وزیرِاعظم شہباز شریف کا دورہ آزاد کشمیر: روشن مستقبل کی نوید
اشاعت کی تاریخ: 25th, January 2025 GMT
وزیرِاعظم پاکستان شہباز شریف کا حالیہ دورہ آزاد کشمیر امید افزا قدم کے طور پر سامنے آیا ہے جس میں انہوں نے آزاد کشمیر کے عوام، خصوصاً نوجوان نسل کے لئے ترقی کی نئی راہیں کھولنے کے عزم کا اظہار کیاہے۔ 22 جنوری 2025 کو وزیراعظم پاکستان نے بھمبر آزاد کشمیر میں آزاد کشمیر کے پہلے دانش اسکول کا سنگ بنیاد بھی رکھا۔ یہ منصوبہ آزاد کشمیر میں معیاری تعلیم کے فروغ کے لئے ایک اہم اقدام ہے جس کا مقصد کم وسیلہ خاندانوں کے بچوں کو بڑے شہروں کے طلبہ کے مساوی تعلیمی مواقع فراہم کرنا ہے۔ دانش اسکول کا قیام اس بات کا عملی مظاہرہ ہے کہ حکومت پاکستان تعلیم کو ترقی کے محور کے طور پر دیکھتی ہے اور غربت و جہالت کے خاتمے کے لئے تعلیم کو ایک مؤثر ذریعہ سمجھتی ہے اور اس انقلابی مہم میں کشمیری بچوں کو آراستہ اور پیراستہ کرنا اولین فرض ہے۔
آزاد کشمیر میں دانش اسکول کا منصوبہ سماجی و معاشی ترقی کے لئے بنیاد فراہم کرے گا جہاں کم آمدنی والے خاندانوں کے بچوں کو مفت تعلیم، یونیفارم اور دیگر سہولیات مہیا کی جائیں گی اس اقدام سے نہ صرف بچوں کے روشن مستقبل کی راہ ہموار ہوگی بلکہ یہ اقدام معاشرتی ہم آہنگی کے فروغ میں بھی کردار ادا کرے گا۔ وزیراعظم شہباز شریف نے یقین دہانی کرائی کہ یہ منصوبہ پورے آزاد کشمیر میں پھیلایا جائے گا تاکہ ہر بچہ معیاری تعلیم تک رسائی حاصل کر سکے اور مستقبل کے چیلنجز کا سامنا علمی بنیادوں پر کرنے کے قابل ہوسکے۔
بھارت کے غیر قانونی زیرِ تسلط جموں و کشمیر کے نمائندہ فورم کل جماعتی حریت کانفرنس کے رہنماؤں کی موجودگی اس بات کی گواہی دیتی ہے کہ پاکستان کی قیادت آر پار کشمیری عوام کے ساتھ والہانہ محبت اور یکجہتی رکھتی ہے۔ وزیراعظم شہباز شریف نے اپنے خطاب میں مقبوضہ جموں و کشمیر کی صورتحال پر روشنی ڈالتے ہوئے کہا ہے کہ مقبوضہ جموں کشمیر شہیدوں کے لہو سے سرخ ہوچکا ہے اور بھارتی فوج کشمیری عوام پر ناقابل برداشت مظالم ڈھا رہی ہے۔ وزیرِاعظم نے یقین دلایا کہ پاکستان کی حکومت، عوام اور افواج پاکستان کا کشمیر کاز سے وابستگی غیر متزلزل ہے پاکستانی افواج کے سربراہ جنرل عاصم منیر کی اس حوالے سے کمٹمنٹ بے مثال ہے اور پاکستان کشمیریوں کے حصولِ آزادی تک وفا نبھائے گی۔
حریت قیادت نے حکومت پاکستان کے اس اقدام کو کشمیر کاز سے وابستگی اور کشمیری عوام کے مسائل کو سمجھنے کی علامت قرار دیا ہے آزاد کشمیر کے عوام نے وزیراعظم کے اس دورے اور تعلیمی منصوبے کو خوش آئند قرار دیا ہے جو آزاد کشمیر کے بچوں کے لئے ایک روشن مستقبل کی ضمانت فراہم کرے گا۔ اس اقدام سے تعلیمی سہولیات کی کمی کا شکار دور دراز علاقوں میں ترقی کی نئی امید پیدا ہوئی ہے اور خطے میں خوشحالی کے امکانات روشن ہوجائیں گے۔
وزیراعظم کا دورہ آزاد کشمیر نہ صرف تعلیم کے فروغ کا عملی مظاہرہ ہے بلکہ کشمیر دوست حکمرانی کا ثبوت بھی۔ دانش اسکول منصوبہ حکومت پاکستان کے اس وژن کا حصہ ہے کہ آزاد کشمیر کے بچوں کو بلا تفریق معیاری تعلیم تک رسائی دی جائے اور انہیں ترقی کے مساوی مواقع فراہم کئے جائیں۔ دنیا بھر میں جب تعلیم کو اولین ترجیح دی جارہی ہے آزاد کشمیر میں دانش اسکولوں کے قیام کا فیصلہ ایک اہم اقدام ہے جو حکومت کی سنجیدگی اور عوامی مسائل کے حل کی جستجو کو ظاہر کرتا ہے۔
یہ کہنا بے جا نہ ہوگا کہ آزاد کشمیر میں دانش اسکولوں کا قیام محض ایک تعلیمی منصوبہ نہیں بلکہ ایک خواب کی تعبیر ہے۔ یہ اقدام آزاد کشمیر کی تعلیمی اور سماجی ترقی کے لئے ایک سنگ میل ثابت ہوگا اور پاکستانی قیادت کی کشمیری عوام سے محبت اور حمایت کا عملی ثبوت ہے۔ دانش اسکول منصوبہ ترقی کی وہ روشنی ہے جو آزاد کشمیر کے ہر کونے میں پھیل سکتی ہے بشرطیکہ وزیر اعظم پاکستان کے اس وژن کو عملی اقدامات کے ذریعے تقویت دی جائے۔
.ذریعہ: Jasarat News
کلیدی لفظ: ا زاد کشمیر کے کشمیری عوام دانش اسکول شہباز شریف ترقی کے بچوں کو کے بچوں کے لئے ہے اور
پڑھیں:
امریکی اراکین کانگریس نے دورہ پاکستان کو کامیاب اور مثبت قرار دیدیا
سٹی42:پاکستان کے دورے پر آئے امریکی اراکین کانگریس نے اپنے دورے کو انتہائی کامیاب اور مستقبل کےحوالے سے اہم قرار دیا ہے، پاکستان میں اعلیٰ سیاسی و عسکری شخصیات سےملاقات دونوں ملکوں کے تعقات کو مزید مستحکم کرے گی۔
دورے کے حوالے سے گفتگو کرتے ہوئے رکن کانگریس جیک وارن برگ مین نے کہا کہ’ پاکستان اور امریکا کے تعلقات کی اہمیت مسلم ہیں، اس کی اہمیت کو مستقبل میں کم نہیں سمجھا جاسکتا‘ اس کے مثبت اثرات نہ صرف پاکستان اور امریکہ, بلکہ دنیا کے دیگر ترقی پذیر علاقوں پر بھی مرتب ہونگے۔
حافظ آباد میں آرگنائزڈکرائم یونٹ کو ن لیگ کے پبلک دفتر پرچھاپہ مارنا مہنگا پڑ گیا
جیک وارن برگ مین کا کہنا تھا کہ ہم یہاں مخصوص شعبوں میں کام کر رہے ہیں اور شراکت داری کو فروغ دے رہے ہیں، اس شراکت داری میں معدنیات ایک اہم شعبہ ہے،یہ اقدامات آنے والے وقت میں ایسی مضبوط صنعتوں کی بنیاد رکھیں گے جو پاکستان سمیت پوری دنیا کے لیے فائدہ مند ہوں گی،کان کنی کے نئے طریقے، نئی مصنوعات، یہ تمام عناصر ہمارے پیداواری مستقبل کے لیے نہایت اہم ہیں۔
خلیل الرحمان قمر ہنی ٹریپ و اغوا کیس کا فیصلہ آگیا
پاکستان اور امریکہ کے درمیان تعلقات اس لیے ضروری ہیں کہ ہم دونوں ملک آزادی پر یقین رکھتے ہیں،کانگریس مین تھامس رچرڈ سوازی نے گفتگو کا آغاز السلام علیکم اور شکریہ سے کیا۔
تھامس رچرڈ سوازی کا کہنا تھا کہ پاکستان کا دورہ شاندار رہا، ہم پاکستانیوں کی میزبانی کے شکر گزار ہیں،ہمیں پاکستان اور امریکہ کے تعلقات کو مضبوط بنیادوں پر استوار کرنا ہوگا،پاکستانی تارکین وطن کو ایک سفیر کے طور پر دیکھتے ہیں جنہوں نے ہماری سر زمین پر کامیاں حاصل کیں۔
شاہدرہ ٹاؤن: تیز رفتار بس نے موٹر سائیکل سوار خاتون کو کچل دیا
پاکستانیوں میں بے شمار خوبیاں موجود ہیں، یہ لوگ محنتی، تعلیم یافتہ اور خاندانی ہیں،معاشی سلامتی کیلئے دونوں ملک مل کر کام کرینگے، اور معاشی سرگرمیوں کو فروغ دینگے،کانگریس مین جوناتھن لوتھر جیکسن نے دورہ پاکستان کو خوش آئند قرار دیتے ہوئے کہا کہ’ میں نے پاکستان میں ایمان، اتحاد اور نظم و ضبط کا عملی مظاہرہ دیکھا‘‘
مشترکہ تاریخ اور اعتماد کی بنیاد پر پاکستان کے ساتھ تعلقات کو مزید مضبوط بنانے کا ایک سنہری موقع موجود ہے،مجھے یقین ہے کہ پاکستان کا مستقبل انتہائی روشن ہے،پاکستان میں مذہبی مقامات کا دورہ کیا، پاکستان کے اعلیٰ ترین حکام سے ملاقاتیں بھی کیں۔
جوناتھن لوتھر جیکسن کا مزید کہنا تھا کہ پاکستان کے تعلقات کو مزید مستحکم کرنے، انہیں وسعت دینے اور پاکستان کی کامیابیوں کے لیے پُرعزم ہوں۔
قصورسےاغواہونیوالی جواں سالہ لڑکی کاڈراپ سین
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا