سیف علی خان شناخت کیلئے حملہ آور کا سامنا کرنے سے خوفزدہ کیوں؟
اشاعت کی تاریخ: 26th, January 2025 GMT
بالی ووڈ کے سپر اسٹار سیف علی خان پر قاتلانہ حملہ کرنے والا ڈکیت گرفتار ہوا، وہیں اداکار بھی اسپتال سے ڈسچاج ہو کر اپنے گھر واپس آگئے۔
رپورٹ کے مطابق سیف علی خان کی جانب سے اپنے ساتھ پیش آنے والے پورے واقعے کو تفصیل سے بیان کیا گیا۔
ممبئی پولیس کی جانب سے حال ہی میں سیف علی خان کے گھر میں ہونے والے قاتلانہ حملے کے دوران وہاں موجود تمام افراد کے بیانات ریکارڈ کیے گئے جس میں سیف علی خان اور ان کی اہلیہ کرینہ کپور خان کا بیان بھی شامل تھا۔
بیان میں سیف علی خان نے خوفناک حادثے سے متعلق ممبئی پولیس کو بتایا کہ کس طرح ڈکیت ان کے بیٹے کے کمرے میں داخل ہوا اور پھر اسے یرغمال بنا لیا تھا۔
سیف کے مطابق میں حملہ آور کو دیکھ کر خود کو قابو میں نہ رکھ سکا کیونکہ وہ میرے بیٹے کے کمرے میں داخل ہو گیا تھا اور اسے فرار ہونے سے روکنے کے لیے میں نے اسے مضبوطی سے پکڑ کر یرغمال بنالیا تھا۔
بالی ووڈ اداکار کا مزید کہنا تھا کہ جب میں نے مداخلت کرنے کی کوشش کی تو چور نے چاقو نکال کر مجھ پر حملہ کر دیا، جس سے مجھے اپنی گرفت ڈھیلی کرنی پڑی جس کے بعد میں زخمی ہوگیا۔
اداکار سیف علی خان نے پولیس کو مزید بتایا کہ حملہ آور کو اپارٹمنٹ سے بھاگنے سے روکنے کے لیے واش روم میں لاک بھی کیا گیا تھا تاہم وہ فرار ہونے میں کامیاب ہو گیا۔
رپورٹ کے مطابق جب ممبئی پولیس نے حملہ آور کی شناخت کےلیے سیف علی خان کو تھانے چلنے کے لیے کہا تو انہوں نے نے یہ کہہ کر تھانے جانے سے معذرت کرتے ہوئے کہا کہ ایسا کرنے سے ان کی ذہنی صحت متاثر ہوگی۔
واضح رہے کہ سیف علی خان پر حملہ کرنے والا ملزم 16 جنوری ان کے گھر میں داخل ہوا تھا جسے ممبئی پولیس نے بنگلادیشی مسلمان قرار دیا تھا۔ پولیس تفتیش سے معلوم ہوا تھا کہ حملہ آور گھر کے مرکزی دروازے سے اندر داخل ہوا تھا جہاں کوئی سی سی ٹی وی کیمرے نہیں تھے۔ پولیس نے بتایا کہ یہ واقعہ سراسر سیکیورٹی کی غفلت کا نتیجہ تھا۔ ملزم کو 19 جنوری کو گرفتار کیا گیا تھا۔
.ذریعہ: Daily Mumtaz
کلیدی لفظ: ممبئی پولیس سیف علی خان حملہ آور
پڑھیں:
راولپنڈی میں کے ایف سی کی برانچ پر حملہ، ویڈیو وائرل
غزہ پر اسرائیلی جارحیت کے ردعمل میں پاکستان کے مختلف شہروں میں غیرملکی فاسٹ فوڈ چینز ’کے ایف سی‘ کی مختلف برانچز پر حملے کیے جا رہے ہیں جس کی تصاویر اور ویڈیوز سوشل میڈیا پر وائرل ہو رہی ہیں۔
سوشل میڈیا پر آج ایک ویڈیو وائرل ہوئی جس میں دیکھا جا سکتا ہے راولپنڈی میں موجود ’کے ایف سی‘ کی برانچ پر چند لوگوں نے حملہ کیا۔ حملہ آوروں کو ہاتھ میں بیس بال کا ڈنڈا اٹھائے اور بازؤں پر فلسطینی پرچم باندھے دیکھا گیا۔
یہ بھی پڑھیں: بائیکاٹ کا اثر، ملائیشیا میں کے ایف سی کے 100سے زائد آؤٹ لیٹس بند
حملہ آوروں نے ریسٹورنٹ میں توڑ پھوڑ کی اور گالیاں دیتے رہے۔ حملے کے دوران اگرچہ برانچ میں موجود افراد یا اسٹاف کو تو کوئی جانی نقصان نہیں پہنچا لیکن چند فیملیز جو اس وقت ریسٹورنٹ میں کھانے سے لطف اندوز ہو رہی تھیں انہیں وہاں سے باہر نکال دیا گیا۔
آج KFC راولپنڈی میں فیملیز بیٹھی کھانا کھا رہی تھیں، چار دہشتگردوں نے آ کر توڑ پھوڑ کی گندی غلیظ گالیاں دیں بچے اور خواتین ڈر کر کھانا ادھورا چھوڑ کر بھاگ گئے۔ pic.twitter.com/8sML1X7wwK
— M.Waseem Rao (@raowasi57) April 14, 2025
ریسٹورنٹ انتظامیہ کے15 پر کال کرنے پر ریسٹورنٹ پر حملہ کرنے والے نوجوان فرار ہو گئے۔ پولیس نے نامعلوم افراد کے خلاف مقدمہ درج کرکے ان کی تلاش شروع کر دی ہے۔
صحافی معید پیرزادہ نے ویڈیو شیئر کرتے ہوئے لکھا کہ کون سا سرمایہ کار اس پاکستان میں آئے گا جہاں قانون کی حکمرانی نہیں ہے؟ راولپنڈی کی ایک کے ایف سی برانچ میں جو کچھ اسرائیل کے خلاف ہوا وہ بظاہر غنڈہ گردی ہے اور یہ واقعہ فوج کے ہیڈ کوارٹر کے قریب ہی پیش آیا ہے۔
Which investor will come to this Pakistan without Rule of Law? Scene of gangsterism apparently against Israel in a KFC outlet in Rawalpindi Military Garrison town? Not far from Army HQ@RepTomSuozzi @RepJackBergman pic.twitter.com/Xf5SbCloSv
— Moeed Pirzada (@MoeedNj) April 14, 2025
ایک صارف نے لکھا کہ یہ سب کرنے سے کیا فلسطین آزاد ہو جائے گا ؟ یہ سب کر کے ہم فلسطین کی کیا مدد کر رہے ہیں ؟ اگر بائیکاٹ کرنا ہے تو پر امن طریقے سے بھی ہو سکتا ہے جیسے ترکی میں ہوا ، وہاں 550 سے زائد کے ایف سی کے ریسٹورنٹ تھے لیکن وہاں کی عوام نے تھوڑ پھوڑ نہیں کی، انہوں بائیکاٹ کیا اور سارے کے ایف سی بند ہو گئے۔
یہ سب کرنے سے فلسطین آزاد ہو جاۓ گا ؟ یہ سب کرنے سے ہم کیا مدد کر رہے ہیں فلسطین کی ؟ اگر بائیکاٹ کرنا ہے تو پر امن طریقے سے بھی ہو سکتا ہے جیسے ترکی میں ہوا ، وہاں 550 سے زیاد KFC ریسٹورنٹ تھے لیکن وہاں کی عوام نے تھوڑ پھوڑ نہیں کی ، انہوں بائیکاٹ کیا اور سارے KFC بند ہو گئے ۔
— Rai Taha g (@raigee239) April 14, 2025
ایک ایکس صارف کا کہنا تھا کہ ہر مسلمان کو اسرائیلی پراڈکٹس کا بائیکاٹ کرنا چاہیے۔
Every muslim should boycott these bloody israeli products.
— Basim (@Basim88648673) April 14, 2025
واضح رہے کہ یہ پہلا واقع نہیں ہے اس سے قبل پاکستان کے صوبہ سندھ کے شہروں کراچی اور میرپور خاص میں فلسطین کے حق میں احتجاج کے دوران ’کے ایف سی‘ اور ’ڈومینوز‘ کی چار برانچز پر حملہ اور لوٹ مار ہوئی تھی جس کے بعد 24 افراد کو گرفتار کیا گیا تھا۔
اسی طرح ایک دوسرے واقعے میں زیریں سندھ کے شہر میرپور خاص میں ’کے ایف سی‘ کی ایک برانچ کو مشتعل افراد کی جانب سے آگ لگا دی گئی تھی۔
یہ بھی پڑھیں: کتنے پاکستانیوں نے اسرائیلی مصنوعات کا بائیکاٹ کیا؟ سروے میں تفصیلات سامنے آگئیں
یاد رہے کہ غزہ پر اسرائیل کے حملے کے آغاز کے بعد سے پاکستان سمیت دنیا کے متعدد ممالک میں ایسی درجنوں مصنوعات کا بائیکاٹ کرنے کی مہم جاری ہے جن سے متعلق صارفین کا یہ دعویٰ ہے کہ وہ اسرائیلی کمپنیوں کی ملکیت ہیں۔ فاسٹ فوڈ کمپنی کے ایف سی کو بھی اسی لیے تنقید کا سامنا ہے کہ اس کا تعلق اسرائیل سے ہے۔
پاکستان میں جاری اس بائیکاٹ مہم میں کئی لوگ اپنا حصہ ڈال رہے ہیں۔ صارفین کا کہنا ہے کہ اگر ہم اسرائیلی ظلم کو روک نہیں سکتے تو کم از کم ان کو معاشی طور پر نقصان تو پہنچا سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی کے ایف سی غزہ فلسطین کے ایف سی کے ایف سی بائیکاٹ کے ایف سی حملہ
گھر سے بے دخل خاتون ٹک ٹاکر نے نہر میں چھلانگ لگا دی