جان لیوا حادثے کے بعد حب آٹو کراس ریلی منسوخ
اشاعت کی تاریخ: 25th, January 2025 GMT
کراچی:
رواں سال کا پہلا موٹر اسپورٹس ایونٹ جان لیوا حادثہ کے باعث منسوخ کردیا گیا۔
ڈی ایچ اے سٹی کراچی کے یلوچی ٹریک پر ہونے والی حب ریلی آٹو کراس ریس کے دوران ڈرائیور طارق خان کی گاڑی کوحادثہ پیش آیا، گاڑی رکاوٹ سے ٹکراتی ہوئی کچے میں جاگری، جس کی زد میں آکر مقابلے میں ذمہ داری ادا کرنے والا مارشل 22 سالہ دانش شدید زخمی ہوگیا، ڈرائیور معجزانہ طور پر محفوظ رہا۔
حادثے کے باعث ریس تعطل کا شکار ہوگئی، بعدازں دانش کےانتقال کی اطلاع ملنے کے بعد انتظامیہ نے ریس منسوخ کرنے کا اعلان کردیا جبکہ ٹریک پر سوگ کی سی کیفیت طاری ہوگئی۔
ریلی کے چیف آرگنائزر شجاعت شیروانی اور ڈرائیورز نے سانحہ پر اظہار تاسف کرتے ہوئے غمزدہ خاندان کے ساتھ ہرممکن تعاون کی یقین دہانی کرائی ہے۔
دو کلو میٹر کے ٹریک پر ہونے والے پری پئیرڈ، اسٹاک ، ویٹرنز،لیڈیز اور الیکٹرک کار کی کیٹگریز کے مقا بلوں میں ملک بھر سے 50 سے زائد مرد و خواتین ڈرائیورز شریک تھے۔
دریں اثنا حب ریلی آٹو کراس میں حادثہ میں جان بحق مارشل دانش کے اہل خانہ نے سول اسپتال کے باہرمیڈیا سے گفتگو کرتے ہوئےالزام عائد کیا کہ حادثہ کے بعد شدید زخمی کو قریبی اسپتال کے جانے کی بجائے کوسوں دور سول اسپتال لے جایا گیا۔
.ذریعہ: Express News
پڑھیں:
یونائیٹڈ مائنگ کارپوریشن کا حادثہ اور ریسکیو آپریشن
عمر حیات
یونائیٹڈ مائنگ کارپوریشن (UMC) میں گزشتہ دنوں 16جنوری بروز جمعرات کو شام 5بجے کے قریب ایک مائن میں میتھین گیس کی وجہ سے دھماکہ ہوا۔ دھماکہ اس قدر شدید اور زور دار تھا کہ اس کی گونج سات آٹھ کلو میٹر دور تک سنی گئی اور اس کے اثرات بھی محسوس کیے گئے۔دھماکہ کی اطلاع ملتے ہی نیشنل لیبر فیڈریشن کے جنرل سیکرٹری عمرحیات کی قیادت میں این ایل ایف کی ایک ٹیم جس میں خدادائیدخان ،عبدالستار،محمد اسحاق ،محمد رحیم ،محمدریاض،شبیر زمان ودیگر ذمہ داران شامل تھے جائے واقع پر پہنچ گئے۔ جہاں اپنی مدد آپ کے تحت این ایل ایف نے ریسکیو آپریشن شروع کردیا۔حادثہ والی کان کا منہ پچاس سے ستر فٹ تک مکمل طور پر بیٹھ چکا تھا۔ پروفیشنل ڈیزاز سٹرمینجمنٹ اتھارٹی کا عملہ مائنز انسپکٹر رشید ابڑوکے ہمراہ جائے واقع پر پہنچ چکا تھا۔چونکہ حادثہ شدید تھا اور جدید مشینری کی فوری ضرورت تھی اس لیے فوری طور پر این ایل ایف بلوچستان کے جنرل سیکرٹری عمر حیات نیوفاقی سیکرٹری ایچ آر ڈی ڈاکٹر ارشد محمود ، 12کور،چیف سیکرٹری بلوچستان، کمشنر کوئٹہ اور کو کمانڈر کو حادثے کی اطلاع دی۔ جس کے بعد رات تقریباً 11بجے پی ڈی ایم ڈی کے رضا کار بھی جائے واقع پر پہنچ گئے اور دو ایکسویٹر مشین اور ایک بلڈوزر بھی کوئٹہ سے منگوائی گئی۔ ہیوی مشین ہونے کی وجہ 55کلو میٹر کا سفر طے کر کے رات 4بجے کے قریب جائے واقع پر پہنچی جس کے بعد ریسکیو آپریشن اور زیادہ تیزی کے ساتھ شروع ہوااور صبح 9بجے تک کان کا منہ کھول دیا گیا۔ اس کے بعد اس کان کے ساتھ والی کان میں ریسکیو کرنے کے لیے لوگ اتر گئے۔جنہوں نے سخت محنت اور مشقت کے بعد 24 فٹ نیچے 4 شہید مزدوروں تک رسائی حاصل کی اور جمعہ کو دن
12بجے پہلی ڈیڈ باڈی نکالی۔ اس کے بعد 3بجے تک مزید 3 لاشیں نکال لی گئی۔ کان کی گہرائی بہت زیادہ تھی لہٰذا ریسکیو آپریشن دن رات جاری رکھا گیا اور اتوار کے دن 7مزدوروں کی ڈیڈباڈیز کو ریسکیو کیا گیا جو کہ آخری ڈیڈ باڈی تھی۔ان میں ایک ڈرائیور امان اللہ ساکن شانگلہ کی ڈیڈ باڈی تھی، یہ باڈی منگل کے روز صبح 9بجے شانگلہ روانہ کی گئی۔اس آپریشن میں محکمہ پی ڈی ایم اے محکمہ ایئر سیکرٹریٹ آف مائنز، کمشنر کوئٹہ، ڈیگاری کول کمپنی، پی ایم ڈی سی کے انجینئر، سیورینج، حبیب اللہ کول کمپنی، گیلانی کول کمپنی، میر قادر بخش کول کمپنی اور این ایل ایف بلوچستان کے جنرل سیکرٹری عمرحیات اپنے ذمہ داران کے ہمراہ آخری وقت تک موقع پر موجود رہے اور ریسکیو آپریشن میں بڑھ چڑھ کرحصہ لیا۔جس کی بدولت مزدوروں کی سیکورٹی اور ریسکیو آپریشن میں تیزی اور آسانی پیدا ہوئی۔ این ایل ایف کی جانب سے محنت کشوں کے لیے کھانے اور چائے کا انتظام کیا گیا تھا اور آخری دن تک این ایل ایف کی جانب سے متاثرین کی خدمت کی گئی۔ جس کو مقامی لوگوں اور محنت کشوں نے بڑی تحسین پیش کی۔ اس طرح کے بڑھتے ہوئے حادثات کے پیش نظر ضرورت اس امر کی ہے کہ مائنز کے متعلقہ محکمے کو جدید ترین آلات سے لیس کیا جائے اور ریسکیو آپریشن میں حصہ لینے والے مزدوروں کو ان کے جائز حقوق، معاوضے ادا کیے جائیں اور سیفٹی آلات مہیا کیے جائیں۔ مائنز میں ہونے والے حادثات کے پیش نظر مائنز کارکنان کی انشورنس کی جائے اور ہلاک وزخمی ہونے والے محنت کشوں کو مناسب معاوضہ بھی ادا کیا جائے۔
ڈرائیونگ لائسنس بنوانے کے خواہشمند افراد کے لئے اہم خبر