خضدار میں قومی شاہراہ پر دھماکا، ایک شخص جاں بحق، 7 افراد زخمی
اشاعت کی تاریخ: 26th, January 2025 GMT
خضدار(نیوز ڈیسک) ایم 8 قومی شاہراہ پر کھوڑی کے مقام پر زور دار دھماکے کے نتیجے میں ایک شخص جاں بحق اور 7 زخمی ہو گئے۔لیویز حکام کی جانب سے بتایا گیا ہے کہ دھماکا خیر مواد سڑک کنارےکھڑی کار میں نصب کیا گیا تھا، بس کے گزرتے ہی دھماکا ہوگیا۔لیویز حکام کے مطابق دھماکے کے نتیجے میں ایک شخص جاں بحق اور 7 افراد زخمی ہوئے، جاں بحق اور زخمی مسافر بس میں سوار تھے۔
لیویز حکام کے مطابق دھماکے میں زخمی ہونے والوں کو ٹراما سینٹر خضدار منتقل کر دیا گیا ہے جبکہ دھماکے کی تحقیقات شروع کر دی گئی ہے۔
بھارت کے یوم جمہوریہ پر کشمیریوں کا یوم سیاہ ، پاکستان سمیت دنیا بھر میں مظاہرے ، ریلیاں
.ذریعہ: Daily Ausaf
پڑھیں:
پڈعیدن:تیز رفتار کوچ الٹ گئی،ڈرائیور جاں بحق،20 زخمی
پڈعیدن / محراب پور (نمائندہ جسارت) ٹریفک حادثہ ،کوچ ڈرائیور جاں بحق، 20 مسافر زخمی ہوگئے، تفصیلات کے مطابق قومی شاہراہ پر کوٹری کبیر کے قریب پشاور سے کراچی جانے والی تیز رفتار مسافر کوچ ٹریکٹر ٹرالی کو اوور ٹیک کرتے ہوئے اُلٹ گئی،جس کے نتیجے میں کوچ ڈرائیورشہید اللہ ولد تاج محمد جاں بحق ہوگیا جبکہ خواتین بچوں سمیت20سے زائد مسافر زخمی ہوگئے، حادثے کے بعد قومی شاہراہ بلاک ہو گئی، شاہراہ کے دونوں اطراف گاڑیوں کی لمبی قطاریں لگ گئیں، حادثہ کی اطلاع پر ریسکیو عملہ پولیس اور مقامی افراد نے پہنچ کر زخمیوں کو کوچ سے باہر نکالا اور اسپتال پہنچایا، اسپتال میں ایمرجنسی نافذ کردی گئی، حادثے میں زخمی ہونے والے افراد میں عبید ولد عبدالباری پٹھان،رہائشی پشاور، عبدالرشید ولد طالب خان، پرویز خان ولد میر خان، مسکین ولد سلیم خان، حسن خان ولد صادق خان، جلال خان ولد دیلاور خان، شاہ حسین ولد اشرف خان، امید علی ولد حیسن بخش، محمد علی ولد دو دو خان، انور علی ولد عالم خان،مسماۃ صباء خان دختر غلام بخش،مظفر علی،دھنی بخش سمیت دیگر شامل ہیں ،متعدد زخمیوں کو ابتدائی طبی امداد کے بعد تشویشناک حالت میںکو ہالانی اور گمس اسپتال گمبٹ منتقل کیا گیا ہے، پولیس اور ریسکیو عملے نے کرین کی مدد سے کوچ کو شاہراہ سے ہٹا کر شاہراہ کو ٹریفک کے لیے بحال کردیا،ہالانی پولیس کے مطابق2 زخمیوں کی حالت نازک بتائی جاتی ہے، رات گئے ایک زخمی نے دم توڑ دیا۔عینی شاہدین کے مطابق حادثے کے بعدمدد کیلیے کوچ میں داخل ہونے والے متعدد افراد نے مسافروں کا سامان، طلائی زیورات، نقدی، موبائل فون چوری کرلیے۔
وفاقی کابینہ کے اجلاس میں اہم فیصلوں کی منظوری دے دی گئی