متھیرا بغیر اجازت بنائی گئی نازیبا وڈیو شیئر کرنے پر چاہت فتح علی خان پر برہم
اشاعت کی تاریخ: 26th, January 2025 GMT
کراچی(شوبز ڈیسک)معروف اداکارہ اور میزبان متھیرا بغیر اجازت بنائی گئی نازیبا حرکات کی وڈیو شیئر کرنے پر سوشل میڈیا سنسیشن راحت فتح علی خان کے خلاف پھٹ پڑیں۔
متھیرا نے سوشل میڈیا پر چاہت فتح علی خان کے ساتھ وائرل ہونے والی وڈیو پر اپنے تبصرے میں کہا ہے کہ بولڈ ہونے کا ہرگز یہ مطلب نہیں ہے کہ کوئی بھی انہیں دیکھے اور گلے لگالے یا ان کی پشت پر ہاتھ رکھ دے۔
متھیرا نے اس وائرل وڈیو کے حوالے سے جاری وضاحتی بیان میں کہا ہے کہ جب بھی کوئی مہمان ان کے شو پر آتا ہے تو وہ انہیں عزت دیتی ہیں، پیار سے اور اچھے انداز سے پیش آتی ہیں، لیکن اس انداز میں وڈیو بنانا انتہائی بری حرکت تھی۔
اداکارہ نے واضح کیا کہ یہ وڈیو ان کے چینل کے کیمروں سے نہیں بنائی گئی بلکہ چاہت فتح علی خان کی جانب سے بغیر اجازت بنائی گئی، اداکارہ یا ان کی ٹیم کو وڈیو بنائے جانے کا علم نہیں تھا، اداکارہ نے بتایا کہ ان کے شو کے کیمرے کہیں اور ہوتے ہیں جبکہ یہ وڈیو دوسری جگہ سے بنائی گئی ہے جس کی اجازت نہیں ہوتی۔
اداکارہ نے مزید کہا کہ بطور خاتون یہ سب ان کے لیے تکلیف دہ تھا کیونکہ وہ یہ سب حرکتیں نہیں کرتیں کہ لوگوں کو گلے لگائیں، انہوں نے کہا کہ انہیں یہ سمجھ نہیں آرہا کہ اگر چاہت فتح علی خان نے وڈیو بنائی بھی تھی تو اسے بغیر اجازت پوسٹ کیوں کردیا۔
متھیرا نے کہا کہ لوگ شہرت کے لیے عجیب عجیب چیزیں کرتے ہیں لیکن انہیں بہت مایوسی ہوئی ہے۔
اداکارہ نے اعتراف کیا کہ وہ انہتائی بے باک ہیں لیکن اس کا یہ مطلب نہیں ہے کہ کوئی بھی انہیں دیکھے اور گلے لگالے یا ان کی پشت پر ہاتھ رکھ دے، انہوں نے واضح کیا کہ کوئی بھی باشعور انسان ایسا نہیں کرے گا۔
اداکارہ نے بار بار واضح کیا کہ سوشل میڈیا پر وائرل ہونے والی وڈیو ان کے شو کے کیمروں سے نہیں بنائی گئی تھی، شو کے کیمرے کہیں اور تھے اور وائرل وڈیو کہیں اور سے عجیب اینگل سے بنائی گئی۔
متھیرا نے کہا کہ انہیں نہیں معلوم کہ چاہت فتح علی خان نے یہ حرکت کیوں کی ہے، اداکارہ کے مطابق انہوں نے چاہت فتح علی خان سے بات بھی کی ہے اور انہوں نے کہا تھا کہ وہ یہ وڈیو ہٹادیں گے لیکن نہ تو ان کے پیج سے وڈیو ہٹائی گئی ہے اور نہ ہی اس حرکت پر معافی مانگی گئی ہے۔
ماڈل نے کہا کہ وہ اس حرکت پر بہت دل گرفتہ ہیں، ان کا کہنا تھا کہ انہوں نے یہ یہی سبق سیکھا ہے کہ لوگ تلخ روئی کا شکوہ کرتے ہیں لیکن جب آپ لوگوں سے اچھے انداز میں بات کرتے ہیں تو وہ حدیں پھلانگنے لگ جاتے ہیں۔
انہوں نے ناظرین کو متنبہ کیا کہ اگر وہ انہیں کہیں دیکھیں تو نہ انہیں گلے لگائیں اور نہ ہاتھ ملانے کی کوشش کریں، انہوں نے کہاکہ ان کے ہمیشہ ہی کچھ نہ کچھ ہوتا رہتا ہے۔
View this post on InstagramA post shared by Chahat Fateh Ali Khan (@chahat_fateh_ali_khan)
اداکارہ نے کہا کہ یہ سب ان کے لیے بھی حیران کن اور تکلیف دہ تھا اور اب بھی تکلیف دہ ہے، وہ حیران تھیں کہ چاہت فتح علی خان نے ایسا کیوں کیا، انہوں نے پھر واضح کیا کہ یہ وڈیو ان کے شو کے کیمروں سے نہیں بنائی گئی۔
متھیرا نے مزید کہا کہ وہ اپنے سیٹ سے روانگی کےلیے تیار تھیں، باہر ان کی گاڑی کھڑی ہوئی تھی کہ اس دوران چاہت فتح علی خان نے وڈیو بنائی جس کے فوری بعد وہ سیٹ سے چلی گئیں۔
واضح رہے کہ سوشل میڈیا سنسیشن چاہت فتح علی خان اور ماڈل متھیرا کی وڈیو ان دنوں سوشل میڈیا پر وائرل ہے جس میں راحت فتح علی خان کو اداکارہ کو گلے لگاتے اور ان سے ہاتھ ملاتے ہوئے دیکھا جاسکتا ہے۔
وڈیو میں واضح طور پر دیکھا جاسکتا ہے کہ راحت فتح علی خان کی نازیبا حرکات پر متھیرا بے آرام محسوس کررہی ہیں اور خود کو بچانے کی کوشش کررہی ہیں۔
.ذریعہ: Daily Ausaf
کلیدی لفظ: چاہت فتح علی خان نے واضح کیا کہ سوشل میڈیا اداکارہ نے متھیرا نے نے کہا کہ انہوں نے ان کے شو ہیں اور وڈیو ان
پڑھیں:
مردان؛ کاٹلنگ میں دو اوباشوں کی 15 سالہ لڑکے سے بدفعلی، وڈیو وائرل کردی، مقدمہ درج
مردان:تحصیل کاٹلنگ کے علاقے الوجنگہ میں پندرہ سالہ لڑکے کو دو افراد نے زبردستی بدفعلی کا نشانہ بنا دیا اور ویڈیو بھی بنائی، پولیس نے وڈیو وائرل ہونے پر ایف آٸی آر درج کر لی، تاہم ملزمان گرفتار نہ کیے جا سکے۔
کاٹلنگ تحصیل تھانہ چھانونہ میں درج ایف آٸی آر کے مطابق 15 سالہ حارث ولد اعتبار کے ساتھ دو افراد نے زبردستی بدفعلی کی اور ویڈیو بھی بناتے رہے، اہلخانہ یا پولیس کو بتانے پر ملزمان نے ویڈیو سوشل میڈیا پر اپ لوڈ کرنے کی دھمکی دی،متاثرہ لڑکے کی جانب سے والدین کو آگاہ کرنے پر ملزمان نے وڈیو سوشل میڈیا گروپس میں واٸرل کردی۔
متاثرہ خاندان نے مقامی پولیس سے رابطہ کیا، تاہم مبینہ طور پر پولیس ایف آٸی آر درج کرنے میں ٹال مٹول سے کام لیتی رہی لیکن ویڈیو وائرل ہونے پر ملزمان کے خلاف ایف آٸی آر درج کر لی۔
پولیس کا کہنا ہے کہ ملزمان کو جلد قانون کے مطابق گرفتا کر لیا جائے گا، مقامی عمائدین کا کہنا ہے کہ نامناسب وڈیو سوشل میڈیا گروپس میں وائرل کرنے پر پیکا ایکٹ کے تحت بھی ملزمان کے خلاف مقدمہ درج کیا جانا چاہیے تاکہ انصاف کا بول بالا ہو۔
لاہور: طالبہ سے مبینہ اجتماعی زیادتی و ویڈیو بنانے کا مرکزی ملزم گرفتار