فلم پریمیئر میں معمر رانا کی خراب حالت، ساتھیوں کے سنبھالنے کی ویڈیو وائرل
اشاعت کی تاریخ: 26th, January 2025 GMT
پاکستانی فلم انڈسٹری کے نامور اداکار معمر رانا ایک بار پھر خبروں میں ہیں۔ تاہم، اس بار کسی فلم یا ڈرامے کی وجہ سے نہیں، بلکہ ان کی ایک ویڈیو سوشل میڈیا پر وائرل ہورہی ہے، جس نے مداحوں میں تشویش دوڑا دی ہے۔
لالی ووڈ اداکار معمر رانا اپنی نئی فلم ’’باپ‘‘ کے ساتھ فلمی دنیا میں واپسی کےلیے تیار ہیں۔ نوے کی دہائی سے شوبز انڈسٹری کا حصہ رہنے والے معمر رانا نے لاتعداد فلموں میں اپنی اداکاری کے جوہر دکھائے ہیں۔ فلم انڈسٹری کے زوال کے باوجود، انہوں نے ٹیلی ویژن کا رخ نہیں کیا اور فلموں سے وابستہ رہے۔
ان کی فلم ’’باپ‘‘ جلد ہی ریلیز ہونے والی ہے۔ گزشتہ دنوں فلم کے پریمیئر شو میں معمر رانا کی غیر معمولی انداز میں شرکت نے سب کو حیران کردیا۔
پریمیئر کے دوران معمر رانا کی ایک ویڈیو سوشل میڈیا پر تیزی سے وائرل ہورہی ہے جس میں انہیں غیر معمولی حالت میں دیکھا جاسکتا ہے۔
ویڈیو میں دیکھا جاسکتا ہے کہ انہیں چلنے میں دشواری ہو رہی ہے اور ان کے ساتھی اداکار انہیں سنبھالنے کی کوشش کر رہے ہیں۔ اس منظر نے وہاں موجود لوگوں اور سوشل میڈیا صارفین کو حیرت اور تشویش میں مبتلا کردیا ہے۔
معمر رانا کی یہ ویڈیو سوشل میڈیا پر موضوع بحث بنی ہوئی ہے اور لوگ اس حوالے سے مختلف قیاس آرائیاں کر رہے ہیں۔ اصل حقیقت کیا ہے اس پر ابھی تک اداکارہ کی جانب سے کوئی وضاحت سامنے نہیں آئی ہے۔
معمر رانا کی وائرل ویڈیو نے سوشل میڈیا پر ایک نئی بحث چھیڑ دی ہے۔ اب سب کی نظریں اس بات پر ہیں کہ اس حوالے سے مزید کیا تفصیلات سامنے آتی ہیں۔ لیکن اب تک اس صورتحال پر سوشل میڈیا صارفین کے مختلف تاثرات سامنے آرہے ہیں، جن میں اداکار کے ممکنہ طور پر ’’کچھ‘‘ پینے کے باعث حالت خراب ہونے پر تنقید کی جارہی ہے۔
.ذریعہ: Daily Mumtaz
کلیدی لفظ: سوشل میڈیا پر معمر رانا کی
پڑھیں:
متھیرا کیساتھ نامناسب ویڈیو، چاہت فتح علی خان ٹرولرز کے نشانے پر
پاکستانی مزاحیہ گلوکار و یوٹیوبر چاہت فتح علی خان کو پاکستانی اداکارہ، ماڈل اور ٹی وی میزبان متھیرا کے ساتھ نامناسب انداز میں تصاویر کھینچوانے پر تنقید کا سامنا کرنا پڑ رہا ہے۔
حال ہی میں چاہت فتح علی خان نے میزبان متھیرا کے ٹی وی پروگرام میں بطور مہمان شرکت کی۔
اس پروگرام کی پسِ پردہ مناظر کی ایک ویڈیو سوشل میڈیا پر گردش کر رہی ہے۔
سوشل میڈیا پر وائرل ویڈیو میں دیکھا جاسکتا ہے کہ اس موقع پر مزاحیہ گلوکار نے میزبان کے ساتھ کچھ تصاویر کھینچوائیں۔
ویڈیو میں چاہت فتح کو تصاویر کھینچواتے ہوئے زبردستی متھیرا سے مصافحہ کرتے اور ان کی کمر پر ہاتھ رکھتے ہوئے دیکھا جاسکتا ہے، جس کے سبب سوشل میڈیا صارفین شوقین گلوکار کو تنقید کا نشانہ بنا رہے ہیں۔
سوشل میڈیا ٹرولرز وائرل تصاویر کے کمنٹس میں تبصرہ کرتے ہوئے کہہ رہے ہیں کہ متھیرا پہلی بار کسی سے گھبرا رہی ہیں۔ ایک صارف نے لکھا کہ اسے ہراساں کرنا کہتے ہیں۔ ایک اور صارف نے لکھا کہ گلے لگنے کی ناکام کوششیں۔
ڈرائیونگ لائسنس بنوانے کے خواہشمند افراد کے لئے اہم خبر