ملتان ٹیسٹ: پاکستان 254 رنز کے تعاقب میں مشکلات سے دوچار
اشاعت کی تاریخ: 26th, January 2025 GMT
ملتان: پاکستان ٹیم ملتان ٹیسٹ کے دوسرے روز دوسری اننگز میں مشکلات سے دوچار ہوگئی۔ 254 رنز کے ہدف کے تعاقب میں 76 رنز پر 4 بیٹرز پویلین لوٹ گئے۔
ویسٹ انڈیز نے دوسری اننگز کا آغاز 9 رنز کی برتری کے ساتھ کیا۔ کپتان کریگ بریتھ ویٹ اور میکائیل لوئیس نے اننگز کی شروعات میں 50 رنز جوڑے۔ لوئیس 7 رنز پر آؤٹ ہوئے، جبکہ بریتھ ویٹ نے 52 رنز کی ذمہ دارانہ اننگز کھیلی، جنہیں نعمان علی نے آؤٹ کیا۔
ویسٹ انڈیز کی ٹیم 244 رنز بنا کر آؤٹ ہوئی۔ املاچ نے 35 اور سنکلیئر نے 28 رنز کی اننگز کھیلیں۔ پاکستان کی جانب سے نعمان علی اور ساجد خان نے 4، 4 وکٹیں حاصل کیں، جبکہ ابرار اور کاشف نے ایک، ایک کھلاڑی کو آؤٹ کیا۔
ہدف کے تعاقب میں پاکستانی بیٹنگ لائن مشکلات کا شکار رہی۔ شان مسعود اور محمد ہریرہ 2، 2 رنز پر آؤٹ ہوئے، جبکہ کامران غلام نے 19 اور بابر اعظم نے 31 رنز بنائے۔
کریز پر سعود شکیل 13 اور نائٹ واچ مین کاشف علی ایک رن کے ساتھ موجود ہیں۔ پاکستان کو جیت کے لیے مزید 178 رنز کی ضرورت ہے، جبکہ اس کی 6 وکٹیں باقی ہیں۔
یاد رہے کہ ویسٹ انڈیز پہلی اننگز میں 163 رنز بنا کر آؤٹ ہوئی تھی، جس کے جواب میں پاکستان 154 رنز پر ڈھیر ہوگیا تھا۔ 2 میچوں کی سیریز کا پہلا ٹیسٹ پاکستان نے جیتا تھا۔
.ذریعہ: Nai Baat
کلیدی لفظ: رنز کی
پڑھیں:
دوسرا ٹیسٹ ، ویسٹ انڈیز کیخلاف پاکستان ٹیم 154رنز پر آئوٹ
ملتان : کامران غلام کو آئوٹ کرنے کے بعد ویسٹ انڈیز بولر خوشی کا اظہار کرتے ہوئےملتان (اسپوٹس ڈیسک )سیریز کے دوسرے ٹیسٹ میچ میں کی پہلی اننگز میں پاکستان ٹیم ویسٹ انڈیز کیخلاف 154 رنز پر ڈھیر ہوگئی۔ملتان میں کھیلے جارہے سیریز کے دوسرے ٹیسٹ میں پہلے دن کا کھیل ختم ہوگیا، ویسٹ انڈیز کل صبح ساڑھے 9 بجے 9 رنز کی برتری کے ساتھ اپنی دوسری اننگز شروع کرے گا، پاکستان نے اپنی پہلی اننگز میں انتہائی مایوس کن کھیل پیش کیا۔کپتان شان مسعود 15، کامران غلام 16، محمد ہریرہ 9 اور بابراعظم محض ایک رن بناکر پویلین لوٹ گئے۔پانچویں وکٹ پر سعود شکیل اور محمد رضوان نے 68 رنز کی پارٹنرشپ قائم کی۔سعود 32 کے انفرادی اسکور پر وکٹ گنوا بیٹھے، محمد رضوان بھی 49 رنز بناکر آئوٹ ہوگئے۔نعمان علی صفر، سلمان آغا 9، ابرار احمد 2 اور کاشف علی بھی صفر پر آئوٹ ہوئے۔ویسٹ انڈیز کی جانب سے جومل واریکن نے 4، گڈاکیش موتی نے 3 اور کیمار روچ نے 2 وکٹیں حاصل کیں۔قبل ازیں ویسٹ انڈیز کی ٹیم اپنی پہلی اننگز میں 163 رنز بناکر آئوٹ ہوگئی تھی، پاکستانی اسپنرز نے محض ایک گھنٹے میں ویسٹ انڈیز کے 7 ابتدائی بلے بازوں کو پویلین روانہ کیا۔کپتان کریگ براتھ 9، میکل لیوس 4، جسٹن گریوز ایک، عامر جینگو، ایلک اتھاناز، ٹیون املاچ اور کیون سنکلیئر صفر پر پویلین روانہ ہوئے۔ مڈل آرڈر بیٹر کیویم ہوج 21 اور کیمار روچ 25 رنز کے مہمان ثابت ہوئے تاہم گڈاکیش موتی نے 55 اور جومل واریکن 36 رنز کی مزاحمتی اننگز کھیلی ۔ پاکستان کی جانب سے نعمان علی نے ہیٹرک مکمل کرتے ہوئے 6، ساجد خان نے 2 جبکہ ابرابر احمد اور ڈیبیو کرنیوالے کاشف علی نے ایک ایک وکٹ حاصل کی۔قبل ازیں ویسٹ انڈین کپتان کریگ براتھویٹ نے ٹاس جیت کر پہلے بیٹنگ کرنے کا فیصلہ کیا تھا۔پاکستان کا اسکواڈمیں کپتان شان مسعود، محمد ہریرہ، بابر اعظم، کامران غلام، سعود شکیل، محمد رضوان (وکٹ کیپر)، سلمان علی آغا، ساجد خان، نعمان علی اور ابرار احمد شامل ہیں۔
لاہور: طالبہ سے مبینہ اجتماعی زیادتی و ویڈیو بنانے کا مرکزی ملزم گرفتار