کراچی: فیڈرل بی ایریا میں ڈکیتی مزاحمت پر قتل کی ویڈیو سامنے آگئی
اشاعت کی تاریخ: 26th, January 2025 GMT
کراچی کے علاقے فیڈرل بی ایریا بلاک 15 میں ڈکیتی مزاحمت پر قتل کی ویڈیو سامنے آگئی۔
بلاک 15 میں ڈکیتی مزاحمت پر قتل شخص 3 بچوں کا باپ تھا، دہلیز پر معیز کی موت سے گھر میں کہرام مچ گیا۔
واردات کی سی سی ٹی وی فوٹیج بھی پولیس حکام نے حاصل کرلی، مقتول کی معیز کی 11 سال کی بیٹی، 8 اور 6 سال کے 2 بیٹے ہیں۔
سی سی ٹی وی ویڈیو میں واضح ہے کہ 40 برس کا معیز آفس جانے کےلیے کمر پر بیگ لٹکائے گھر کے باہر موبائل فون استعمال کر رہا ہے۔
اسی دورن موٹر سائیکل پر سوار 2 ڈاکو آتے ہوئے دکھائی دیے، جنہوں نے پینٹ، شرٹ اور جیکٹ بھی پہنی ہوئی تھی۔
موٹر سائیکل چلانے والا ڈاکو ہیلمٹ جبکہ پیچھے بیٹھے ہوئے ڈاکو نے چہرے پر ماسک لگایا ہوا تھا اور وہ شہری معیز کے قریب اتر کر اس کے ہاتھ سے موبائل چھینتا ہے۔
شہری موبائل فون چھیننے والے ڈاکو سے گتھم گتھا ہوجاتا ہے اور اس دوران اسلحہ بردار دوسرا ڈاکو شہری معیز پر گولی چلا دیتا ہے، مقتول کو ایک گولی سر پر لگی تھی۔ دونوں ملزمان موٹر سائیکل پر فرار ہوگئے۔
واضح رہے کہ رواں سال پہلے ہی ماہ کراچی میں 5 افراد ذرا سی مزاحمت پر قتل کیے جاچکے ہیں۔
پولیس حکام کا دعویٰ ہے کہ ڈکیتی میں ملوث ڈاکوؤں کا روڈ میپ بنایا جارہا ہے۔ علاقے کی جیو فینسنگ کروائی جائے گی، مقتول معیز یو پی ایس کی نجی کمپنی میں ملازمت کرتا تھا۔
.ذریعہ: Jang News
کلیدی لفظ: مزاحمت پر قتل
پڑھیں:
کراچی میں مرغوں کی لڑائی کے دوران فائرنگ سے ایک نوجوان جاں بحق دوسرا شدید زخمی
کراچی:شہر قائد کے علاقے سائٹ ایریا میں مرغوں کی لڑائی کے دوران فائرنگ سے ایک نوجوان جاں بحق جبکہ دوسرا موت و زندگی کی کمشکش میں چلاگیا۔
تفصیلات کے مطابق سائٹ ایریا میں پیش آنے والے فائرنگ کے واقعے کے حوالے سے پولیس نے بتایا کہ معاملہ موغوں کی لڑائی کے حوالے سے لین دین کا تنازع پر پیش آیا، جس میں فوٹو اسٹیٹ کا دکاندار جاں بحق اور فائرنگ کرنے والے کا بھائی شدید زخمی ہوا ہے۔
پولیس کے مطابق فائرنگ کرنے والا مرغی کے گوشت کی دکان کا مالک جس نے اپنے بھائی کے ساتھ ملکر کر مقتول کے ایک بھائی کو اغوا کرلیا جسے بعد میں چھوڑ کر دونوں ملزمان موقع سے فرار ہوگئے ۔
تفصیلات کے مطابق سائٹ اے کے علاقے میٹروول خیبر گیٹ بلاک 5 سبزی مارکیٹ میں فائرنگ سے دو افراد زخمی ہوئے جنہیں طبی امداد کے لیے عباسی شہید منتقل کیا گیا جہاں ایک شخص جاں بحق ہوگیا جس کی شناخت 25 سالہ فجر ولد بابو کے نام سے ہوئی۔
پولیس کے مطابق فائرنگ سے 25 سالہ عثمان غنی زخمی ہوا جس کی حالت تشویشناک ہے۔
ایس ایس پی کیماڑی کا کہنا ہے کہ فائرنگ کا واقعہ رقم کے لین دین کے تنازع کا ہے ، فائرنگ سے قبل فریقین میں جھگڑا و تلخ کلامی بھی ہوئی تھی، مقتول کی میٹروول سائٹ ایریا میں فوٹو اسٹیٹ کی دکان ہے جبکہ وہ سائٹ ایریا میٹروول بلاک فائیو کا رہائشی تھا۔
مقتول کے بھائی نے ایکسپریس کو بتایا کہ ظفر کی مارکیٹ میں مرغی کے گوشت کی دکان ہے اور وہ مرغوں کی لڑائی کے مقابلے بھی کراتا تھا، ظفر نے مقتول فجر کو بھی مرغوں کی لڑائی کرانے کی عادت ڈال دی تھی ، ظفر کی کیونکہ مرغی کی دکان تھی اسی لیے اس کے پاس لوگ مرغے فروخت کرنے آتے تھے جو مرغا اچھا ہوتا تھا وہ لڑائی کرانے والوں کو مہنگے داموں ادھار میں یا قسطوں پر فروخت کرتا تھا۔
واقعے کے وقت بھی اس کے مقتول بھائی فجر اور ظفر میں کسی بات پر تلخ کلامی ہوئی۔علاقے کے دکانداروں نے انھیں بتایا ہے کہ دونوں میں رقم کا تنازع تھا ، تلخ کلامی کے دوران ظفر نے اپنا پستول نکال کر اندھا دھند فائرنگ کی جس کے نتیجے میں فجر اور ملزم کی فائرنگ کی زد میں آکر اس کا سگا بھائی عثمان غنی بھی گولیاں لگنے سے شدید زخمی ہوا جبکہ اس کا تیسرا بھائی نعمان جو موقع پر موجود تھا وہ بچ گیا۔
پولیس کے مطابق زخمی عثمان غنی کو کمر اور ہاتھ پر گولیاں لگیں ہیں اور اس کی حالت بھی تشویشناک بتائی جا رہی ہے ، ملزم ظفر اور اس کے بھائی ربانی محلے میں رہائش پذیر ہیں۔
فائرنگ کے واقعے کے بعد ظفر اور اس کے بھائی نعمان نے مقتول ظفر کے دوسرے بھائی روشن خان کو اغوا کر کے ربانی محلے میں لے گئے تھے تاہم جب پولیس نے ملزمان کی گرفتاری کے لیے چھاپے مارنے شروع کیے تو ملزم ظفر نے اپنے رشتے داروں کے ذریعے روشن خان کو پولیس کے حوالے کر دیا۔
مقتول کا بھائی اور روشن خان تھانے پہنچ گئے اور ملزم روشن کے خلاف ایف آئی آر درج کرنے کے لیے اپنا بیان درج کرا دیا ، پولیس واقعے کی مزید تحقیقات اور ملزمان کی گرفتاری کے لیے چھاپے مار رہی ہے ۔
سپریم کورٹ نے آڈیٹر جنرل پاکستان سے زلزلہ متاثرین فنڈز کی آڈٹ رپورٹ طلب کرلی