سانگھڑ واقعہ میں ملوث عناصر کو کیفر کردار تک پہنچایا جائے گا، شازیہ مری
اشاعت کی تاریخ: 26th, January 2025 GMT
بےگناہ افراد کے قتل پر دلی دکھُ اور افسوس ہے، شازیہ مری - فوٹو: فائل
پاکستان پیپلز پارٹی پارلیمنٹیرینز (پی پی پی پی) کی ترجمان شازیہ مری نے سانگھڑ میں دو گروہوں کے درمیان فائرنگ کے واقعے کی مذمت کرتے ہوئے کہا کہ قتل میں ملوث عناصر کو کیفر کردار تک پہنچایا جائے گا۔
ترجمان پیپلز پارٹی کا کہنا تھا کہ بےگناہ افراد کے قتل پر دلی دکھُ اور افسوس ہے۔
انہوں نے کہا کہ وزیراعلیٰ سندھ، صوبائی وزیر داخلہ اور آئی جی سندھ سے رابطے کیا ہے، اعلیٰ حکام سے قتل کے واقع میں ملوث عناصر کی گرفتاری کی درخواست کی ہے۔
سانگھڑ کے قریب گاؤں میں زمین کےتنازع پر دو گروہوں میں فائرنگ کے نتیجے میں تین افراد جاں بحق اور پندرہ زخمی ہوگئے۔
شازیہ مری کا کہنا تھا کہ قتل میں ملوث عناصر کو کیفر کردار تک پہنچایا جائے گا، ملزمان قانون کی گرفت سے باہر نہیں جائیں گے۔ امن و امان برقرار رکھا جائے گا۔
انکا یہ بھی کہنا تھا کہ سانگھڑ واقعہ کے زخمیوں اور جاں بحق ہونے والوں کو انصاف دلایا جائے گا۔ بااثر افراد نے ہٹ دھرمی سے کام لیا جس کے نتیجے میں قیمتی انسانی جانوں کا نقصان ہوا ہے۔
خیال رہے کہ ضلع سانگھڑ کے علاقے کوٹھ پنہل جونیجو میں دو گروہوں کے درمیان فائرنگ کا واقعہ پیش آیا جس میں 3 افراد قتل جبکہ 15 سے زائد زخمی ہوگئے۔
.ذریعہ: Jang News
کلیدی لفظ: میں ملوث عناصر دو گروہوں شازیہ مری جائے گا
پڑھیں:
لاہور، فائرنگ سے زخمی ہونیوالا شبیہہ ذوالجناح کا نگران جاں بحق
فائرنگ کے واقعہ میں ملزمان نے شبیہہ کو مار دیا تھا، جبکہ نگران زخمی ہوا تھا، جسے میو ہسپتال میں طبی امداد دی جا رہی تھی۔ تاہم ہسپتال ذرائع کے مطابق عرفان مبشر آج دم توڑ گیا۔ پولیس نے واقعہ کا مقدمہ درج کرکے تحقیقات شروع کر رکھی ہیں۔ اسلام ٹائمز۔ لاہور کے علاقے شادباغ میں ذوالجناح کی شبیہہ پر فائرنگ کے دوران زخمی ہونیوالا نگران عرفان مبشر زخموں کی تاب نہ لاتے ہوئے ہسپتال میں خالق حقیقی سے جا ملا۔ فائرنگ کے واقعہ میں ملزمان نے شبیہہ کو مار دیا تھا، جبکہ نگران زخمی ہوا تھا، جسے میو ہسپتال میں طبی امداد دی جا رہی تھی۔ تاہم ہسپتال ذرائع کے مطابق عرفان مبشر آج دم توڑ گیا۔ پولیس نے واقعہ کا مقدمہ درج کرکے تحقیقات شروع کر رکھی ہیں۔ عرفان مبشر نے جان دینے سے قبل پولیس کو ریکارڈ کروائے گئے اپنے بیان میں ملزمان کی نشاندہی کردی تھی۔ پولیس حکام کا کہنا ہے کہ ملزمان کی تلاش جاری ہے، جلد ہی انہیں گرفتار کرلیا جائے گا۔
لاہور: طالبہ سے مبینہ اجتماعی زیادتی و ویڈیو بنانے کا مرکزی ملزم گرفتار