کشمیری کل بھارت کے یوم جمہوریہ کو ”یوم سیاہ” کے طور پر منائیں گے
اشاعت کی تاریخ: 26th, January 2025 GMT
ذرائع کے مطابق یوم سیاہ منانے کی کال کل جماعتی حریت کانفرنس اور دیگر آزادی پسند تنظیموں نے دی ہے۔ مقبوضہ جموں و کشمیر میں کل مکمل ہڑتال کی جائے گی۔ اسلام ٹائمز۔ کنٹرول لائن کے دونوں طرف اور دنیا بھر میں مقیم کشمیری کل بھارت کے یوم جمہوریہ کو ” یوم سیاہ” کے طور پر منائیں گے جس کا مقصد بھارت کی طرف سے ان کے جمہوری حق ”حق خودارادیت” سے مسلسل انکار کے خلاف احتجاج ریکارڈ کرانا ہے۔ ذرائع کے مطابق یوم سیاہ منانے کی کال کل جماعتی حریت کانفرنس اور دیگر آزادی پسند تنظیموں نے دی ہے۔ مقبوضہ جموں و کشمیر میں کل مکمل ہڑتال کی جائے گی جبکہ آزاد کشمیر، پاکستان اور دنیا کے مختلف ممالک کے دارالحکومتوں میں بھارت مخالف مظاہرے کیے جائیں گے اور ریلیاں نکالی جائیں گی تاکہ عالمی عالمی برادری کو یہ باور کرایا جا سکے کہ بھارت جموں و کشمیر پر فوجی طاقت کے بل پر قابض ہے اور وہ مقبوضہ علاقے میں اپنے یوم جمہوریہ کی تقریبات کے انعقاد کا کوئی قانونی اور اخلاقی جواز نہیں رکھتا۔ ادھر بھارت نے اپنے یوم جمہوریہ کے موقع پر مقبوضہ علاقے میں پابندیوں کا سلسلہ تیز کر دیا ہے اور علاقہ مکمل طور پرایک فوجی چھائونی کا منظر پیش کر رہا ہے۔ اہم سڑکوں اور شاہراہوں پر اضافی چیک پوسٹیں قائم کی گئی ہیں جہاں بھارتی فورسز کے اہلکار گاڑیوں، مسافروں اور راہگیروں کی مکمل تلاشی لے رہے ہیں۔ سرینگر کے بخشی سٹیڈیم اور جموں کے ایم اے سٹیڈیم جہاں بھارتی یوم جمہوریہ کی نام نہاد تقریبات ہون گی، کے اطراف میں بڑی تعداد میں بھارتی فورسز اہلکار تعینات کیے گئے ہیں۔ سخت پابندیوں کیوجہ سے کشمیری مزید مصائب و مشکلات کا شکار ہو گئے ہیں۔
نئی دہلی کی بدنام زمانہ تہاڑ جیل میں نظربند کل جماعتی حریت کانفرنس کے چیئرمین مسرت عالم بٹ نے ایک پیغام میں جموں و کشمیر میں بھارت کی فوجی موجودگی کی مذمت کرتے ہوئے اسے غیر قانونی، غیر آئینی اور بین الاقوامی قوانین کی خلاف ورزی قرار دیا ہے۔ انہوں نے کہا کہ کشمیری عوام حق خودارادیت کے حصول تک اپنی جدوجہد ہر قیمت پر جاری رکھیں گے۔ مقبوضہ جموں و کشمیر میں پولیس نے نئی دہلی کے مسلط کردہ لیفٹیننٹ گورنر کے حکم پر ضلع کشتواڑ میں مکانات اور زمینوں سمیت مزید 11افراد کی جائیدادیں ضبط کر لی ہیں۔ اگست 2019ء میں مقبوضہ جموں و کشمیر کی خصوصی حیثیت کے خاتمے کے بعد سے مودی حکومت نے سینکڑوں کشمیریوں کی جائیدادیں ضبط کر لی ہیں۔ ادھر کل جماعتی حریت کانفرنس اور دیگر آزادی پسند رہنمائوں نے ہندواڑہ قتل عام کے شہداء کو ان کے 35ویں یوم شہادت پر شاندار خراج عقیدت پیش کرتے ہوئے اس عزم اعادہ کیا کہ ان کی قربانیوں کو ہرگز رائیگاں نہیں جانے دیا جائے گا۔
ذریعہ: Islam Times
کلیدی لفظ: یوم جمہوریہ یوم سیاہ
پڑھیں:
مظفرآباد،مہاجرین جموں کشمیر کے زیر اہتمام دارالحکومت میں بھارتی نام نہاد یوم جمہوریہ پر احتجاجی ریلی کا انعقاد
مظفرآباد( نیوز ڈیسک)مہاجرین جموں کشمیر کے زیر اہتمام دارالحکومت میں بھارتی نام نہاد یوم جمہوریہ پر احتجاجی ریلی کا انعقاد کیا گیا ۔ ہزاروں شہریوں نے سیاہ پرچم لہراتے ہوئے بھارت کیخلاف مرکزی شاہراہ پر مارچ کیا۔ بھارت جمہوری نہیں بلکہ ایک دہشت گرد ملک ہے۔ آزادی کیلئے مزاحمت جاری رکھنے کا اعلان ۔ تفصیلات کے مطابق آزاد کشمیر بھر میں بھارت جے نام نہاد یوم جمہوریہ کو یوم سیاہ کے طور پر منانے کیلئے دارالحکومت میں زبردست احتجاج کیا گیا ۔ شہریوں نے بھارت کے نام نہاد یوم جمہوریہ پر سیاہ پرچم لہرا کر احتجاجی ریلی میں شرکت کی۔ ریلی کی قیادت سپیکر قانون ساز اسمبلی چوہدری لطیف اکبر ، امیر المہاجرین جموں کشمیر 1989 عزیر احمد غزالی ، وزیر حکومت کوثر تقدیس گیلانی ، ڈائریکٹرز کشمیر لبریشن سیل ڈاکٹر راجہ محمد سجاد خان ، راجہ محمد اسلم خان ، امیر جماعت اسلامی مظفرآباد راجہ محمد آفتاب خان ، پیپلز پارٹی کے راہنما شوکت جاوید میر ۔ کل جماعتی حُریت کانفرنس کے راہنماؤں مشتاق الاسلام ، چوہدری محمد شاہین ، سیکرٹری جنرل مہاجرین گوہر احمد کشمیری ، ترجمان مہاجرین راجہ محمد عارف خان ، مہاجرین راہنماؤں چوہدری فیروز الدین ، منظور اقبال بٹ ، سید حمزہ شاہین ، اقبال یاسین اعوان ، محمد اقبال میر ، صدیق داؤد ، چوہدری محمد مشتاق ، فیاض احمد جگوال ، راجہ سجید خان ، نشاد احمد بٹ ، نعیم کشمیری ، محمد اسلم انقلابی سمیت دیگر سیاسی مذہبی جماعتوں کے راہنماؤں نے کی ۔ ریلی سے خطاب کرتے ہو مقررین نے کہا کہ کشمیری آج بھارت جے نام نہاد یوم جمہوریہ کے موقع پر دنیا بھر میں احتجاجی مظاہرے کررہے ہیں اس لیئے کہ بھارت نے کشمیری عوام کے حق آزادی جو سلب کر رکھا ہے ۔ مقررین نے کہا کہ بھارت جمہوری نہیں بلکہ ایک دہشت گرد ملک ہے جو نہتے کشمیری شہریوں پر ظلم ڈھا رہا ہے۔ مقررین نے مزید کہا گزشتہ ستتر برسوں سے بھارت جبرواسبتداد کے زریعے کشمیری عوام کے تمام جمہوری ، سیاسی ، سماجی ، مذہبی تمام حقوق پامال کرکے خود کو جمہوری ملک ثابت کرنے کی کوشش کررہا ہے انکا کہنا تھا کہ بھارتی حکومت کالے قوانین AFSPA POTA TADA UAPA PSA کے زریعے کشمیری عوام سے آزادی اظہارِ رائے کے تمام بنیادی حقوق چھین چکا ہے۔ بھارت جعلی جمہوریت کی آڑ میں کشمیر میں بربریت کی بدترین مثالیں رقم کررہا ہے ۔ مقررین نے کہا کہ بھارت کشمیر کی غالب مسلم اکثریتی کو اقلیت میں تبدیل کرنے کیلئے بھارتی شہریوں کو ڈومیسائل جاری کررہا ہے۔ بھارت کا بدترین سامراج جمہوریت کی آڑ میں کشمیر کی زمینوں پر قبضے اور شہریوں کی جائیدادوں کو مسمار کررہا ہے ۔ مقررین نے کہا کہ بھارت ایسا سفاک ملک ہے جس نے مقبول بٹ ، افضل گورو کو آزادی مانگنے کی پاداش میں پھانسیاں دیں ، سید علی گیلانی ، محمد اشرف صحرائی اور الطاف شاہ کو عوامی حقوق اور استصواب رائے مانگنے کے جرم میں جیلوں میں شہید کیا۔ انہوں نے کہا کے اقوامِ متحدہ کی سلامتی کونسل مسئلہ کشمیر کے منصفانہ حل کے لیے اپنا آئینی کردار ادا جرے ۔ انہوں دنیا بھر کے امن اور انصاف پسند ممالک اور اداروں سے اپیل کی کہ وہ بھارت کی جعلی جمہوریت کے لبادے میں چھپا ایک ظالم ملک بھارت کے جارحانہ اقدامات کو روکیں ۔ انہوں نے کہا کہ بھارت کی فسطائیت کو کبھی قبول نہیں کیا جائے گا ۔ بھارتی جبرواسبتداد کے خلاف کشمیری عوام اپنی جدوجھد کو جاری رکھیں گے ۔ یوم سیاہ کے سلسلے میں منعقدہ ریلی کے شرکاء نے برہان وانی شہید چوک سے اقوامِ متحدہ کے مبصر دفتر تک مارچ کیا اور وہاں بھارتی جنگی جرائم کے خلاف قرارداد پیش کی۔ شہریوں نے بھارتی وزیراعظم نریندر مودی کے پتلے کو نظر آتش کیا اور کشمیر میں جاری بدترین مظالم پر بھارتی جھنڈا بھی پھاڑ ڈالا ۔
ڈرائیونگ لائسنس بنوانے کے خواہشمند افراد کے لئے اہم خبر