؟ ہوشربا انکشاف
پارٹی رہنماوں کے ایک دوسرے پر الزامات، عمران خان نے وارننگ دیدی