شہید شوہر کے نقش قدم پر چلنے والی پرعزم اور باہمت خاتون ثمرین کوثر کون ہیں؟
اشاعت کی تاریخ: 25th, January 2025 GMT
شہدا کی قربانیوں کی بدولت ہمارا آج محفوظ اور مستقبل روشن ہے۔ نائیک محمد آصف نواز شہید کی بیوہ ثمرین کوثر نے اپنے شوہر کی شہادت کو اپنی طاقت، حوصلہ اور جینے کا مقصد بنالیا ہے۔
نائیک محمد آصف نواز شہید پنجاب رجمنٹ کے دلیر سپاہی تھے جنہوں نے 22 نومبر 2017 کو سیاچن کے محاذ پر دفاع وطن میں جام شہادت نوش کیا۔
یہ بھی پڑھیں: بیٹے کی شہادت پرسر فخر سے بلند ہوگیا، والد شہید سب انسپیکٹر عدنان قریشی
سیاچین جانے سے قبل وہ دہشتگردوں کے خلاف کامیاب آپریشنز کاحصہ بھی رہ چکے تھے، ان آپریشنز میں انہوں نے 3 دہشتگردوں کو جہنم واصل کیا ۔
ان کی اہلیہ، ثمرین کوثر نے اپنے شوہر کے نقش قدم پر چلتے ہوئے اے ایس ایف کو جوائن کیا۔ اس حوالے سے ثمرین کوثر کا کہنا ہے کہ میرے شوہر کی شہادت نے مجھے مزید مضبوط اور پرعزم بنا دیا ہے۔
انہوں نے کہا، ’میں نے اپنے شوہر کے نقش قدم پر چلنے کا فیصلہ کیا تاکہ ان کی قربانی کو ہمیشہ زندہ رکھ سکوں، میں وردی پہن کر وطن کی حفاظت کرنا اپنا فرض سمجھتی ہوں اور یہی یہ میرا عزم ہے‘۔
پاک فوج نے ثمرین کوثر کے جذبے کو سراہتے ہوئے انہیں ایئرپورٹ سیکیورٹی فورس (ASF) میں شامل ہونے کا موقع دیا، ثمرین کوثر اب اے ایس ایف اکیڈمی کراچی میں تربیت حاصل کر رہی ہیں اور ان کی پاسنگ آؤٹ قریب ہے۔
یہ بھی پڑھیں: پاکستان کے لیے جان کا نذرانہ پیش کرنے والے 2 بہادر عیسائی نوجوان کون ہیں؟
ثمرین کوثر کی ہمت و قربانی ہر پاکستانی کے لیے مثال ہے اور ان کی کہانی حب الوطنی کی روشن علامت ہے۔ نائیک آصف نواز شہید اور ان کی اہلیہ جیسے عظیم لوگ قوم کا فخر ہیں، ان کی جدوجہد یہ پیغام دیتی ہے کہ شہدا کا خون وطن کے لیے لازوال محبت کی علامت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اے ایس ایف باہمت بہادر بیوہ پاک فوج پاکستان ثمرین کوثر حب الوطنی حفاظت شمولیت شہادت عزم فرض نائیک محمد آصف نواز شہید وطن.ذریعہ: WE News
کلیدی لفظ: اے ایس ایف باہمت بہادر بیوہ پاک فوج پاکستان ثمرین کوثر حب الوطنی حفاظت شمولیت شہادت نائیک محمد آصف نواز شہید آصف نواز شہید ثمرین کوثر کے لیے
پڑھیں:
دبئی اور ابوظہبی کے درمیان بلٹ ٹرین چلنے کے لیے تیار، رفتار کیا ہوگی؟
متحدہ عرب امارات میں اتحاد ریل نے پہلی تیز رفتار الیکٹرک مسافر ٹرین کی نقاب کشائی کی گئی ہے، جو 350 کلومیٹر فی گھنٹہ کی رفتار سے 30 منٹ میں ابوظہبی اور دبئی کو جوڑے گی۔
یہ بھی پڑھیں: ٹیکنالوجی اور تخلیق کاری کا ملاپ: دبئی میں عالمی ایونٹ کا انعقاد
ریم آئی لینڈ، سعدیات، یاس آئی لینڈ، اور ابوظہبی کے زید انٹرنیشنل ایئرپورٹ کے ساتھ ساتھ دبئی میں المکتوم انٹرنیشنل ایئرپورٹ اور الجدف کے علاقے کے قریب یہ ٹرین 350 کلومیٹر فی گھنٹہ کی رفتار سے 6 اسٹیشنوں سے گزرے گی۔
https://twitter.com/HamdanMohammed/status/1882415347837354041
اس جدید ترین ٹرانسپورٹ آپشن کے علاوہ، اتحاد ریل ایک باقاعدہ مسافر ٹرین بھی چلائے گی، اتحاد ریل کے چیف پروجیکٹ آفیسر محمد الشہی کے مطابق ابھی تک اس ترین منصوبے کی تیاری کا کوئی اندازہ نہیں ہے۔
’تیز رفتار ٹرین اور اس سے متعلقہ انفراسٹرکچر کو ٹینڈرز مکمل کرنے کے بعد بنایا جائے گا، اس منصوبے سے اگلے 50 سالوں میں متحدہ عرب امارات کی مجموعی گھریلو پیداوار میں 145 ارب درہم کا اضافہ متوقع ہے۔‘
مزید پڑھیں:دبئی میں انٹرسیک 2025 کا آغاز ، پاکستانی پویلین کا افتتاح
اس کے مقابلے میں ایک باقاعدہ مسافر ٹرین آخر کار پورے متحدہ عرب امارات میں میزیرا سے ہوتی ہوئی صحرائے لیوا اور اس کے مشہور نخلستان کے ساتھ ساتھ عمان کی سرحد کی جانب سفر کرے گی۔
اس تیز رفتار ٹرین کے شارجہ اور فجیرہ میں بھی اسٹیشن ہوں گے اور خلیج تعاون کونسل ریلوے کے فعال ہونے کے بعد اس کا دائرہ کار دیگر خلیجی ممالک تک پھیلایا جائے گا۔
مزید پڑھیں:ملک ریاض کے دبئی پراجیکٹ میں سرمایہ کاری منی لانڈرنگ کے زمرے میں آئےگی، نیب کا انتباہ
ریگولر اسپیڈ مسافر ٹرین تمام امارات کو جوڑے گی۔ یہ 200 کلومیٹر فی گھنٹہ کی رفتار سے 400 مسافروں کے ساتھ سفر کرے گا، اس کی ریل کارگو ٹرین جیسی ہے، جس کے ابوظہبی، دبئی، شارجہ اور فجیرہ میں 4 اسٹیشن ہوں گے۔
ترجمان اتحاد ریل کے مطابق اگرچہ یہ ٹرین پوری طرح سے لیس اور تیار ہے، تاہم ابھی تک یہ نہیں بتایا جاسکتا کہ یہ کب فعال ہوجائے گی۔
مزید پڑھیں: ٹیکنالوجی اور تخلیق کاری کا ملاپ: دبئی میں عالمی ایونٹ کا انعقاد
ایکس پر اپنی ایک پوسٹ میں دبئی کے ولی عہد حمدان بن محمد نے بتایا کہ انہوں نے صدر شیخ محمد بن زاید النہیان اوروزیراعظم شیخ محمد بن راشد آل مکتوم کی ہدایت پر ابوظہبی کے ولی عہد شیخ خالد بن محمد بن زاید النہیان کے ہمراہ ابوظہبی کو دبئی سے جوڑنے والے ہائی اسپیڈ ٹرین منصوبے کے تاریخی آغاز کا مشاہدہ کیا۔
وزیر دفاع حمدان بن محمد کے مطابق 350 کلومیٹر فی گھنٹہ کی زیادہ سے زیادہ رفتار سے اس ٹرین سے سفر کا وقت صرف 30 منٹ تک کم کررہا ہے۔’یہ منصوبے متحدہ عرب امارات کے پائیداراورجدید نقل و حمل کے حل کے عزم کی عکاسی کرتے ہیں، جو رابطے اور معیار زندگی کو بہتر بناتے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابوظہبی بلٹ ٹرین حمدان بن محمد دبئی شارجہ صحرائے لیوا عمان فجیرہ کارگو ٹرین مسافر نخلستان ولی عہد
ملک ریاض کے کسی پراجیکٹ میں بھی سرمایہ کاری منی لانڈرنگ کے زمرے میں آئےگی، نیب کا انتباہ