جس کا ’نانی‘ کہہ کر مذاق اڑتا جاتا تھا آج بچے اسے ’ماں‘ کہتے ہیں، عظمیٰ بخاری
اشاعت کی تاریخ: 25th, January 2025 GMT
صوبائی وزیر اطلاعات پنجاب عظمیٰ بخاری کی ڈی جی پی آر میں میڈیا سے گفتگو کرتے ہوئے کہا ہے کہ انہوں نے کہا کہ مریم نواز کو نانی کہہ کر مذاق اڑایا جاتا تھا آج بچے ان کو ماں کہتے ہیں۔
عظمی بخاری کے مطابق صحافتی تنظمیں کہہ رہی ہیں کہ اس بل کو منظور نہ کرے تاکہ مادر پدر آزاد یوٹیوبر ڈالر کمائیں۔
انہوں نے کہا کہ اب اے آئی آگئی ہے خواتین کے ساتھ مردوں کو بھی مشکلات کا سامنا ہے۔
انہوں نے سوال کیا کہ سوشل میڈیا پر میڈیا کے بڑے بڑے رہنما غلط خبریں لگاتے ہیں کسی نے روکا؟ جو صحافی بنتے ہیں لیکن نہیں ہیں ان کا احتساب کیا کسی نے؟
ان کا کہنا تھا کہ پاکستان میں اس وقت دو طرح کی سیاست ہورہی ہے۔ایک کارکردگی کی اور دوسری نفرت کی سیاست۔
صوبائی وزیر اطلاعات کے مطابق پنجاب کے باہر سے بھی لوگ مانتے ہیں کہ پنجاب میں بہت کام ہورہا ہے۔ پنجاب میں کسان کارڈ لوگوں کو مل رہا ہے۔
ان کا کہنا تھا کہ مریم نواز کی پالیسیوں کو فتنہ پارٹی نے اپنے مقاصد کے لیے استعمال کیا۔ پنجاب میں یوریا کھاد کی کھپت میں پچاس فیصد اضافہ ہوا ہے۔
عظمیٰ بخاری کے مطابق چائنا میں جس کمپنی کے ساتھ وزیر اعلیٰ پنجاب نے ملاقات کی تھی ان کے ساتھ ایم او یوز پر دستخط کیے گئے ہیں۔الیکٹرک بائیکس، لیپ ٹاپ اور دیگر پراجیکٹ کامیابی سے جاری ہیں۔
صوبائی وزیر اطلاعات کے مطابق پاکستان کی تاریخ میں اتنے منصوبے شروع نہیں کیے جاسکے۔ مریم نواز کے منصوبے فائلوں سے شروع نہیں ہوتے جب لاگو ہوتے ہیں تب شروع ہوتے ہیں۔
ان کا کہنا تھا کہ نگہبان رمضان پیکیج کے حوالے سے کسی بھی صوبے میں تیاری نہیں کی گئی، وزیر اعلی پنجاب نے اس پر کام شروع کردیا ہے لاکھوں لوگوں کو رمضان نگہبان پیکیج ملے گا۔
عظمیٰ بخاری کا کہنا تھا کہ مستحق خاندان کو 15 فروری تک اپنی رجسٹریشن کرانے کا کہا گیا ہے۔اسٹیٹ آف دی آرٹ رمضان بازار بھی شروع کیے جارہے ہیں۔
ان کا کہنا تھا کہ وزیراعلیٰ پنجاب ایک طرف کام کررہی ہیں دوسری طرف کے پی کے اور بلوچستان کے بچوں سے ملاقات کی۔ وزیراعلیٰ پنجاب نے وعدہ کیا کہ ان کے اسکالرشپ کی بھی کوشش کریں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ان کا کہنا تھا کہ کے مطابق
پڑھیں:
پی ٹی آئی کا حکومت کیساتھ دوبارہ مذاکرات شروع کرنے کا مشروط عندیہ
چیئرمین پی ٹی آئی گوہرعلی خان کا کہنا ہے ہم مذاکرات کیلئے دوبارہ غور کر لیتے ہیں لیکن حکومت کمیشن کا اعلان کرے۔ تفصیلات کے مطابق پارلیمنٹ ہاؤس پہنچنے پر میڈیا سے بات چیت کرتے ہوئے بیرسٹر گوہر کا کہنا تھا بانی پی ٹی آئی نے مذاکرات ہولڈ کیے ہیں، ہم کھلے دل کے ساتھ مذاکرات میں بیٹھے تھے، ہم نے صرف دو مطالبات رکھے تھے، 7 دن کافی تھے کمیشن کیلئے لیکن کوئی پیشرفت نہیں ہوئی۔ان کا کہنا تھا کمیشن کے اعلان کیلئے 7 روز بھی بہت تھے، ہم دوبارہ غور کر لیتے ہیں لیکن حکومت کمیشن کا اعلان کرے۔بیرسٹر گوہر کا کہنا تھا آج کی قانون سازی کی حمایت نہیں کریں گے، حکومت نے اپنے ایجنڈے پر 8 قانون رکھے ہیں، ایک 2021 کا قانون ہے، پانچ 2023 کے اور 2 2024 سے پڑے ہیں، 2021 والا قانون ابھی پاس نہیں ہو سکتا۔یاد رہے کہ گزشتہ روز اڈیالہ جیل کے باہر میڈیا سے گفتگو کرتے ہوئے چیئرمین پی ٹی آئی کا کہنا تھا عمران خان نے حکومت کے ساتھ مذاکرات ختم کر دیے ہیں، حکومت کے ساتھ مذاکرات کا چوتھا دور نہیں ہو گا۔بیرسٹر گوہر کے اعلان پر ردعمل دیتے ہوئے حکومتی کمیٹی کے ترجمان سینیٹر عرفان صدیقی کا کہنا تھا پی ٹی آئی کو مطالبات پیش کرنے میں 42 روز لگے اور ہم سے 7 روز میں جواب مانگ رہے ہیں، ورکنگ ڈیز بھی منگل کو پورے ہوں گے، پی ٹی آئی کی جانب سے مذاکرات کا سلسلہ بند کرنا افسوسناک ہے۔
ملک ریاض کے کسی پراجیکٹ میں بھی سرمایہ کاری منی لانڈرنگ کے زمرے میں آئےگی، نیب کا انتباہ