کورنگی لانڈھی میں واٹر اور سیوریج کے دیرینہ مسائل حل کیے جائیں ‘عبدالجمیل
اشاعت کی تاریخ: 25th, January 2025 GMT
چیئرمین لانڈھی ٹائون ایم ڈی کراچی واٹر اینڈ سیوریج کارپوریشن اسد اللہ خان سے ملاقات کررہے ہیں
کراچی(پ ر)کورنگی لانڈھی کے عوام سیوریج اور واٹر کے مسائل سے دوچار ہیں فوری طور پر کورنگی لانڈھی ،ماڈل کالونی کے مسائل حل کیے جائیں ۔یہ بات لانڈھی ٹائون کے چیئرمین عبدالجمیل خان نے کراچی واٹر اینڈ سیوریج کارپوریشن کے ایم ڈی اسد اللہ خان سے ان کے دفتر میں ملاقات کے دوران گفتگو کرتے ہوئے کہی۔اس موقع پر ماڈل ٹائون کے چیئرمین ظفر احمد خان اور یوسی دس لانڈھی کے چیئرمین عبدالحفیظ بھی ان کے ہمراہ موجود تھے۔ عبدالجمیل خان نے ایم ڈی واٹر بور ڈ اسد اللہ خان کو توجہ دلوائی کہ چاول گودام لانڈھی میں پانی کا پمپ لگا دیا جائے تو اس سے خرم آباد ،فاروق ولاز ،لانڈھی نمبر ایک تا چھے کے مسائل بڑی حد تک حل ہوجائینگے اور علاقے میں پانی کی سپلائی میں بہتری آئے گی اسی طرح کربلا گرائونڈ میں پانی کا وال لگایا جائے ۔یوسی دس کی سیوریج لائن جو کہ 18انچ کی ہے اس کی وینچنگ اور مرمت کی جائے اور اسے 18انچ سے 24انچ میں شفٹ کیا جائے ۔زمان ٹائون ،کبڈی گراونڈ،لیبر اسکوائر،35B,35Aودیگر قرب وجوار کے علاقوں میں پانی کا شدید بحران ہے لہٰذا یہاں نئے کنکشن دیے جائیں۔اسی طرح سیوریج کی لوئر لانڈھی لائن میں پمپنگ اسٹیشن لگایا جائے تاکہ لوئر لانڈھی پر ہونے والا پریشر ختم ہوں اور سیوریج کے مسائل حل ہوں ۔ایم ڈی کراچی واٹر اینڈ سیوریج کارپوریشن نے لانڈھی ٹائون کے چیئرمین عبدالجمیل خان کی جانب سے چاروں اہم مسائل پر توجہ دینے اور ان پر جلد کام شروع کرنے کی یقین دہانی کروائی۔
.ذریعہ: Jasarat News
کلیدی لفظ: کے چیئرمین کے مسائل میں پانی ایم ڈی
پڑھیں:
سرجانی ٹائون میں شادی کی فائرنگ سے زخمی دوسرابچہ بھی چل بسا
کراچی ( اسٹاف رپورٹر ) سرجانی تیسر ٹاون میں شادی کی تقریب کے دوران فائرنگ سے زخمی ہونے والا ایک اور بچہ اسپتال میں دوران علاج چل بسا۔ تفصیلات کے مطابق سرجانی تیسر ٹاون سیکٹر 35 سی میں گزشتہ روز شادی کی تقریب ہوئی جس میں باراتیوں نے فائرنگ کی۔پولیس کا کہنا ہے کہ بارات کے دوران گھر کے باہر فائرنگ سے ایک کمسن بچہ جاں بحق اور ایک بچے سمیت 2 افراد زخمی ہوگئے تھے، جاں بحق ہونے والے بچے کی شناخت 6 سالہ بنجو ولد آئزک کے نام سے ہوئی تھی،زخمیوں میں 6 سالہ ایلن ولد شہزاد مسیح اور 30 سالہ روبن ولد بابر شامل تھے۔پولیس نے بتایا کہ دونوں زخمیوں کا اسپتال میں علاج جاری تھا تاہم دوران علاج زخمی ہونے والا ایک اور بچہ ایلن مسیح بھی دم توڑ ہوگیا جس کے بعد واقعہ میں جاں بحق ہونے والے بچوں کی تعداد 2 ہوگئی ہے۔پولیس کے مطابق بارات لیکر جانے والے افراد ہوائی فائرنگ کر رہے تھے ،پولیس کا کہنا ہے کہ شادی میں فائرنگ میں استعمال ہونے والا اسلحہ برآمد کرکے3 ملزمان کو گرفتار کرلیا گیا ہے، مزید تفتیش کی جارہی ہے۔
پاکستان اورویسٹ انڈیز کے درمیان دوسرا ٹیسٹ 25جنوری سے شروع ہوگا