آبپارہ میں ڈکیتی کرنے والے ملزمان گرفتار، کس ملک کے شہری نکلے؟
اشاعت کی تاریخ: 25th, January 2025 GMT
اسلام آباد پولیس نے گزشتہ روز آبپارہ میں ڈکیتی کرنے والے ملزمان کو قلیل وقت میں گرفتار کرلیا ہے۔
پولیس کے مطابق ملزمان میں سلام خان (عرف رضوان) اور فیصل خان شامل ہیں جبکہ ایک ملزم مفرور ہے جس کو جلد گرفتار کیا جائے گا۔
اسلام آباد پولیس کے مطابق ملزمان افغان باشندے ہیں اور اسلام آباد کے نواحی علاقے سوہان میں رہائش پذیر تھے۔
ملزمان سے 1117 گرام سونا، آرٹیفیشل جیولری اور 3 کروڑ 50 لاکھ روپے مالیت کی گھڑیاں بھی برآمد ہونے کا انکشاف ہوا ہے۔
پولیس کے مطابق ملزمان کا سابقہ ریکارڈ بھی چیک کیا جارہا ہے۔
یہ بھی پڑھیے:شادی سے بچنے کے لیے نوجوان نے خود کو گولی ماری، ڈکیتی واردات کے دوران فائرنگ کے واقعہ کا ڈراپ سین
ڈی آئی جی اسلام آباد سید علی رضا نے ملزمان کی قلیل وقت میں گرفتاری اور مال مسروقہ کی برآمدگی پر پولیس ٹیم کے لیے نقد انعام کا اعلان کیا ہے۔
ان کا کہنا تھا کہ اسلام آباد پولیس کے پیشہ ورانہ تفتیشی نظام کے باعث مجرمان کو عدالتوں سے سزائیں بھی ہورہی ہیں، گزشتہ روز عدالت نے قتل کے دومجرمان کو سزائیں سنائیں۔
واضح رہے کہ تھانہ سنبل کے علاقہ میں ڈکیتی کے دوران ایک شہری کو قتل کرنے والے ایک مجرم کو سزائے موت اور دوسرے کو عمر قید کی سزا ہوئی ہے۔
مقتول کی والدہ نے ڈی آئی جی کے ہمراہ پریس کانفرنس میں شرکت کی اور اسلام آباد پولیس کا شکریہ ادا کیا۔
یہ بھی پڑھیے:اسلام آباد پولیس کی کارروائی، راہزنی کی متعدد وارداتوں میں مطلوب گینگ کو دھرلیا
ڈی آئی جی سید علی رضا نے کہا کہ اسلام آباد میں سٹریٹ کرائم سمیت سنگین جرائم میں کمی واقع ہوئی ہے، اسلام آباد پولیس شہریوں کو تحفظ فراہم کرنے کے لئے ہمہ وقت کوشاں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: اسلام آباد پولیس پولیس کے
پڑھیں:
رہزنی کے دوران قتل کے مجرموں کو سزائے موت اور جرمانے کی سزا
اسلام آباد:رہزنی کے دوران قتل کے مجرموں کو عدالت نے سزائے موت اور جرمانے کی سزا سنا دی۔
ترجمان اسلام آباد پولیس کے مطابق رہزنی کے دوران قتل کے مجرموں کو عدالت کی جانب سے سزائیں سنا دی گئیں۔ اسلام آباد پولیس کی مؤثر پولیسنگ کے نتیجے میں مجرم رضوان گو ہر کو قتل کے جرم میں سزا موت اور06 لاکھ روپے جرمانہ جب کہ مجرم کمال احمد کو عمر قید اور 05 لاکھ روپے ہرجانے کی سزا سنائی گئی ہے۔
مجرموں نے رہزنی کی واردات کے دوران مزاحمت پر فائرنگ کر کے شہری وسیم اکرم کو قتل کر دیا تھا۔ واقعے کا مقدمہ جنوری 2024 میں تھانہ سنبل میں درج کیا گیا تھا۔
اسلام آباد پولیس کی جانب سے ٹھوس شواہد اور مقدمے کی مؤثر پیروی کے پیش نظر عدالت نے مجرموں کو قرار واقعی سزا سنائی، جس پر ڈی آئی جی اسلام آباد نے ایس ایس پی انویسٹی گیشن اور تفتیشی و لیگل ٹیموں کو شاباش دی ہے۔ انہوں نے کہا کہ قتل جیسے سنگین مقدمات میں ملوث مجرموں کو سزائیں ملنا حق اور انصاف کی فتح ہے۔
ڈرائیونگ لائسنس بنوانے کے خواہشمند افراد کے لئے اہم خبر