خیراتی اسپتال کا پلاٹ واگزار کروا لیا گیا
اشاعت کی تاریخ: 25th, January 2025 GMT
حیدرآباد (اسٹاف رپورٹر) سرکاری اراضی و ایمونٹی پلاٹ پر قبضہ مافیا کے خلاف کارروائی کا سلسلہ جاری رہے گا، ڈپٹی کمشنر زین العابدین کی ہدایت پر اسسٹنٹ کمشنر لطیف آباد سعود احمد خان کی زیر نگرانی مختار کار لطیف آباد علی شیر نے اینٹی انکروچمنٹ کے عملے کے ہمراہ یوتھ ویلفیئر سوسائٹی کے خیراتی اسپتال کے پلاٹ پر قبضہ کی جگہ واگزار کروا لیا ہے جبکہ خیراتی اسپتال کے پلاٹ سے دیگر پلاٹ سے قبضہ بھی شیڈول پروگرام کے تحت خالی کرائے جائیں گے۔ یوتھ ویلفیئر سوسائٹی کے عہدیداروں سید فہیم الدین، وہاب الدین نوری، وہاب الدین، محمد بخش چانڈیو، محمد حسین بھٹی، عمران بٹ، محمد شاہد شیخ، بلال چانڈیو، جعفر نوہانی، زاہد پرویز خان، راحیل لطیف و دیگر نے ڈپٹی کمشنر زین العابدین، اسسٹنٹ کمشنر لطیف آباد سعود احمد خان اور مختار کار لطیف آباد علی شیر کی کاوشوں کو سراہا۔
.ذریعہ: Jasarat News
کلیدی لفظ: لطیف آباد
پڑھیں:
ڈی جی ایم ڈی اے فعال، قبضہ مافیا پریشان
(رپورٹ:نجم انوار)ڈائریکٹر جنرل سعید صالح جمانی نے ایم ڈی اے تیسر ٹاؤن کا دورہ کیا۔جہاں انہوں نے سابق افسران کے ہاتھوں کرائے گئے قبضوں اور تباہیوں پر اظہار افسوس کیا۔ حال ہی میں نئے تعینات ڈائریکٹر جنرل سعید صالح جمانی نے تیسر ٹاؤن کے دورے میںادارے کی بہتری اور ترقیاتی منصوبو ں کے حوالے سے اپنی گرمجوشی ظاہر کی۔ اطلاعات کے مطابق ڈی جی ایم ڈی اے سعید صالح جمانی کے دورے کے حوالے سے ایم ڈی اے پر مسلط قبضہ مافیا کے افسران عرفان بیگ اور لئیق احمد کافی پریشان دکھائی دیے۔ جرأت کو موثق ذرائع سے ملنے والی اطلاعات کے مطابق ڈی جی کے دورے کے دوران عرفان بیگ اور لئیق احمد مسلسل انکروچمنٹ کے تاحال اپنے معاون افراد سے مسلسل رابطے میں رہے اور اُنہیں تاکید کرتے رہے کہ ڈی جی کو اُن کی زیر قبضہ زمینیں نہ دکھائی جائیں۔ اس دوران انکروچمنٹ کے افراد عرفان بیگ اور لئیق احمد کو ڈی جی کی سرگرمیوں کی لمحہ لمحہ اطلاع دیتے رہے۔باخبر ذرائع کے مطابق نئے ڈی جی سعید صالح جمانی کو نئے منصوبوں پر بریفنگ دی گئی ہے مگر ایم ڈی اے کے اندر موجود کالی بھیڑیں یہ یقینی بنا رہی ہے کہ سعید صالح جمانی کو ماضی قریب کے سارے قبضوں سے دور رکھا جائے۔ واضح رہے کہ قبضہ مافیا کے سرغنہ عرفان بیگ اور لئیق احمد کی پرانی ٹیم تاحال تیسر ٹاؤن، شاہ لطیف، اور نیو ملیر ہاؤسنگ اسکیم میں پوری طرح سرگرم ہے۔
جبل رحمت، مسجد ہجرا اور اداس تکونہ