مرزا گوہر رشید اور کبریٰ خان نے شادی کا باضابطہ اعلان کردیا، ویڈیو وائرل
اشاعت کی تاریخ: 25th, January 2025 GMT
پاکستان شوبز کی معروف جوڑی مرزا گوہر رشید اور اداکارہ کبریٰ خان نے شادی کا باضابطہ طور پر اعلان کردیا۔
گوہر رشید اور کبریٰ خان نے فوٹو اینڈ ویڈیو شیئرنگ ایپ انسٹاگرام پر ایک دلچسپ ویڈیو کے زریعے اپنی شادی کا اعلان کیا ہے جو کہ سوشل میڈیا پر مداحوں کی توجہ کا مرکز بنی ہوئی ہے۔
ویڈیو میں مومل مرزا، شہزاد شیخ اور ان کی اہلیہ، ہمایوں سعید اور دیگر نامور فنکاروں کو دلچسپ انداز میں ’میرے یار کی شادی‘ پر تبصرے کرتے دکھایا گیا ہے۔ ویڈیو کے کیپشن میں لکھا ہے ’آپ کے پیار اور دعاؤں کے ساتھ بسم اللہ‘۔
View this post on InstagramA post shared by Kübra Khan (@thekubism)
ویڈیو کے آخر میں گوہر رشید اور کبریٰ خان ایک جیسی ہوڈی میں ملبوس مزاحیہ انداز میں بتاتے ہیں کہ وہی ہیں جن کی شادی ہورہی ہے جس پر کبریٰ خان شرما جاتی ہیں اور گوہر رشید ان کو گلے لگا لیتے ہیں۔
یاد رہے کہ سوشل میڈیا پر گزشتہ ماہ سے کبریٰ اور گوہر رشید کی شادی کی تیاریوں کی قیاس آرائیاں کی جارہی تھیں تاہم اب اس خوبصورت جوڑی نے شادی کے بندھن میں بندھنے کا اعلان کر کے ان افواہوں کی تصدیق کردی ہے۔
.ذریعہ: Express News
کلیدی لفظ: گوہر رشید اور
پڑھیں:
کراچی کی ‘برقعہ بیٹر’ نے لڑکوں کو بھی ناکوں چنے چبوا دیے، ویڈیو وائرل
کراچی کی رہائشی فائزہ اعظم خان نے اپنی شاندار کرکٹ صلاحیتوں کی وجہ سے سوشل میڈیا پر تہلکہ مچا دیا۔
سوشل میڈیا پلیٹ فارمز پر ایک ویڈیو ہورہی ہے جس میں کراچی سے تعلق رکھنے والی نوجوان باہمت لڑکی فائزہ اعظم خان کرکٹ سے اپنی محبت کے بارے میں بتارہی ہیں، جنہوں نے ہر اس میدان میں لڑکوں کو بھی پیچھے چھوڑ دیا ہے۔
پیشے کے اعتبار سے بینک افسر فائزہ نے حال ہی اپنی کرکٹ مہارت دکھاتے ہوئے ایک ویڈیو شیئر کی، جو دیکھتے ہی دیکھتے وائرل ہوگئی اور مداحوں نے انکی ہمت اور حوصلے کو سراہا۔
مزید پڑھیں: بابراعظم کی ناقص فارم؛ پشاور زلمی کی “کپتانی” بھی لینےکا مطالبہ
فائزہ نے ایک نجی ٹی وی کو انٹرویو دیتے ہوئے بتایا کہ وہ پیشے کے اعتبار سے بینکر ہیں اور محض ہفتے میں ایک دن انہیں کرکٹ کھیلنے کا ملتا ہے، جس کیلئے وہ فریئر ہال آتی ہیں اور اپنے کرکٹ کو شوق پورا کرنے کی کوشش کرتی ہیں۔
فائزہ کا کہنا تھا کہ کھیل کے دوران لوگ انکی کارکردگی کو سراہتے ہیں لیکن کبھی ایسا نہیں ہوا کوئی بدنظمی ہوئی ہو، انکا کہنا تھا کہ 3 سال سے باقاعدہ کرکٹ کھیلنے کی تربیت حاصل کر رہی ہوں تاہم میری پہچان یہاں برقعہ پہن کر بیٹنگ اور فیلڈنگ کرنا ہے۔
نوجوان کرکٹر کا کہنا تھا کہ میں نے گھر والوں کی مکمل حمایت سے یہ سفر شروع کیا۔ برقعہ میری پہچان ہے، لیکن یہ میری صلاحیتوں کی راہ میں رکاوٹ نہیں۔ میں چاہتی ہوں کہ تمام خواتین کو پتہ چلے کہ پردہ اور کھیل دونوں ایک ساتھ ممکن ہیں۔
مختصر سی ویڈیو میں فائزہ کو کور ڈرائیو، پل شاٹ، ہک کرتے دیکھا جاسکتا ہے جس میں وہ نہایتی پروفیشنل انداز میں اپنی مہارت کا مظاہرہ کررہی ہیں۔
فائزہ کی کرکٹ کوچ شازیہ خان کا کہنا ہے فائزہ کی ٹیکنک کسی بھی قومی سطح کی کھلاڑی جیسی ہے، اگر انہیں موقع ملا تو وہ پاکستان کیلئے قیمتی اثاثہ ثابت ہوں گی۔
دوسری جانب فائزہ کی ہمت کی کہانی سوشل میڈیا پر کئی پلیٹ فارمز نے شیئر کی ہے۔
Post Views: 1
پارٹی رہنماوں کے ایک دوسرے پر الزامات، عمران خان نے وارننگ دیدی