وفاقی حکومت ضم اضلاع فنڈز کمیٹی کی تشکیل کا نوٹیفکیشن واپس لے، وزیراعلیٰ کے پی
اشاعت کی تاریخ: 25th, January 2025 GMT
فوٹو: فائل
وزیراعلیٰ خیبر پختونخوا علی امین گنڈاپور نے کہا ہے کہ وفاقی حکومت ضم اضلاع کے فنڈز سے متعلق تشکیل دی گئی کمیٹی کا نوٹیفکیشن واپس لے۔
وزیراعلیٰ کے پی نے صوبے کے ضم اضلاع کے فنڈز سے متعلق تشکیل دی گئی وفاقی حکومت کی کمیٹی پر تحفظات کا اظہار کردیا جبکہ انہوں نے اس سلسلے میں وزیراعظم شہباز شریف کو خط لکھ دیا۔
وزیراعلیٰ خیبرپختونخوا علی امین گنڈاپور نے کہا ہے کہ وفاقی حکومت ضم اضلاع کےپورے پیسے ادا نہیں کر رہی ہے۔
اس خط میں وزیراعلیٰ خیبر پختونخوا کا کہنا تھا کہ 25ویں آئینی ترمیم کے تحت فاٹا خیبر پختونخوا میں ضم ہوا، آئین کے مطابق ضم شدہ اضلاع اور تمام انتظامی اختیارات خیبر پختونخوا حکومت کے پاس ہیں۔
اس میں کہا گیا کہ کمیٹی کے قیام کا نوٹیفکیشن نہ صرف آئین کی خلاف ورزی ہے بلکہ صوبائی حکومت کے اختیار کی نفی بھی ہے۔
انہوں نے درخواست کی کہ وفاقی حکومت متنازع کمیٹی کا نوٹیفکیشن واپس لے، اپنے آئینی حقوق کیلئے صوبائی حکومت اعلیٰ عدلیہ سے رجوع کر سکتی ہے۔
.ذریعہ: Jang News
کلیدی لفظ: خیبر پختونخوا کا نوٹیفکیشن وفاقی حکومت ضم اضلاع کے
پڑھیں:
ملک ریاض کے کسی پراجیکٹ میں بھی سرمایہ کاری منی لانڈرنگ کے زمرے میں آئےگی، نیب کا انتباہ