عمران خان نے مذاکرات کیلئے 28 جنوری سے قبل مذاکراتی کمیٹی سے ملاقات کی شرط رکھ دی
اشاعت کی تاریخ: 25th, January 2025 GMT
راولپنڈی(اردوپوائنٹ اخبار تازہ ترین۔25جنوری 2025)بانی پی ٹی آئی عمران خان نے مذاکرات کے چوتھے دور سے قبل پارٹی کی مذاکراتی کمیٹی سے ملنے کی شرط عائد کر دی،28 جنوری کے مذاکراتی دور میں اس وقت تک نہیں بیٹھیں گے جب تک مذاکراتی کمیٹی کو ملاقات کی اجازت نہیں دی جائے گی،راولپنڈی کی اڈیالہ جیل میں پارٹی رہنماﺅں سے ملاقات میں بانی پی ٹی آئی عمران خان کا کہنا تھا کہ مذاکراتی کمیٹی سے متعلق حتمی موقف ملاقات کے بعد دیں گے۔
بانی پی ٹی آئی جیل میںپارٹی رہنماءجنید اکبر اور عاطف خان سے کافی دیر تک گفتگو کرتے رہے۔ عمران خان نے خیبرپختونخواہ میں جنید اکبر کو پارٹی معاملات درست کرنے کا ٹاسک بھی دیا ہے۔بعدازاں اڈیالہ جیل کے باہر میڈیا سے گفتگو کرتے ہوئے پی ٹی آئی کے سیکرٹری جنرل سلمان اکرم راجہ نے کہا کہ آج جیل میں بانی پی ٹی آئی عمران خان سے ملاقات ہوئی ہے جس میں مختلف امور پر تبادلہ خیال کیاگیا ہے ۔(جاری ہے)
انہوں نے کہا کہ آئینی و قانونی جنگ لڑ رہے ہیں۔ سیاسی جنگ بھی لڑتے رہیں گے۔اپنے مطالبات سے کسی صورت پیچھے نہیں ہٹیں گے۔ ہم لاپتہ افراد کا کیس اٹھائیں گے۔ بانی نے کہا جوڈیشل کمیشن کے معاملے سے پیچھے نہیں ہٹیں گے۔ان کا کہنا تھا کہ عالیہ حمزہ ہماری بڑی متحرک کارکن ہیں ان کا بڑا کردار ہے۔ بانی پی ٹی آئی سمجھتے ہیں عالیہ حمزہ کو پنجاب میں بڑا عہدہ دیا جائے ہم بیٹھیں گے اور پنجاب میں عالیہ حمزہ کے حوالے سے اہم فیصلہ کریں گے۔نجاب میں پارٹی کو منظم کرنے کیلئے دیگر لوگوں کو اہم ذمہ داریاں دی جائیں گی۔عمران خان کی ہدایت کے مطابق ہم 28 جنوری کے مذاکراتی دور میں اس وقت تک نہیں بیٹھیں گے جب تک مذاکراتی کمیٹی اور بانی پی ٹی آئی کی ملاقات نہ ہوجائے۔بانی پی ٹی آئی اس چیز سے باخبر ہیں کہ گولی چلی اور فسطائیت کا ماحول ہے۔ ہمارے مطالبات کا مذاق اڑایا گیا، ہم پاکستان کے لوگوں کو بتائیں کہ اس دن کیا ہوا۔ وہ کہتے ہیں گولی چلی نہیں جبکہ ہمارے شہداءبھی ہیں اور زخمی بھی ہیں۔گفتگو کے دوران کا کہنا تھا کہ شیر افضل مروت کے معاملے سے میرا براہ راست کوئی تعلق نہیں ہے وہ پارٹی کی سطح پر معاملہ ہوگا۔ عاطف خان ہمارے ایم این اے ہیں۔واضح رہے کہ اس سے قبل بانی پی ٹی آئی عمران خان نے حکومت کے ساتھ مذاکرات ختم کرنے کا اعلان کیا تھا۔ ان کا کہنا تھا کہ آج کے بعد حکومت کے ساتھ کوئی مذاکرات نہیں کئے جائیں گے ۔ اڈیالہ جیل کے باہر میڈیا سے گفتگو کرتے ہوئے پارٹی چیئرمین بیرسٹرگوہرا نے کہا تھا کہ بانی پی ٹی آئی عمران خان نے جیل سے دیا تھا۔ بانی پی ٹی آئی سے جیل میں ملاقات ہوئی تھی جس میں انہوں نے دو ٹوک اعلان کرتے ہوئے مذاکرات ختم کرنے کاکہا تھا۔حکومت کے ساتھ اب مذاکرات نہیں ہوں گے۔حکومت نے 7روز میں کمیشن بنانا تھا جس کا وقت 23جنوری کوپورا ہوگیاتھا لیکن 7دن گزرنے کے بعد بھی حکومت کی جانب سے 9 مئی اور 26 نومبر پر جوڈیشل کمیشن تشکیل نہیں دیا گیاتھا اس لئے ہم نے مذاکرات ختم کرنے کا اعلان کر دیاتھا۔انہوں نے کہا تھاکہ افسوس کی بات ہے حکومت کی جانب سے ابھی تک کمیشن بنانے کے حوالے سے کوئی اعلان نہیں کیاگیاتھا۔ بانی پی ٹی آئی نے کہا آج حکومت نے جوڈیشل کمیشن کا اعلان نہیں کیا تو مذاکرات ختم سمجھیں۔.
ذریعہ: UrduPoint
کلیدی لفظ: تلاش کیجئے بانی پی ٹی آئی عمران خان مذاکراتی کمیٹی کا کہنا تھا کہ مذاکرات ختم کرنے کا جیل میں نے کہا
پڑھیں:
پی ٹی آئی سیاسی کمیٹی کا مائنز اینڈ منرلز بل کی منظوری عمران خان کی اجازت سے مشروط
ویب ڈیسک : پاکستان تحریک انصاف کی سیاسی کمیٹی نے مائنز اینڈ منرلز بل کی منظوری بانی عمران خان سے مشاورت سے مشروط کردی۔
خیبرپختونخوا اسمبلی میں مائنزاینڈ منرلز بل پرتحریک انصاف کی سیاسی کمیٹی کا اجلاس ہوا جس میں وزیراعلیٰ علی امین نے مائنز اینڈ منرلز بل کے تمام اہم نکات پرجامع وضاحت پیش کی۔اعلامیے میں کہا گیا ہے کہ مائنز اینڈ منرلز بل کی منظوری بانی پی ٹی آئی سے تفصیلی مشاورت کے بعد ہوگی اور بانی پی ٹی آئی کی اجازت اور اعتماد میں لینے کے بعد بل اسمبلی سے منظور کروایا جائے گا۔
اسد عمر نے بزدار کو وزیراعلیٰ پنجاب بنانے کے فیصلے کا تمسخر اڑانا شروع کردیا
کمیٹی کے مطابق یہ بل بانی پی ٹی آئی کےایجنڈے، منشور، بیانیے اور عوامی امنگوں کےعین مطابق ہوگا، اس بل پرکسی قسم کی جلد بازی نہ کی گئی تھی نہ کی جارہی ہےنہ کی جائے گی، بل میں حقوق ومعدنی وسائل وفاق کو منتقل کرنےکی کوئی شق شامل نہیں۔
پی ٹی آئی سیاسی کمیٹی کا کہنا ہے کہ بل میں ایس آئی ایف سی یا کسی وفاقی ادارے کو منتقل کرنے کی کوئی شق شامل نہیں، بل پر تمام اسٹیک ہولڈرز کی مثبت تجاویزکوخوش آمدید کہا جائے گا اور بل منظوری سے قبل دیگرپارلیمانی جماعتوں سے مشاورت جاری رہےگی۔
سپریم کورٹ میں دو ججز کی تعیناتی کیلئے جوڈیشل کمیشن اجلاس
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق