درِفشاں سلیم نے فیشن گیم کا لیول پھر سے ہائی کردیا
اشاعت کی تاریخ: 25th, January 2025 GMT
کراچی(نیوز ڈیسک)پاکستانی اداکارہ درِفشاں سلیم نے سفید آؤٹ فٹ میں کروایا گیا فوٹوشوٹ سوشل میڈیا کی زینت بنا کر سب سے تعریف کے ٹوکرے سمیٹ لیے۔درِ فشاں سلیم کا شمار پاکستان کی صفِ اول کی اداکاراؤں میں ہوتا ہے۔ اور انہوں نے یہ مقام بہت ہی کم عرصے میں حاصل کیا ہے۔در فشاں سلیم ایک ایسی اداکار ہیں جنہوں نے گزشتہ چند سالوں میں بے انتہا شہرت حاصل کی ہے جن کی وجۂ شہرت اداکاری کے ساتھ ساتھ انکی خوبصورتی بھی ہے۔
درِفشاں سلیم کے نام سے جُڑی دلچسپ کہانی کیا؟
در فشاں سلیم نے ڈرامہ دلربا سے اداکاری کی دنیا میں قدم رکھا لیکن انہیں سب سے پہلے شہرت بخشنے والا ڈرامہ کیسی تیری خودغرضی ثابت ہوا۔یوں توپردیس اوربھڑاس بھی درِ فشاں کے مشہور ڈرامے ہیں لیکن ان کی شہرت میں رواں سال حیران کن اضافے کا سبب بننے والا ڈرامہ عشق مرشد ثابت ہوا جس میں وہ خوبرو اداکار بلال عباس کے ساتھ اداکاری کے جوہر دکھاتی نظر آئیں جبکہ اسی کے ساتھ ڈرامہ خئی میں وہ ایک ایسی لڑکی کا کردار نبھاتی نظر آئیں جو خاندان کا بدلہ قاتلوں سے لیتی ہے۔درِفشاں کی اداکاری تو اچھی ہے لیکن لیکن انکے فیشن سینس کے بھی مداح دیوانے ہیں اور یوں کہیے کہ درِفشاں جو بھی پہنتی ہیں ان پر جچتا ہے۔درِفشاں کی دلکش مسکراہٹ اور ہستی ہوئی آنکھوں کے چرچے ہر سو ہیں اور یہی وجہ ہے کہ انسٹاگرام ریل ہو یا ریمپ ورک، وہ اپنی دلکش مسکراہٹ چہرے پر لازمی سجائے رکھتی ہیں۔
اداکارہ نے فوٹو اینڈ ویڈیو شیئرنگ ایپ انسٹاگرام پر ایک ایسی پوسٹ شیئر کی ہے جس میں شامل تصاویر میں وہ بے حد سادہ تیار ہیں لیکن اتنی دلکش نظر آرہی ہیں کمنٹ سیکشن میں فینز تعریف کرنے سے خود کو روک نہیں پا رہے ہیں۔شیئر کی گئیں تصاویر میں درِفشاں سلیم سفید سوئٹ شرٹ کے ساتھ میچنگ ٹراؤزر پہنی ہوئی ہیں جو انکی صاف رنگت کو مزید نکھار رہا ہے۔درِفشاں نے زلفوں کو بھی کس کر پونی میں باندھ رکھا ہے جس کو اسٹائل بخشتے ہوئے گوگلز سر پر ٹکا رکھے ہیں۔؎کمنٹ سیکشن میں کوئی درِفشاں سلیم کو اپنا کرشقرار دیتا نظر آرہا ہے تو کوئی انہیں اپنےخوابوں کی ملکہ کہہ رہا ہے۔
امریکا: جنوبی کیلیفورنیا میں مزید 5 مقامات پر آگ بھڑک اٹھی
.ذریعہ: Daily Ausaf
کلیدی لفظ: فشاں سلیم ہے در فشاں کے ساتھ
پڑھیں:
حکومت ختم ہوئی تو زیادہ نقصان مسلم لیگ ( ن ) کو ہوگا، گورنر پنجاب
لاہور: گورنر پنجاب سلیم حیدر نے کہا ہے کہ حکومت ختم ہوئی تو سب سے زیادہ نقصان مسلم لیگ ( ن ) کو ہوگا۔
مہمند لوئر جرگہ کے نمائندہ وفد سے ملاقات کے دوران گفتگو کرتے ہوئے گورنر پنجاب سردار سلیم حیدر کا کہنا تھا کہ سب نے مل کر پاکستان کی ترقی و استحکام کیلئے کام کرنا ہے، پاکستان میں تمام زبانوں کے لوگ ووٹ ڈالنے کا حق رکھتے ہیں، حکومت پختون قوم کے شناختی کارڈ اور پاسپورٹ کے حصول میں آسانیاں پیدا کرے۔
گورنر پنجاب کا کہنا تھا کہ پیپلز پارٹی مہمند لوئر جرگہ کے مسائل حل کرنے میں کردار ادا کرے گی۔
سلیم حیدر کا کہنا تھا کہ پیپلز پارٹی آزادی صحافت پر یقین رکھتی ہے، حکومت کو چاہیے تھا صحافیوں سے مشاورت کے بعد پیکا قانون بناتے۔
انہوں نے کہاکہ تمام تر مخالفت کے باوجود ن لیگ کو حکومت بنانے کیلئے ساتھ دیا، حکومت ختم ہوئی تو سب سے زیادہ نقصان مسلم لیگ ( ن ) کو ہوگا ، اُسے سوچنا چاہیے، ن لیگ کو یہ بھی سوچنا چاہیے کہ پیپلزپارٹی ن لیگ سے ملی تو شہبازشریف وزیراعظم بنے۔
انہوں نے کہا کہ پی ٹی آئی اورمسلم لیگ ن کوملک کی خاطر مذاکرات کا راستہ اپنانا چاہیے، صدر آصف زرداری مفاہمت کے بادشاہ ہیں ، وہ مفاہمت کی سیاست پر یقین رکھتے ہیں۔
ملک ریاض کے کسی پراجیکٹ میں بھی سرمایہ کاری منی لانڈرنگ کے زمرے میں آئےگی، نیب کا انتباہ