بغداد، عراقی وزیراعظم سے ھاکان فیدان کی ملاقات
اشاعت کی تاریخ: 26th, January 2025 GMT
تُرک وزیر خارجہ سے اپنی ایک ملاقات میں عبداللطیف جمال رشید کا کہنا تھا کہ عراق، احترام و برابری کی بنیاد پر ترکیہ کے ساتھ بہتر تعلقات کا خواہاں ہے۔ اسلام ٹائمز۔ عراقی وزارت عظمیٰ کے دفتر نے ایک بیان میں اعلان کیا کہ آج بغداد میں وزیراعظم "محمد شیاع السوڈانی" سے تُرک وزیر خارجہ "ھاکان فیدان" نے ملاقات کی۔ جس میں دوطرفہ و علاقائی مسائل بالخصوص شام، لبنان اور غزہ کی صورت حال کا جائزہ لیا گیا۔ دونوں رہنماوں نے کہا کہ غزہ کی پٹی میں حماس و اسرائیل دونوں فریقین کو جنگ بندی کے معاہدے کی پاسداری کرنے کی ضرورت ہے۔ انہوں نے خطے میں استحکام کے لئے علاقائی ممالک میں اتحاد پر زور دیا۔ واضح رہے کہ آج عراقی میڈیا نے اس ملک کے وزیراعظم اور صدر سے ترکیہ کے وزیر خارجہ کی ملاقات کی خبر دی۔ تفصیلات کے مطابق، عراقی صدر "عبداللطیف جمال رشید" نے ھاکان فیدان سے بغداد پیلس میں ملاقات کی۔
اس موقع پر عراقی صدر نے اپنے ملک کو متاثر کرنے والی غیر ملکی مداخلت کی مذمت کی۔ انہوں نے عراق کی حاکمیت، سلامتی و خودمختاری پر زور دیا۔ عبداللطیف جمال رشید نے کہا کہ عراق، احترام و برابری کی بنیاد پر ترکیہ کے ساتھ بہتر تعلقات کا خواہاں ہے۔ اس کے علاوہ انہوں نے کہا کہ عراق، شام کو ایک جنگی محاذ میں تبدیل ہونے کا مخالف ہے۔ یاد رہے کہ آج صبح ھاکان فیدان باضابطہ طور بغداد پہنچے۔ جہاں انہوں نے سب سے پہلے اپنے عراقی ہم منصب "فواد حسین" سے ملاقات اور علاقائی مسائل پر مشاورت کی۔ بغداد میں ہونے والی اس ملاقات میں دونوں وزرائے خارجہ نے دوطرفہ تعلقات، انسداد دہشت گردی اور علاقائی تبدیلیوں پر تبادلہ خیال کیا۔
ذریعہ: Islam Times
کلیدی لفظ: انہوں نے
پڑھیں:
پاکستان اور بنگلہ دیش کے مابین براہ راست پروازوں کی بحالی کا امکان
اسلام آباد (اُردو پوائنٹ ۔ DW اردو۔ 27 جنوری 2025ء) پاکستانی نیوز ویب سائٹ دی ایکسپریس ٹربیون کے مطابق پاکستان میں بنگلہ دیش کے ہائی کمشنر محمد اقبال حسین نے دونوں ممالک کے درمیان براہ راست فضائی سروسز شروع کرنے کے ارادے کا اعلان کیا ہے۔ انہوں نے 26 جنوری کے روز پشاور میں ایک پریس کانفرنس سے خطاب کے دوران یہ اعلان کیا۔
محمد اقبال حسین نے دونوں ممالک کے درمیان گہرے اور تاریخی تعلقات پر زور دیتے ہوئے سفر اور رابطے کی سہولت کے لیے براہ راست پروازیں شروع کرنے کے ارادے کا اعلان کیا۔
پاکستان اور بنگلہ دیش کے مابین فوجی تعاون پر بھارت کو گہری تشویش
انہوں نے کہا کہ اس طرح کے اقدام سے بنگلہ دیش اور پاکستان کے درمیان سیاحت، تعلیم اور تجارت سمیت مختلف شعبوں میں تعاون میں اضافہ ہو گا۔
(جاری ہے)
البتہ دونوں ملکوں کے درمیان براہ راست پروازوں کے لیے کسی ٹائم لائن کا اعلان نہیں کیا گیا ہے۔
دی ایکسپریس ٹربیون میں مزید بتایا گیا ہے کہ ہائی کمشنر نے بنگلہ دیش اور پاکستان کے درمیان بڑھتے ہوئے تجارتی اور سفارتی تعلقات پر بھی روشنی ڈالی اور کہا کہ یہ تعلقات اسی طرح مزید مضبوط ہوتے رہیں گے۔
بنگلہ دیشی کمانڈر کی پاکستانی بحریہ کے حکام سے ملاقات، دفاعی تعاون پر تبادلہ خیال
واضح رہے کہ گزشتہ نومبر کے وسط میں کراچی سے ایک کارگو جہاز بھی پہلی بار براہ راست بنگلہ دیش کی چٹاگانگ بندرگاہ پہنچا تھا۔ یہ سنگ میل بھی دونوں ممالک کے درمیان اقتصادی تعلقات میں ایک اہم قدم ہے، کیونکہ تجارت اور سامان کے تبادلے کے لیے جہاز رانی کا یہ ایک اہم اور زیادہ موثر راستہ ہے۔
بنگلہ دیشی مصنوعات کی مانگدی ایکسپریس ٹربیون کے مطابق محمد اقبال حسین نے بنگلہ دیش میں آزادی اظہار کے عزم پر زور دیا اور کہا کہ سوشل میڈیا نے نوجوان نسل کو اپنے حقوق کے لیے آواز اٹھانے کے لیے بااختیار بنایا ہے، جس سے ملک میں آزادی اظہار کی کا رجحان بڑھا ہے۔
انہوں نے خیبر پختونخوا میں سرمایہ کاری کے وسیع مواقع کی جانب نشاندہی کرتے ہوئے صحت اور صنعتی شعبوں کا خصوصی طور پر ذکر کیا اور کاروباری اداروں کو ان مواقعوں سے مستفید ہونے کی ترغیب بھی دی۔
بنگلہ دیش کے سینیئر آرمی جنرل کا پاکستان کا غیر معمولی دورہ
انہوں نے پاکستان میں بنگلہ دیشی مصنوعات کی مانگ کا بھی ذکر کیا۔
ہائی کمشنر نے بنگلہ دیش میں ہونے والے آئندہ انتخابات پر بھی بات کی اور کہا کہ ملک کی اقتصادی ترقی اہم ترجیح ہے۔
انہوں نے دفاعی شعبے میں پاکستان کی فضائیہ کی غیر معمولی صلاحیتوں کو بھی سراہا۔
بنگلہ دیش کی سابق وزیر اعظم شیخ حسینہ کی معزولی کے بعد سے محمد یونس کی قیادت والی عبوری حکومت نے پاکستان سے تعلقات بہتر کرنے کی کوشش کی ہے اور اب وہ اسلام آباد سے قریب سمجھا جاتا ہے۔ اس بات پر بھارت میں گہری تشویش پائی جاتی ہے۔
بنگلہ دیش، پاکستان کے مابین مفاہمت کے بھارت پر ممکنہ اثرات
جنوری کے وسط میں بنگلہ دیشی فوج کے سیکنڈ ان کمان لیفٹیننٹ جنرل قمر الحسن نے اپنے کئی سینیئر اہلکاروں کے ساتھ پاکستان کا دورہ بھی کیا تھا اور پاکستانی عسکری قیادت سے ملاقاتیں کی تھیں۔
پاکستانی بنگلہ دیشی قربت، جنوبی ایشیائی سیاست میں نیا موڑ
تجزیہ کاروں کے مطابق پاکستان اور بنگلہ دیش کے درمیان تعلقات شیخ حسینہ کے 15 سالہ دور حکومت میں تعطل کا شکار رہے۔ کہا جاتا ہے کہ انہوں نے مبینہ طور پر بار بار پاکستان کی طرف سے امن کی کوششوں کو مسترد کیا۔ لیکن ان کی اقتدار سے بے دخلی کے بعد سے دونوں ممالک کے تعلقات میں واضح بہتری آئی ہے۔
دونوں ملکوں نے باہمی تعلقات کو بحال کرنے کے لیے گزشتہ چند ماہ کے دوران قیادت کی سطح پر کئی ملاقاتیں کی ہیں۔
ص ز/ (نیوز ایجنسیاں)
جسٹس اعجاز سواتی نے قائم مقام چیف جسٹس بلوچستان کے عہدے کا حلف اٹھالیا