امریکی محکمہ موسمیات کی ریاست کیلیفورنیا میں آج سے طوفانی بارشوں کی پیش گوئی
اشاعت کی تاریخ: 26th, January 2025 GMT
واشنگٹن (نیوزڈیسک)امریکی ریاست کیلی فورنیا میں آج سے طوفانی بارشوں کی پیش گوئی کی گئی ۔محکمہ موسمیات کے مطابق لاس اینجلس کے جنگلات میں لگی آگ بارش سے بجھنے کا امکان ہے، تیز ہواؤں سے درخت گرنے اور موسلا دھار بارش سے پہاڑی علاقوں میں لینڈ سلائیڈنگ کا خطرہ ہے۔
محکمہ موسمیات نے میدانی علاقوں میں سیلابی صورتحال پیدا ہونے کی وارننگ جاری کردی ہے۔یاد رہے کہ پہلے ہی کیلیفورنیا کے جنگلات میں لگی آگ تاحال قابو سے باہرہے، جس میں ہلاکتوں کی تعداد 25 ہو گئی ہے، آگ کے باعث لاس اینجلس سے لاکھوں افراد نے نقل مکانی کرلی ہے۔
سوڈان ، سعودی ہسپتال پر ڈرون حملہ ، 67 افراد جاں بحق، درجنوں زخمی
ذریعہ: Daily Ausaf
پڑھیں:
پنجاب میں شدید گرمی کے بعد بارشوں کا سلسلہ؛ موسم خوشگوار ہوگیا
لاہور:پنجاب میں شدید گرمی کی لہر کے بعد بارشوں کا سلسلہ شروع ہوگیا، جس سے موسم کے ساتھ ساتھ شہریوں کا موڈ بھی خوشگوار ہوگیا۔
ایکسپریس نیوز کے مطابق مغرب کی جانب سے آنے والے کم ہواؤں کے بادلوں کے لاہور اور پنجاب داخل ہونے سے بارش کا سلسلہ شروع ہو گیا، اس دوران ژالہ باری ہونے سے موسم کی شدت میں کمی آ گئی اور موسم خوشگوار ہوگیا۔
صوبائی دارالحکومت لاہور سمیت پورا پنجاب گزشتہ دنوں شدید گرمی کی لپیٹ میں رہا، اس دوران درجہ حرارت 40 ڈگری سینٹی گریڈ تک پہنچا اور موسم خشک ہونے کے سبب گرمی کی شدت معمول سے زیادہ محسوس ہوئی۔
مغرب کی جانب سے کم ہواؤں کا سلسلہ جونہی لاہور اور پنجاب کے بیشتر اضلاع میں پہنچا تو کئی مقامات پر بارش شروع ہوگئی ۔ لاہور میں آج صبح سویرے سے اب تک وقفے وقفے سے بارش کا سلسلہ جاری ہے ۔ بارش اور بعض مقامات پر ژالہ باری ہونے سے گرمی کی شدت میں کمی آگئی ہے اور لوگوں نے سکھ کا سانس لیا ہے۔
محکمہ موسمیات کے مطابق لاہور میں کم سے کم درجہ حرارت 26 اور سے زیادہ سے زیادہ 29 ڈگری سینٹی گریڈ تک جانے کا امکان ہے۔ دوسری جانب ایم ڈی واسا کی ہدایت پر ملازمین و افسران نکاسی آب کے لیے متحرک ہیں، تاکہ شہریوں کو کسی پریشانی کا سامنا نہ کرنا پڑے۔
محکمہ موسمیات کے مطابق بارش برسانے کا یہ سسٹم آج رات پاکستان سے نکل جائے گا اور کل سے دوبارہ خوشگوار موسم کا سلسلہ شروع ہوگا۔
پی ڈی ایم اے (پنجاب) کے مطابق لاہور سمیت صوبے کے مختلف اضلاع چکوال، فیصل آباد، جہلم، جوہر آباد، منڈی بہا الدین، سرگودھا، ٹوبہ ٹیک سنگھ اور جھنگ جھنگ میں بارش ریکارڈ کی گئی، جس کی وجہ سے گرمی اور ہیٹ ویو کی شدت میں کمی واقع ہوگی۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق