2024 کی بہترین ویمنز ون ڈے ٹیم منتخب،کوئی پاکستانی شامل نہیں
اشاعت کی تاریخ: 25th, January 2025 GMT
آئی سی سی ویمنز ون ڈے انٹرنیشنل کی ٹیم برائے 2024 کا اعلان کردیا گیا۔
جاری اعلامیے کے مطابق جنوبی افریقہ کی لیورا وولڈورٹ کپتان مقرر ہوگئیں، بھارتی اوپنر سمرتی مندھانا، سری لنکن چماری اتاپتو، ویسٹ انڈیز کی ہیلی میتھیوز، میریزن کاپ، آسٹریلیا کی ایشلیگ گارڈنر، اینابل سدرلینڈ، دیپتی شرما اور انگلش پلیئرز ایم جونز، سوفی ایکلیسٹون اور کیٹ کراس کو چنا گیا ہے۔
آئی سی سی ویمنز ون ڈے انٹرنیشنل ٹیم میں پاکستان کی کوئی کھلاڑی منتخب نہ ہو سکیں۔
.ذریعہ: Express News
پڑھیں:
ڈاکٹر ثانیہ بشیر پاکستان کی 100 بہترین کاروباری شخصیات میں شامل
حیدرآباد (اسٹاف رپورٹر) بین الاقوامی بزنس گلوبل فورم (سی ایکس او) نے چیف ایگزیکٹو آفیسر اور فائونڈر ڈائیبیٹس ٹیلی کیئر ڈاکٹر ثانیہ بشیر کو پاکستان انٹرپرینیور ایوارڈ 2025ء دے کر پاکستان کی 100 بہترین کاروباری شخصیات میں شامل کر لیا، یہ ممتاز اعزاز ڈاکٹر ثانیہ بشیر کی جانب سے جدید ٹیلی ہیلتھ کیئر کے ذریعے ذیابیطس کی دیکھ بھال میں انقلاب لانے کے لیے کیے گئے کام کی پذیرائی ہے۔ یہ ایوارڈ بین الاقوامی بزنس گلوبل فورم کے زیر اہتمام منعقدہ ایوارڈ تقریب میں معروف بزنس ایگزیکٹو اور کوئٹہ گلیڈی ایٹرز کے اونر ندیم عمر اورسی ایکس او گلوبل فورم کی بانی کنول مسرور نے پیش کیا۔ اس موقع پر ندیم عمر اور کنول مسرور کا کہنا تھا کہ ڈائیبیٹس ٹیلی کیئر نے پاکستان انٹرپرینیور ایوارڈ 2025ء حاصل کر کے اہم سنگ میل عبور کیا ہے اور ڈاکٹر ثانیہ بشیر کی بصیرت سے بھرپور قیادت میں ڈائیبیٹس ٹیلی کیئر نے ڈیجیٹل ہیلتھ کیئر کی ترقی میں سبقت حاصل کی اور پاکستان میں ہزاروں افراد کو ذیابیطس کے انتظام کے لیے قابل رسائی اور مریض مرکوز خدمات فراہم کی ہیں۔ انہوں نے کہا کہ ذاتی نوعیت کی دیکھ بھال سے لے کر تعلیم اور ڈیجیٹل ٹولز تک اس پلیٹ فارم نے افراد کو ذیابیطس کو موثر طریقے سے منظم کرنے اور ان کی زندگی کے معیار کو بہتر بنانے کا اختیار دیا ہے۔