ڈی جی عبدالرشید سولنگی لوٹ مار میں بے قابو
اشاعت کی تاریخ: 25th, January 2025 GMT
بیوروکریٹس کے لیے سونے کی چڑیا سمجھی جانے والی کرسی ڈی جی ایس بی سی اے ایک بار پھر گھومنے لگی ہے۔ اس بار یہ سونے کی کان کسے دی جائے گی، اس کا خفیہ طور پر پیپلزپارٹی کی سندھ حکومت نے فیصلہ کرلیا ہے۔ اطلاعات کے مطابق ریٹائرمنٹ کی دہلیز پر کھڑے ڈی جی عبدالرشید سولنگی کی جانب سے دن رات لوٹ مار کے قصے زیر گردش آنے کے بعد فیصلہ کیا گیا ہے کہ عبدالرشید سولنگی کوریٹائرمنٹ کی تاریخ یعنی 6؍فروری تک مہلت دینے کے بجائے کیوں نہ جبری رخصت پر بھیج دیا جائے۔ ڈی جی ایس بی سی اے عبدالرشید سولنگی نے 2024کے دوسرے مہینے میں اس سونے کی کان کا ٹھیکہ سنبھالا تھا اور اپنے پچھلے ڈی جی سے تحفہ میں ملنے اور اس گورکھ دھندے کو چلانے کے لیے رشید سولنگی کو بھی ان ہی بے ساکھیوں کا سہارا لینا پڑا تھا جو سابقہ ڈی جی سے انہیں تحفے میں ملے ہیں۔ ان میں سرفہرست اس سونے کی کان کو چلانے والوں میں ڈائریکٹر ڈیمولیشن عبدالسجاد ،ایس بی آئی عاصم،پی ایس ٹو ڈی جی خالد جمالی،پی ایس ٹو ڈی جی راشد ناریجو شامل ہیں یہ تمام کالی بھڑیں کئی سالوں سے حکومتی خزانے کو خالی کرکے اپنا بینک بیلنس بنانے میں مصروف ہیں۔ اس گورکھ دھندے کے سرغنہ ٹھیکیدار ڈی جی ایس بی سی ہیں جو اتنے خود سر ہوچکے ہیں کہ اس وقت کسی بھی گرفت یا قانونی جوابدہی سے لاپروا ہو چکے ہیں اور کسی بھی اعلیٰ شخصیت تک کی بات سننے کوتیار دکھائی نہیں دیتے۔ گزشتہ دنوں ڈائریکٹر جنرل سندھ بلڈنگ کنٹرول اتھارٹی عبدالرشید سولنگی کے خلاف سندھ اسمبلی میں ایم کیو ایم پاکستان کے ایک رکن عامر صدیقی نے تحریک استحقاق جمع کراتے ہوئے کہا تھا کہ مسلسل چھ ماہ سے خطوط لکھنے اور کالز کے باوجود ڈی جی ایس بی سی انہیں جواب نہیں دے رہے ۔ عامر صدیقی نے کہا تھا کہ بحیثیت رکن اسمبلی ان کا استحقاق مجروح ہوا ۔لہٰذا ڈی جی ایس بی سی اے کے خلاف کارروائی کی جائے۔ سندھ حکومت نے معاملے کی نزاکت کو دیکھتے ہوئے اپنے لاڈلے ڈی جی ایس بی سی اے سے باز پرس کے بجائے سونے کی اس کان سے اپنا بینک بیلنس بنانے والے ڈی جی رشید سولنگی کو ان کی ریٹائرمنٹ چھ فروری سے پہلے ہی راہداری فراہم کردی ہے۔ اطلاعات کے مطابق وہ کسی بھی وقت ٹکٹ کٹاکر جبری رخصت پر بیرون ملک فرار ہوسکتے ہیں ان کی جگہ پیپلزپارٹی اور خاص طور پر سید ناصر شاہ کی چوکھٹ پر حاضری دینے والے نئی ڈی جی ایس بی سی اے اسحاق کھوڑو یہ ٹھیکہ سنبھالنے اور روز کا حساب روز دینے پر کمربستہ دکھائی دیتے ہیں۔ یوں ایک بار پھر سے ڈائریکٹر ڈیمالیشن، عبدالسجاد، ایس بی آئی عاصم،پی ایس ٹو ڈی جی خالد جمالی،پی ایس ٹو ڈی جی راشد ناریجو اور اپنے پرموشن کے منتظر ڈپٹی ڈائریکٹرفنانس حفیظ الدین کی پانچوں انگلیاں گھی میں اور سر کڑھائی میں ہوگا ۔واضح رہے کہ اس گنگا میں ہاتھ دھونے والے اے ڈی خالد جمالی ایک عرصے سے معطل ہیں اور ڈی جی ایس بی سی اے رشید سولنگی کے سسٹم کا مرکزی مہرہ سمجھے جاتے ہیں۔
.ذریعہ: Juraat
کلیدی لفظ: ڈی جی ایس بی سی اے سونے کی
پڑھیں:
عجیب لوگ ہیں صدر کا تعلق نہیں تھا پھر بھی ان پر بات ڈال دیتے ہیں، مراد علی شاہ
وزیراعلیٰ سندھ مراد علی شاہ— فائل فوٹووزیراعلیٰ سندھ سید مراد علی شاہ نے کنالز کے معاملے پر کہا ہے کہ عجیب لوگ ہیں، صدر کا تعلق نہیں تھا پھر بھی ان پر بات ڈال دیتے ہیں۔
وزیراعلیٰ سندھ سید مراد علی شاہ نے کراچی ایئر پورٹ پر عوام سے خطاب کرتے ہوئے کہا کہ 2 مئی کو اجلاس تھا مگر زرداری صاحب نے کہا کہ میٹنگ جلدی کرلیں۔
انہوں نے کہا کہ اللّٰہ تعالیٰ کی مدد اور چیئرمین بلاول بھٹو کی رہنمائی، پیپلز پارٹی اور عوام کی طاقت سے کامیابی ملی، آج میں سندھ سمیت پاکستان کی عوام کو مبارکباد دیتا ہوں۔
مراد علی شاہ نے کہا کہ وزیراعظم اور وفاقی حکومت کا شکر گزار ہوں کہ حق کا فیصلہ دیا، سب صوبائی وزراء کا شکر گزار ہوں کہ انہوں نے حق کا ساتھ دیا۔
وزیراعلیٰ سندھ نے کہا کہ سی سی آئی کے فیصلے میں کہا گیا ہے کہ کینال صوبوں کی رضامندی کے بغیر نہیں بن سکتی۔
اسلام آباد وزیراعظم شہباز شریف کی زیر صدارت...
ان کا مزید کہنا تھا کہ جب تک باہمی رضا مندی نہیں ہو جاتی کوئی کینال نہیں بنے گی، یہ لوگ اصل مسئلے پر بات ہی نہیں کرتے ہیں۔
مراد علی شاہ نے کہا کہ صدر آصف علی زرداری سے پرسوں ملاقات ہوئی، ان کی طبیعت ناساز تھی، ملاقات ہوئی تو بتایا کہ سی سی آئی اجلاس پرسوں ہے جس پر صدر نے کہا کہ یہ تو بہت تاخیر ہے اور وفاق سے بات کی، چیئرمین بلاول بھٹو نے کہا کہ جو انہوں نے کہا ہے وہ منظور کروائیں، ورنہ واپس آجانا۔
وزیراعلیٰ سندھ نے کہا کہ کچھ لوگ چاہتے ہیں کہ صوبے آپس میں لڑیں اور لوگ گمراہ ہوں، سندھ حکومت نے متنازع کینالز پر واضح مؤقف اختیار کیا تھا، پیپلز پارٹی نے نگران حکومت میں جاری غلط فیصلہ ختم کروا دیا ہے۔
انہوں نے کہا کہ جس دن سے یہ متنازع مسئلہ شروع کیا گیا ہم نے اس دن سے اس کی مخالفت کی، بلاول بھٹو نے وزیراعظم شہباز شریف سے ملاقات کر کے متنازع مسئلہ حل کروایا، میں اپنے لوگوں کا بہت مشکور ہوں جنہوں نے ہم پر اعتماد اور یقین رکھا۔
آبادی میں اضافہ اور موسمیاتی تبدیلی جیسے بڑے چیلنجوں سے نمٹنے کے لئے نجی شعبے کے تعاون کی ضرورت ہے،محمد اورنگزیب