آئی سی سی کا مینز ٹی20 ٹیم آف دی ایئر کا اعلان، ایک پاکستانی کرکٹر بھی شامل
اشاعت کی تاریخ: 26th, January 2025 GMT
انٹرنیشنل کرکٹ کونسل (آئی سی سی) نے ٹی20 ٹیم آف دی ایئر کا اعلان کردیا ہے جس میں ایک پاکستانی کرکٹر کو بھی شامل کیا گیا ہے۔
آئی سی سی کے مطابق، ٹی20 ٹیم آف دی ایئر کا کپتان بھارت کے روہت شرما کو بنایا گیا ہے۔ مجموعی طور پر بھارت کے 4 کھلاڑیوں کو اس ٹیم کا حصہ بنایا گیا ہے جن میں ہاردیک پانڈیا، جسپریٹ بھمراہ اور ارشدیپ سنگھ بھی شامل ہیں۔
یہ بھی پڑھیں: آئی سی سی نے 2024 کی بہترین ایک روزہ ٹیم کا اعلان کردیا، کتنے پاکستانی کھلاڑی شامل؟
علاوہ ازیں، آسٹریلیا، انگلینڈ، پاکستان، سری لنکا، زمبابوے، افغانستان اور ویسٹ انڈیز سے ایک، ایک کھلاڑی کو ٹیم میں شامل کیا گیا ہے۔ ٹی20 ٹیم آف دی ایئر میں پاکستان کی جانب سے بابراعظم کو شامل کیا گیا ہے۔
دیگر کھلاڑیوں میں ٹریوس ہیڈ، فل سالٹ، نکولس پورن، سکندر رضا، ونندو ہسرنگا اور راشد خان شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی بابر اعظم پاکستانی کھلاڑی ٹی20 ٹیم آف دی ایئر روہت شرما کرکٹر.ذریعہ: WE News
کلیدی لفظ: پاکستانی کھلاڑی ٹی20 ٹیم ا ف دی ایئر روہت شرما کرکٹر ٹی20 ٹیم دی ایئر گیا ہے
پڑھیں:
آئی سی سی نے 2024 کی بہترین ایک روزہ ٹیم کا اعلان کردیا، کتنے پاکستانی کھلاڑی شامل؟
2024 کے لیے انٹرنیشنل کرکٹ کونسل کی مینز ون ڈے انٹرنیشنل کرکٹ ٹیم آف دی ایئر کے سرکردہ کھلاڑیوں میں جنوبی ایشیا سے تعلق رکھنے والے 3 ممالک کے بریک آؤٹ اسٹارز کی حکمرانی ہے۔
آئی سی سی کی مردوں کی ون ڈے کرکٹ ٹیم آف دی ایئر 2024 میں پاکستان کے 3 کرکٹرز شامل ہیں، شائقین کرکٹ کی توقعات کے مطابق یہ ’ڈریم ٹیم‘ نہ صرف معیار بلکہ اسٹار پاور، مستقل مزاجی اور استعداد کا بہترین توازن بھی ہے۔
آئی سی سی ون ڈے کرکٹ ٹیم آف دی ایئر2024 میں پاکستان کے صائم ایوب، حارث رؤف، شاہین آفریدی اور حارث رؤف، افغانستان کے رحمت اللہ گرباز، عصمت اللہ عمر زئی اور ای ایم غضنفر سمیت سری لنکا کے پاتھم نسانکا، کسال مینڈس، کیرتھ اسالانکا اور ونندو ہسارانگا شامل ہیں۔
ٹیم آف دی ایئرمیں آسٹریلیا، انگلینڈ سمیت جنوبی افریقہ، زمبابوے، انڈیا اور نیوزی لینڈ کا کوئی کھلاڑی شامل نہیں ہے، تاہم جنوبی ایشیا سے باہر صرف ویسٹ انڈیز کے شرفین ردرفورڈ ہی ٹیم آف دی ایئرکے الیون پلیئرز میں اپنی جگہ بنانے میں کامیاب رہے ہیں۔
آئی سی سی ون ڈے کرکٹ ٹیم آف دی ایئر2024 میں شامل پاکستانی کرکٹرز کے پروفائل سے ان کی انفرادی صلاحیتوں اور کھیل کی جانب ان کے
صائم ایوب9 میچز، 515 رنز، ناقابل شکست 113 سب سے زیادہ اسکور، 64.37 اوسط، 105.53 اسٹرائیک ریٹ، 3 سنچریاں، 1 نصف سنچری
ICC مینز ODI ٹیم آف دی ایئر میں ٹاپ آف دی آرڈر میں سلیکشن کے ذریعے پاکستان کے بائیں ہاتھ سے جارحانہ مگر اسٹائلش کرکٹ کھیلنے والے اس نوجوان کرکٹر کے لیے یہ ایک شاندار بریک آؤٹ سیزن رہا ہے۔
https://twitter.com/ICC/status/1871005338452799574
صائم نے فقط گزشتہ برس نومبر میں ڈیبیو کیا تھا، لیکن زمبابوے میں پہلی ون ڈے سنچری اسکور کرنے سے قبل آسٹریلیا میں 3 ایک روزہ بین الاقوامی میچوں میں مشترکہ طور پر 125 رنز بنا کر انہوں نے اپنا مقام فوراً ہی بنالیا تھا۔
ان کی پچھلی 5 اننگز نے 3 سنچریاں بنتے دیکھی ہیں، جن میں سے 2 گزشتہ برس دسمبر میں جنوبی افریقہ میں اسکور کی گئی تھیں، جہاں 3 میچوں کی سیریز میں ان کی اوسط 78.3 رہی تھی۔
شاہین شاہ آفریدی6 میچز، 15 وکٹیں، 17.6 بولنگ اوسط، 47 رنز کے عوض 4 وکٹیں بہترین بولنگ
شاہین شاہ آفریدی نے کیلنڈر ایئر میں صرف 6 ون ڈے کھیلنے کے باوجود بڑا اثر ڈالا ہے، عالمی کرکٹ کے بہترین بولنگ اسٹرائیک ریٹ رکھنے والے اس پاکستانی فاسٹ بولر نے خود کو بین الاقوامی سطح پر مسلسل بہترین کارکردگی دکھانے والوں میں سے ایک ثابت کیا ہے۔
حارث رؤف8 میچز، 13 وکٹیں، 22.4 بولنگ اوسط، 29 رنز کے عوض 5 وکٹیں بہترین بولنگ
حارث رؤف نے 2024 میں تمام اہم مواقع پر نمایاں کارکردگی کا مظاہرہ کیا، میں آسٹریلیا میں پاکستان کی 3 میچوں کی ون ڈے سیریز میں 10 وکٹیں حاصل کیں، جس میں ایڈیلیڈ میں ان کی بہترین بولنگ یعنی 5 شکار شامل ہیں، مذکورہ سیریز پاکستانی کرکٹ ٹیم نے باآسانی اپنے نام کرلی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی آسٹریلیا افغانستان انڈیا انگلینڈ ایک روزہ ٹیم پاکستانی کھلاڑی حارث رؤف سری لنکا شاہین شاہ آفریدی صائم ایوب نیوزی لینڈ ویسٹ انڈیز
ڈرائیونگ لائسنس بنوانے کے خواہشمند افراد کے لئے اہم خبر