پانی کی فراہمی 90 فیصد بحال، 10 فیصد علاقوں میں پیر تک مکمل ہوگی،ترجمان واٹرکارپوریشن کراچی
اشاعت کی تاریخ: 25th, January 2025 GMT
کراچی(نیوز ڈیسک)کراچی میں پانی کی فراہمی کی صورتحال بہتر ہو رہی ہے، ترجمان واٹر کارپوریشن کے مطابق شہر کے 90 فیصد علاقوں میں پانی کی فراہمی جاری ہے، جبکہ 10 فیصد علاقوں میں پانی کی فراہمی پیر تک بحال ہو جائے گی۔ دھابیجی پر متاثر ہونے والی لائن نمبر 5 کا مرمتی کام دو روز قبل مکمل کر لیا گیا تھا، جبکہ پی آر سی سی لائن نمبر 1 کا مرمتی کام 70 فیصد مکمل ہو چکا ہے اور باقی کام پیر تک مکمل کر لیا جائے گا۔
ترجمان کے مطابق مرمتی کام 24 گھنٹے جاری ہے اور اس میں تاخیر کی اصل وجہ لائن کی ڈی سیلٹنگ تھی، جس کے دوران 16 فٹ کے 10 پائپس میں 160 فٹ تک مٹی جمع ہو گئی تھی۔ مٹی کو نکالنے میں مشکلات کا سامنا تھا کیونکہ لائن میں ہیوی مشینری نہیں جا سکتی۔ مٹی نکالنے کا عمل آج صبح سے جاری ہے اور اس کے نتیجے میں مرمتی کام میں تاخیر ہوئی ہے۔
واٹر کارپوریشن کے مطابق، دھابیجی سے شہر کو یومیہ صرف 45 ایم جی ڈی پانی کی کمی کا سامنا ہے، تاہم لائن کی ڈی سیلٹنگ کے بعد پانی کی فراہمی میں بہتری آئے گی۔ واضح رہے کہ کے الیکٹرک کی جانب سے دھابیجی پمپنگ اسٹیشن پر بجلی کے بریک ڈاؤن کے باعث پانی کی دو لائنیں متاثر ہوئی تھیں۔
مزیدپڑھیں:شہر قائد کے باسیوں پر بڑی مشکل آ ن پڑ ی،ایک اور پائپ لائن پھٹ گئی
ذریعہ: Daily Ausaf
کلیدی لفظ: پانی کی فراہمی مرمتی کام
پڑھیں:
ملک کے مختلف علاقوں میں بارشوں کا سلسلہ جاری، موسم سہانا ہوگیا
ملک بھر میں بارشوں کا نیا سلسلہ شروع ہوچکا ہے جس کے باعث کئی شہروں میں موسم خوشگوار ہوگیا ہے پنجاب اور خیبرپختونخوا کے مختلف شہروں میں موسلا دھار بارش نے گرمی کا زور توڑ دیا ہے اور شہریوں نے سکھ کا سانس لیا ہے لاہور کے متعدد علاقوں جن میں کینال روڈ گلبرگ جیل روڈ مال روڈ جوہر ٹاؤن اور دیگر علاقے شامل ہیں وہاں گرج چمک کے ساتھ بارش ہوئی ہے جس سے درجہ حرارت میں واضح کمی آئی ہے اور موسم نہایت خوشگوار ہوگیا ہے اسلام آباد راولپنڈی جھنگ ملتان سرگودھا اور پتوکی سمیت مختلف شہروں میں بھی بارش ہوئی ہے جس سے فضا میں تازگی محسوس کی جارہی ہے ڈیرہ اسماعیل خان میں بارش کے ساتھ ژالہ باری بھی دیکھنے میں آئی جبکہ ٹانک ہری پور کرک اور مضافاتی علاقوں میں تیز ہواؤں کے ساتھ موسلا دھار بارش کا سلسلہ جاری رہا ہے ان بارشوں کے باعث کھیتوں اور فصلوں کو فائدہ پہنچنے کا امکان ہے تاہم بعض علاقوں میں بارش کے باعث فیڈرز ٹرپ ہونے سے بجلی کی فراہمی معطل ہوگئی ہے جس سے عوام کو مشکلات کا سامنا کرنا پڑا محکمہ موسمیات کے مطابق آئندہ چند روز تک بارشوں کا یہ سلسلہ جاری رہ سکتا ہے اور بلوچستان کشمیر اور گلگت بلتستان میں بھی بادل برسنے کی پیشگوئی کی گئی ہے تاہم ملک کے جنوبی اور کچھ وسطی علاقوں میں موسم بدستور گرم اور خشک رہنے کا امکان ظاہر کیا گیا ہے ماہرین کا کہنا ہے کہ ان بارشوں سے نہ صرف درجہ حرارت میں کمی آئے گی بلکہ موسمی اثرات میں بھی بہتری دیکھنے کو ملے گی
افغانستان سے دراندازی پھر ناکام، 8 خوارج ہلاک، 4 گرفتار