سہ ملکی کرکٹ سیریز کا شیڈول جاری، پہلا میچ 8 فروری کو ہوگا
اشاعت کی تاریخ: 25th, January 2025 GMT
لاہور:پاکستان کرکٹ بورڈ (پی سی بی)نے پاکستان، نیوزی لینڈ اور جنوبی افریقا کے درمیان ہونے والی سہ ملکی سیریز کا شیڈول جاری کر دیا ہے۔
یہ سیریز 8 تا 14 فروری سنگل لیگ فارمیٹ میں کھیلی جائے گی، جس میں لاہور کے قذافی اسٹیڈیم اور کراچی کے نیشنل بینک اسٹیڈیم میچز کی میزبانی کریں گے۔
سیریز کا شیڈول
پہلا میچ پاکستان بمقابلہ نیوزی لینڈ 8 فروری ہفتے کے روز دوپہر 2 بجے قذافی اسٹیڈیم لاہور میں ہوگا۔
دوسرا میچ نیوزی لینڈ بمقابلہ جنوبی افریقا 10 فروری پیر کے روز صبح 9:30 بجے قذافی اسٹیڈیم لاہور میں ہوگا۔
تیسرا میچ پاکستان بمقابلہ جنوبی افریقا12 فروری بدھ کے روز دوپہر 2 بجے نیشنل بینک اسٹیڈیم کراچی میں ہوگا۔
فائنل میچ 14 فروری جمعہ کے روز دوپہر 2 بجے نیشنل بینک اسٹیڈیم کراچی میں کھیلا جائے گا۔
پی سی بی کی جانب سے قذافی اور نیشنل بینک اسٹیڈیم میں شائقین کے لیے جدید سہولیات فراہم کی گئی ہیں۔ اس حوالے سے بتایا گیا ہے کہ جدید ایل ای ڈی لائٹس اور ڈیجیٹل ری پلے اسکرینز نصب کی گئی ہیں۔ تماشائیوں کے آرام کے لیے نئی کرسیاں لگائی گئی ہیں جب کہ کھلاڑیوں اور آفیشلز کے لیے ہاسپٹلیٹی انکلوژرز شامل کیے گئے ہیں۔
یہ سیریز پاکستان کرکٹ کے لیے آئی سی سی چیمپئنز ٹرافی2025 کی تیاریوں کا بہترین موقع ہوگی اور شائقین کو جدید اسٹیڈیمز کے منفرد تجربے سے لطف اندوز ہونے کا موقع بھی ملے گا۔
.ذریعہ: Jasarat News
کلیدی لفظ: نیشنل بینک اسٹیڈیم کے روز کے لیے
پڑھیں:
ٹیسٹ سیریز: ویسٹ انڈیز کے خلاف دوسرے میچ کے لیے پاکستان کی پلیئنگ الیون کا اعلان
پاکستان نے ویسٹ انڈیز کے خلاف ٹیسٹ سیریز کے دوسرے میچ کے لیے ٹیم کا اعلان کردیا۔
قومی کرکٹ ٹیم کی پلیئنگ الیون میں ایک تبدیلی کی گئی ہے، اور کاشف علی کل انٹرنیشنل کرکٹ میں اپنے کیریئر کا آغاز کریں گے۔
ڈیبیو کرنے والے فاسٹ بولر کاشف علی کو خرم شہزاد کی جگہ ٹیم کا حصہ بنایا گیا ہے۔
ٹیسٹ سیریز کے دوسرے میچ کے لیے قومی کرکٹ ٹیم کے کپتان شان مسعود ہوں گے، اس کے علاوہ محمد ہریرہ، بابراعظم، کامران غلام، سعود شکیل، محمد رضوان، سلمان آغا، ساجد خان، نعمان علی اور ابرار احمد کو شامل کیا گیا ہے۔
واضح رہے کہ پاکستان اور ویسٹ انڈیز کے درمیان ٹیسٹ سیریز کا دوسرا میچ کل ملتان میں ہوگا۔ اس سے قبل پاکستان کو 0-1 کی برتری حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان پاکستان پاکستان کرکٹ بورڈ پلیئنگ الیون پی سی بی ٹیسٹ سیریز قومی کرکٹ ٹیم وی نیوز ویسٹ انڈیز
ڈرائیونگ لائسنس بنوانے کے خواہشمند افراد کے لئے اہم خبر