جنرل ساحر کا دورہ اٹلی، وزیر دفاع، چیف آف ڈیفنس سے ملاقاتیں
اشاعت کی تاریخ: 26th, January 2025 GMT
اسلام آباد (نوائے وقت رپورٹ) چیئرمین جوائنٹ چیفس آف سٹاف کمیٹی جنرل ساحر شمشاد مرزا نے اٹلی کا سرکاری دورہ کیا۔ پاک فوج کے شعبہ تعلقات عامہ آئی ایس پی آر کے مطابق دورے کے دوران جنرل ساحر شمشاد مرزا کی اٹلی کے وزیر دفاع، چیف آف ڈیفنس سٹاف، چیف آف سٹاف اور چیف ایگزیکٹو افسر سے ملاقاتیں ہوئیں۔ ملاقاتوں میں جیو سٹریٹجک صورتحال، دوطرفہ تعلقات اور دونوں ملکوں کے درمیان سکیورٹی کے شعبے میں تعاون کے فروغ پر گفتگو کی گئی۔ آئی ایس پی آر کے مطابق اٹلی کی سول اور فوجی قیادت نے پاک فوج کی پیشہ ورانہ مہارت کی تعریف کی اور دہشت گردی کے خلاف جنگ میں پاک فوج کی قربانیوں کو سراہا۔ اٹلی کے فوجی ہیڈکوارٹرز میں چیئرمین جوائنٹ چیفس آف سٹاف کمیٹی کو گارڈ آف آنر پیش کیا گیا۔
.ذریعہ: Nawaiwaqt
پڑھیں:
چین کا ترقی کے لئے اپنے جائز حق کا دفاع کرنے کا اعلان
بیجنگ : چین کے وزیر خارجہ وانگ ای نے امریکی وزیر خارجہ مارکو روبیو کے ساتھ فون پر بات چیت کی۔ ہفتہ کے روز
وانگ ای نے کہا کہ چینی صدر شی جن پھنگ اور صدر ٹرمپ کے درمیان گزشتہ جمعے کو فون پر ایک اہم رابطہ ہوا ۔ دونوں فریقوں کو سربراہان مملکت کے درمیان طے پانے والے اہم اتفاق رائے پر عمل درآمد کرتے ہوئے، چین امریکہ تعلقات کی مستحکم، صحت مند اور پائیدار ترقی کو فروغ دینے اور نئے دور میں چین اور امریکہ کے ساتھ چلنے کا درست راستہ تلاش کرنا چاہیئے۔ وانگ ای نے کہا کہ چین کا مقصد ترقی میں کسی کو پیچھے چھوڑنا یا اس کی جگہ لینا نہیں لیکن چین ترقی کے اپنے جائز حق کا دفاع ضرور کرے گا ۔ وانگ ای نے امریکہ پر زور دیا کہ وہ تائیوان کے امور میں احتیاط سے کام لے ۔چینی وزیر خارجہ نے زور دیتے ہوئے کہا کہ تائیوان ہمیشہ سے چین کا حصہ رہا ہے اور چین تائیوان کو کبھی بھی خود سے الگ نہیں ہونے دے گا ۔ ان کا کہنا تھا کہ چین اور امریکہ کے تین مشترکہ اعلامیوں میں امریکہ نے ایک چین کی پالیسی پر عمل کرنے کا پختہ عزم کیا تھا لہذا اسے ان اعلامیوں کی پاسداری کرنا ہوگی۔
امریکی وزیر خارجہ مارکو روبیو نے کہا کہ امریکہ اور چین کے تعلقات اکیسویں صدی میں سب سے اہم دو طرفہ تعلقات ہیں اور یہ دنیا کے مستقبل کا تعین کریں گے۔ امریکہ چین کے ساتھ کھل کر بات چیت کرنے، اختلافات کو مناسب طریقے سے حل کرنے، دوطرفہ تعلقات کو پختہ کرنے اور انہیں دانشمندانہ انداز میں استوار کرنے ، عالمی چیلنجوں سے مشترکہ طور پر نمٹنے اور عالمی امن و استحکام کو برقرار رکھنے کے لئے تیار ہے۔ ان کا کہنا تھا کہ امریکہ “تائیوان کی علیحدگی” کی حمایت نہیں کرتا اور امید کرتا ہے کہ تائیوان کا مسئلہ آبنائے تائیوان کے دونوں اطراف کے لئے قابل قبول طریقے سے پرامن انداز میں حل ہو گا۔
چینی وزیر خارجہ وانگ ای نے کہا کہ بڑے ممالک کو اپنی بین الاقوامی ذمہ داریاں نبھانی چاہئیں، عالمی امن کا تحفظ کرنا چاہیے اور مشترکہ ترقی کے حصول میں تمام ممالک کی مدد کرنی چاہیے۔انہوں نے امید کا اظہار کیا کہ امریکی وزیر خارجہ درست فیصلے کریں گے اور چین اور امریکہ کے عوام کے مستقبل اور عالمی امن و استحکام کے لئے تعمیری کردار ادا کریں گے۔
انڈونیشیا میں لینڈ سلائیڈنگ کے سبب 16 افراد ہلاک